هام وعاجل ارجو من الجميع التواصل
2013-11-01
سلام عليكم
لو سمحتم يا جماعة تردوا عليا ضروري لاني بحضر لرحلة ابويا وامي لتركيا كمان يومين ان شاء الله، وعايزة ابقى حاطلهم البرنامج كامل على قد ما أقدر، علما انهم رايحن رحلة اقتصادية إلى حد ما وحيقعدوا في السلطان أحمد بإذن الله
أولا: ازاي يروحوا من بانوراما فتح القسطنطينية لميني ترك؟
ُُُثانيًا: في تلج على جبل بورصة دلوقتي ولا لأ؟
ثالثًا: ازاي يروحوا مغارة اويلات والشلال الي جنبها؟
رابعًا: بورصة تتراح أحسن بالاوتوبيس ولا بالعبارة (في ناس قالت الاوتوبيس ياخد ساعتين وناس قالوا 4، وفي ناس قالوا العبارة بتوصلك لميناء بعيد عن أماكن ركوب الاوتوبيس للتلفريك وناس تانين قالوا ان في اوتوبيسات جنب المينا توصلك لمحطة التلفريك على طول) ولو حبوا يركبوا اوتوبيس (مجبرين أو مختارين) يركبوه منين من اسطنبول (تحديدًا السلطان أحمد) ومن بورصة؟ ولازم حجز قبلها ولا لأ؟
خامسًا: هل صحيح في جولات بتتعمل في البسفور بتطلع من المينا مش تبع شركات سياحية؟ ولو في سعرها كام ومواعيدها ايه؟
سادسًا: حد جرب الحمامات التركي؟ التعامل فيها ازاي؟ وهل لازم كل واحد ياخد منشفته معاه ولا ايه؟ وبيتبس ايه جوه الحمام؟
سابعًا: ممكن ترتبولي جدول للأماكن دي على يومين أو 3 أيام بالكتير لاني رتبتلهم الأماكن المهمة على باقي الرحلة وفاضل الأماكن دي معرفش تتراح ازاي من السلطان أحمد وايه منها قريب من بعض او على الاقل في مواصلة واحدة بينهم وبين بعض، الأماكن دي هي:
جامع السليمانية- جاع فتح- جامع رستم باشا-قلعة روملي حصار- الاكواريم (انا سمعت ان اسطنبول اكواريم احسن من التاني- برج جالاطا- قصر يلدز- قصر أهلامور- حديقة اميرجان برج الأميرة
متشكرة جدا جدا جدا مقدمًا
التعليقات