اسبرانزا و 4 أيام في البحرين – Bahrain

اسبرانزا و 4 أيام في البحرين

التخطيط للسفرة و اليوم الأول في البحرين

سفرتي السريعة للبحرين ما كانت بشي محبب بالنسبة لي ولكن كانت ضرورة لعدم وجود بديل مناسب لواحد مثلي يالله قدر يطلع 4 أيام إجازة من مديرة و بحب الخشوم بعد (عاد تدرون أن عندي أكثر من 90 يوم رصيد إجازة ولآني قادر استفيد منها لان مديري لاعب على و يقول لي انك مهم ولا نستغني عنك حتى لو إجازة).
pb151
لذلك و بعد ما أخذت إجازة 3 أيام زايد الخميس و الجمعة انطلقت للبيت و أنا اتشقق من الفرح لأني أخيرا أبأخذ إجازة.

كانت الفكرة إني اسكن في فندف الرتز كارلتون لأنه هو الأفضل في البحرين و بدون منافس رغم ارتفاع أسعار غرفة (الغرفة العادية في حدود 1300 ريال) ، لكن للأسف ما لقيت عندهم حجز ، لذلك كان البديل هو فندق الشيراتون.

حجزت في الفندق عن طريق مكتب بن غيث اللي في العليا و دفعت لهم 3200 ريال حق أربعة أيام في الفندق شاملة الضريبة و الخدمة (سعر الليلة 850 ريال) و أخذت منهم فاوتشر الفندق و انطلقت في طريقي للبحرين على الهوندا (الحمراء لا تنسون)pb094 يوم الاثنين الماضي عند الساعة 2 الظهر.

الخط كان حليل و أحسن ما فيه كان الزفلت الجديد في معظم أجزاءه ، لذلك أخذت راحتي ولا أسرعت كثير في الخط.

لكن اللي ضيق صدري هو إني عديت 6 نقاط تفتيش على الخط أولها كان عند مفرق رماح و أخرها كان قبل مفرق البحرين على خط الرياض الدمام السريع.

بعد حدود 3 ساعات (تراني ما اسرعت ابد) كنت وصلت جمارك السعودية على جسر الملك فهد ، كنت الحقيقة خائف أنهم ما يسمحون لي بمغادرة السعودية على سيارتي و استمارتها منتهية ، و كانت خطتي لو ما دخلوا سيارتي هو إني أوقفها في مواقف الجسر و اركب مع سيارة شركة التوصيل الموجودة على الجسر و اخليهم يوصلوني للفندق و بعدين استأجر سيارة. (فيه مكتب والله إني ناسي اسمه شغلتهم يوصلونك ألي داخل البحرين بسعر على ما اعتقد 100 ريال للشخص).

أول ما وقفت عند شباك حق الجمارك رحب فيني الموظف بطريقة غريبة و كأنه يعرفني من قبل و كان الموظف مستاسع صدره و مبسوط على الأخر و حتى صار يمون و بدال ما ينادي بأسمى (عبدالله) قال لي يا عبودي.

المهم الموظف من كثر سعة صدره قال لي و زوجتي جنبي تسمع “هو أنت يا عبودي كنت في البحرين قبل يومين” ، انا طيرت عيوني فيه و زوجتي طيرتي عيونها فيني و قالت له لا لا لا أنا ما رحت للبحرين أكيد أنت غلطان ، رد على الموظف و قال ” بس أنا مسجل عندي انك دخلت البحرين مع منفذ جسر الملك فهد يوم السبت الساعة 9 بالليل” ، أنا بصراحة طاح قلبي و خفت اتصفق من المعزبة فبديت اتلعثم في الكلام ، بعدين قال الموظف “تراني امزح معك” ، أنا يوم قال هالكلام قفلت معي و بغيت انزل عليه و امحطه بالعقالpb151 ، بس هدتني المعزبة و عقلتني.

الحمدلله قدرنا نعدي جوازات السعودية و جوزات و جمارك البحرين بسهولة و يسر و عند الساعة 5:30 العصر كنا في وسط البحرين.

توجهنا للفندق و خلصنا مع الاستقبال بعد ما طلبو مبلغ 1000 ريال تأمين.

ملاحظة سريعة على الفندق هو أنهم ما عندهم احد يوقف لك سيارتك لأنهم توهم بانيين مواقف جديدة تبعهم جنب الفندق علطول ، لكن المشكلة انك مضطر تطلع مع باب الفندق الرئيسي و تمشي حدود خمسين متر تحت الشمس الين توصل مبنى المواقف ، يعني باختصار المواقف هذي كانت فكرتها غبية.
pb131
اخذت مفتاح غرفتي في الدور الخامس و طلعت لها مع المعزبة و نزلنا فيها عفشنا بعدين نزلنا من الغرفة و انطلقنا في سيارتي للدوران في البحرين.

هذا لوبي الفندق

هذا الممر اللي فيه الغرفة بالدور الخامس

و هذا باب الغرفة من الخارج

و هذي الغرفة من الداخل

طبعاً الدوران في البحرين كان أهم شي فيه هو رأس معسل على السريع عقب الخط الطويل.

لذلك توجهنا لم مقهى لاميزون اللي كنت اعرفه زين من أيام العزوبية و كانت تعجبني عندهم الشيش و طريقة تحضيرها (المقهى موجود في منطقة السيف خلف مجمع السيف التجاري و أسفل شقق السيف المفروشة).

هذا المقهى من الخارج.

دخلنا المقهى و طلبت لي رأس باشا فرش (طازج يوضع المعسل داخل تفاحة بدل من رأس الشيشة الفخار).pb189

هذا الرأس الفرش

المقهى كان شبه فاضي فجت طلباتنا بسرعة و اللي شملت وجبة خفيفة ، بعدها دفعنا الحساب و طلعنا من المحل خلا ساعة من دخوله.

هذي صور للمقهى من الداخل.

الحساب كان في حدود 150 ريال و كان ممكن يكون اقل لو إني ما ضيعت بطاقة الخصم حقتهم و اللي عن طريقها كنت اقدر اخذ 50% على الشيش أو 25% خصم على المأكولات.
طبعاً إني أخذت بطاقة خصم جديدة منهم لكن المشكلة أن البطاقة الجديدة اللي عطونيها ما كانت صالحة لليوم اللي تأخذها فيه بالإضافة ألي أن الخصم يكون صالح فقط من الساعة 8 الصبح ألي الساعة 8 بالليل.

بعد كذا طلعنا من المقهى و توجهنا ألي مجمع السيف و تفرجنا لنا على فلم في السينما و عند الساعة 10 بالليل رجعنا للفندق و نمنا ليلتنا.

(يتبــــع)