تجربتي في جولة الهيلوكبتر في اسطنبول

اسعد الله صباحكم ومسائكم جميعا ..

بعد بحث مطول لقيت مكان في اسطنبول

يسون جولة لمدة ربع ساعة بالهيلوكبتر فوق اسطنبول

والجولة بصراحة روووعة واول مره بحياتي اركب هيلوكبتر ..

تشوف معالم اسطنبول من فــوق رهيبه ، وتكلفتها ايضا مو غاليه ..

اللي صار معاي كنت مسافر بروحي في عيد الاضحى

وكل ما اسال الاتراك عن هذي الرحلة يعطوني اسعار خياليه

وطبعا لانهم يحجزون لك رحلة بروحك ، وسعرها الفين يورو

لكن دورت ولقيت انه تقدر تحجز كرسي واحد بالرحلة ب 50 يورو و 100 يورو و 150 يورو

الرحلة فيها سبع كراسي فقط وتطير كل يوم احد ..

اللي حصل دشيت موقعهم Kaan Air

ومافهمت شي ولقيت موضوع بالنت يتكلم عنهم .. قلت مافي الا اروووح بنفسي
رحت السبت بالتكسي وطلعت مكانهم بالقوقل ماب

كتبت اسم المكان kaan air وبالعداد 30 ليرة من تقسيم لي مهبط الطائرات مو بعيد وايد

ولقيت كل الكراسي محجوزة
اول كرسي امامي بجوار الكابتن سعر 150 يورو
وبالخلف ست كراسي متقابلة
اللي عند الزجاج اليمين واليسار 100 يورو
والوسطي 50 يورو

طبعا مالقيت كرسي فاضي الا الوسطي وكانت سفرتي ثاني يوم

وحجزت الوسطي ، ب50 يورو

لكن الوسطي له ميزه غير الرخص انك تقدر تشوف الصوبين

يعني الشباك يمين ويسار تشوفهم بعكس اللي قاعدين عند الدريشه مايقدر يشوف الصوب الثاني ..

هي تجربة جميلة وبسيطة

وسهله ، ولما تروح لهم لازم معاك جوازك او صورة للجواز ، انا كان معاي صورة للجواز ..

وبعدين ياخذون بياناتك وكل شي ويلبسونك هالكرت

وهذي صور من الجو ، ماعرفت ارفع الفيديوات بصراحه