تقرير سفرتي للبحرين 4 أيام ( شبابي )

بسم الله الرحمن الرحيم

أعتذر عن قلة الصور , أعدكم مستقبلا بتقرير أفضل

الوصول كان يوم الأثنين 12:30 ص ,,, 15 – 12 – 1436 هـ
أنا و صديق لي
الجسر ليس زحمه تقريبا
نصف ساعه بالجانب السعودي و ربع ساعه بالجانب البحريني

وصلنا المعارض تقريبا قبل 2 ص وقبل مايسكر ( مطعم هافانا )
خوينا يبي يتقهوى ( عسكري وإجازته بدأت من نصف ساعه ) :6b08cdd459:
المهم تقهوينا لـ الساعه 2 ص وقفل المطعم
( إلى الأن متوقعين إن أسعار الشقق غاليه )
ف دخلنا أكثر من شقه وكانت الأسعار ممتازه جدا
ف خذينا ( غرفه و صاله في شقق تاور بلازا ) ب 300 ريال
الدخول يوم الاثنين 2 ص و الخروج 3 عصرا يوم الثلاثاء

الشقه ليست جيده جدا , أعطيها 5 من 10
الفرش و الإغطيه نظيفه لكن الأثاث متهالك
واخترناها لاننا كنا تعبانين جدا من الطريق
المهم
خذينا شور و روقنا في الغرفه
بعدها طلعنا على فندق مورنو في البار
و سهرنا فيه لـ 8 صباحا
ورجعنا لـ الشقه ونووووم الى 7 م

في اليوم التالي الى محمد نور و أحلى كبسسسه والى المصنع ( فندق الخليج )
ومن ثم الى مجمع السيف و سي سنتر
تمشينا وشرينا اغراض
وشفنا كم فيلم ورجعنا لـ الشقه نستعيد نشاطنا
هذه الليله أكتفينا بالجلوس بالشقه و السهره الداخليه
بعدها الى النوووم

وبعد نومه طويله قمنا من النوم قبل المغرب تقريبا
وسوينا خروج ( المفترض نطلع الساعه 3 م )
لكن راحت علينا نومه و الهنود متساهلين ( يعطيهم العافيه )

المهم على محمد نور < الرز لايقاوم :6b08cdd459: هنا إتصل علينا صديق لنا من الدمام ( عسكري ) والنسخه الاصليه لإجازه
مع ابو الشباب اللي معي ( بسيارته )
المهم قال نبي ندعس لـ الدمام نجيب الرجال و نجي ( قلت تم )
ف طلعنا للجسر و رجعنا ( تقريبا ساعة زمن )

خروج عن النص : كانت سفرتنا رابع ايام العيد وانا مستغرب عدم زحمه الجسر
و نزول الاسعار بالشقق و الفنادق , مع ان فيه تواجد للشباب بسيط في الجفير و المعارض

نرجع للموضوع , خذينا خوينا ورجعنا للبحرين و كالعاده على مطعم هافانا
يبي يتقهوى الرجال ( في اي وسيلة كانت ) ههههههههههه

تقريبا الساعه 10 م حبينا نسهر في اي مكان ( بدلا من البارات و الشقه )
ف بحكم إن السفريه كانت غير مكلفه ( إخترنا : أوكسجين )

هذه صوره من الأنترنت لـ فندق ديز

ف وصلنا لـ فندق ديز ( بجانبه أوكسجين ) وطلب مننا 3000 ريال قيمة طاوله
و مافيه دخوليه , إستغربنا الأمر , و الشباب و البنات طابور عند الباب
مع المفاوضات دخلنا بـ 1500 ريال لــ 3 أشخاص
المكان رائع و الأجواء فيه جميله
لكن إسمحوا لي أقول ( نــــــــــــصـــــــابــيــن )
أو بالأصح مكان ناس كاش
في البدايه جلسنا ع الطاوله و جت مقدمة الطلبات
سألنا : وين الماء ؟ وين الكلينكس ؟ وين المزه ؟
طاوله فاضيه !!!
قالت مافيه
أوكيه مو مشكله , نبي 3 فيمتو
وكل شوي تجي تجلس بنت عندنا ونقولها المكان محجوز ( طرده )
وتروح وترجع بنت غيرها ( وعلى هالموال )
لما جت بنت وجلست وطلبت ع طول وتهاوشنا معاها
ف جاء السكرتي وقال ماتبونها قولوا لها
واحد من الشباب : قال إنبح صوتنا وحنا نطردهم بس مايفهمون !! :2fe0a1b787::2fe0a1b787:
المهم رجعنا جلسنا و ب ربع او نصف ساعه إنتهت قيمة الطاوله
الاسعار ثلاث أدبال

السهره كانت جميله لكن مبالغ جدا بالاسعار ولا أنصح بالذهاب له
إلا بـ دخولية ( علشان تشوف بنفسك الاجواء و الاسعار )

المهم طلعنا على الساعه 12 ص تقريبا
وذهبنا لـ فندق فريده – إحفظ هذا الأسم للتوصيات
( خلف صيدليه جعفر ) قريب لـ فندق ميتروبليتان
خذينا غرفه بصاله ( ماعندهم غرفتين )
ب 350 ريال و الغرفه رائعه و النظافه رائعه و الخدمه رائعه
أنصح به ( وأنا أول مره أسكن في هذه المنطقه )

( طبعا الخروج ثاني يوم العصر )

وأجواء الفندق حلوه حلوه بالمررره < علشان التشفير بس :6b08cdd459::6b08cdd459: المهم كملنا سهرتنا بالغرفه ( أحلى سهره ) بلا أوكسجين بلا هم
والى النوم

شطحه : هذي صوره انا مصورها لكن ما أدري وين :2fe0a1b787:

المهم
وفيه اليوم الذي يليه قمنا من النوم قبل العصر تقريبا
وخوينا الجديد خذانا الى مكان ( ما أدري وينه )
المهم إنه مطعم عراقي في سوق شعبي ( عليهم رز لايقاوم فعلا )

بعدها توجهنا إلى الجفير و إلى رامي كاليفورنيا

نبي نتقهوى ونلعب بلياردو
خوينا الجديد هنا بداء يلعب بلياردو مع بنت واللي يخسر يدفع قيمة 2 شراب
بما يعادل 80 او 100 ريال للإثنين
المهم هو يفوز وهي تخسر , ويحلف انه هو اللي يدفع :2fe0a1b787::2fe0a1b787:
حنا هنا جلسنا نضحك عليه ( والبنت تقول ابي ادفع ابي ادفع )
وهو رافض
توقعنا إن الأخ سكران مع إنه ماشرب كثير
المهم بعد الإنتهاء خذا رقمها وقلنا له ماراح تشوفها , قال مالكم شغل :329b2f6765:
وطلعنا نبي نغير الى رامي إنتروشنال
جلسنا برامي انتروشنال شويات , والجو ما أعجب الشباب
ف رجعنا لـ الشقه , منها نبي نأخذ شور و نروق شويات بالشقه
وتقريبا الساعه 8 م حبينا نزور بيسان ورحنا جلسنا هناك

خوينا طلب مفتاح الشقه وراح
جلسنا انا وخوي نشيش و نطالع ببعض :61acbf8b15::61acbf8b15:

في هالوقت جاء عندنا ولد سعودي ( مرتب ) وإستأذن بالجلوس معنا ف جلس
كل ماجينا نبي نحاسب إلا يقوم ويحاسب عننا
مره 50 ومره 100 و مره 200
ي ولد مايصير !! علي الحرام علي الطلاق
المهم سولفنا وضحكنا واتصل علينا خوينا يقول تعالوا نكمل السهره بالشقه
واشتروا معاكم ( استريو او دي جي ) المهم فيه ليزر
قلنا جوك فوق ي مدير :2fe0a1b787::2fe0a1b787:
ف طلعنا ومسكنا ابو الشباب اللي يحاسب عننا
هلا أمر : قال معليش شباب بس بغيت 100 ريال قيمة تاكسي للجسر
صرافتي بسيارتي بالجزيره
ضحكنا حنا :2fe0a1b787: طيب ليه تحاسب وليه تهايط و و
ف عطيته 200 ومشينا
شرينا إستريو و ليزر ورحنا لـ الشقه
الجو كان حلو بالشقه
لكن خويي من خلال تقريري السابق قال بشوف الدي جي الاجنبي
اللي فيه فرقه تايلنديه ( بفندق مورنو )
ف قلت قدام , نروح ابو ساعه ونرجع
ف رحنا و دخلنا مع المفاوضات ب 100 ريال للإثنين
وهذه صوره من الداخل ب عدسة البرنس

الى هنا تقريبا انتهى التقرير , لم يتبقى شيئا يذكر
أعتذر عن قلة التصوير و هذه المره الاولى لي أكتب بها تقرير هكذا
أعدكم مستقبلا بتقارير افضل و صور تفصيليه أكثر

شكرا للقراءه ,,

إحترامي ,,