أهلا وسهلا بك إلى المسافر السياحة و السفر.
أهلا وسهلا بك زائرنا الكريم، يسرنا ان تسجل معنا في اكبر مواقع السفر للتسجيل اضغط هنا

اماكن الشيشة في البحرين ( تجربتي )

2016-05-15
عدد المشاركات: 2

أهلا بمحبي الشيشة في مقاهي الشيشة في البحرين، مقاهي على البحر لأروع منظر وأطيب شيشة في مقهى لاميزون دو كافيه، وللبحث معنا عن محلات المعسل في البحرين في كافيه روج، اليوم جايب لكم تجربتي مع اشهر الأماكن اللي تقدم الشيشة( المعسل في البحرين ).

المقاهي الموجودة في جزيرة أمواج

كافيه فينيس
بالنسبة لي افضل شيشة موجودة في مقاهي لاقون، اللي هو مجمع المقاهي اللي بأموالج المكان، يتميز بالاضاءة الحمراء الهادية.

حزاوي الأول
ثاني افضل شيشة بالنسبة لي في امواج.

كافيه صدف
في الأصل كان هذا الكافيه قهوة شعبية في المحرق، مقابل المطار ويتميز المكان بأسعار المقاهي الشعبية، سواء بالنسبة للشيشة أو المأكولات.

كافيه جيز
فرع أمواج هو واحد من 3 فروع لهذا الكافيه المشهور في البحرين، يبقى فرع في سترة( شخصيا ما احبه )، والفرع الثاني في العدلية( الفرع المفضل بالنسبة لي.

كافيه بريمافيرا
هذا الكافيه المتخصص في الأكل الهندي تتوافر فيه الشيشة، بس للأسف مو بنفس جودة الكافيهات السابقة، بس يتميز هذا الكافيه أن الاغاني اللي فيه صاخبة وجديدة ومتعوب عليها، وبعض الليالي يكون فيه مغني سابقا، وفي ليالي الويكند عادة الواحد يحتاج يحجز طاولة.

كافيه أنغام بيروت
جنب كافيه بريمافيرا، يتميز بالأكل اللبناني والاجواء الهادية ويقدم شيشة عادية.

كافيه حدوتة مصرية
الشيشة في هذا الكافيه جيدة الى حد ما، والاجواء هادية جدا.

كافيه على بابا
هذا الكافيه جديد، وعلى حسب كلام الاصدقاء الشيشة عادية والأسعار مبالغ فيها.

كافيه ام كلثوم
الشيشة عادية والاجواء جدا هادية.

هذي اشهر الكافيهات في جزيرة أمواج، بالنسبة الى جزيرة الريف، جربت الكافيه اللي فيها مرة وحدة بس ومستحيل اكررها، الشيشة سيئة والاسعار مبالغ فيها، بس للأمانة منظر الكافيه المطل على البحر كان حلو.

كافيهآت منطقة العدلية

كافيه البنديرة
طبعا هذا يمكن من اشهر الكافيهات اللي في البحرين، وله 3 فروع فرع العدلية( وهو الفرع المفضل بالنسبة لي ) وفرع سند، وفرع مجمع العالي بجوار مجمع السيف، الشيشة جيدة في كافيه البنديرة، والاجواء لطيفة واحب في المكان دزاينه الشعبي.

كافيه لاميزون
وهو من أحد افضل الكافيهات اللي فيها شيشة، وهذا واحد فرع واحد من أصل 3 فروع، واحد في العدلية وهذا الفرع المفضل بالنسبة لي، والثاني في الزنج( ما يعجبني )، والثالث في منطقة السيف، وفرع السيف تكون فيه حفلات و بوفيه ب 20 دينار في الليل مع وجود مغنيين. كافيه جميل دزاينه مصري فرعوني، بس أسعاره اعلى من الباقي شوي.

كافيه روج
هذا الكافيه من اجدد الكافيهات في منطقة العدلية، شيشته حلوة، الاجواء فيه حيوية خصوصا في ليالي الويكند، الاغاني عندهم بعد حلوة. من الأماكن المفضلة بالنسبة لي.

كافيه دون فيتو
الشيشة في هذا الكافيه عادية، والاضاءة خفيفة، ما اعرف شنو السر أن هذا المكان يجذب الأجانب.

كافيه أريزونا
الشيشة في هذا الكافيه على المزاج، مرة حلوة و مرة لا، بس الناس تروح له عشان الكباين والخصوصية عادة.

طبعا في كافيهات كثيرة في العدلية بس انا شخصيا افضل اللي ذكرتهم، وما راح اذكر الباقي عشان لا يكون الموضوع مجرد ذكر اسماء الأماكن. لو كان في احد يحب المقاهي الشعبية، ف انا ارجح له قهوة حزاوي الأول في المنامة، وهي تفتح 24 ساعة، طبعا المكان شعبي ما يناسب لو حد صاحب برستيج وكذا، ولو في حد يحب جو الروقان على البحر ارجح له: بوشيدو في منطقة السيف، الشيشة عندهم جيدة، بس طبعا المكان سعره اعلى من الأماكن الباقية عشان وجود العصاير وهالامور. وثاني مكان على البحر بس هذا بعيد شوي عن باقي الأماكن اسمه تاباس في سوفتيل الزلاق، وطبعا هذا بعد أسعاره اغلى من الباقي وكل ليلة فيه حفلة لاتينية من بعد الساعة 10.

لو احد يحب يشيش في الجفير طبعا قريب من أماكن السهر وكذا، في قهوة فوق باسكن روبنز في شارع المطاعم، الشيشة فيها جيدة بس ناسي اسمها، وفي كافيه جديد جنب برادات الجزيرة اسمه سكون الشيشة فيه ممتازه واجواءه كلاسيكية.

انشر هذا الموضوع

اكتب رد

32 الردود في "اماكن الشيشة في البحرين ( تجربتي )"

avatar
  اشترك  
الجديد اولا القديم اولا الاعلى تقييم
بلغني اذا
شقاوي444
مشارك

الله يعطيك العافيه دكتور

علاوي 77
مشارك

dr.mohammed;1296137 wrote: هلا ومرحبا اخوي علاوي
بالنسبة لكافيه دوم .. هذا المكان مطعم وكوفي شوب بس مافيه شيشة
الاجواء فيه كلاسيكية هادية .. انا كنت افضل الجلسة الخارجية للمكان بس في هذا الوقت الجو حار ما تصلح ..

إذا تبي اخوي كافيه في هذا الشارع في واحد فوق باسكن روبنز ( هذا فيه شيشة ) بس رايح عن بالي اسمه ويفتح الى وقت متأخر تقريبا الى 3 أو 4 الصبح ..

في كافيه ثاني بعد في منطقة الجفير فيه شيشة قريب من براءات الجزيرة .. اسمه سكون كافيه ..

هذا بالنسبة للكافيهات .. أما داخل الفنادق اكيد في شيشة في أماكن واجد بس ما عندي فكرة عنها ..

يعني كافيه دوم ينفع للعشاء فقط
اللي فوق باسكن في اجواء طرب مثلا نفس كافيهات امواج انا عندي اهم شي الطرب ما لي خلق زحمة بريمافيرا في العيد

علاوي 77
مشارك

dr.mohammed;1296054 wrote: هلا ومرحبا يا جماعة

للأسف يا خوي نايت لوفر ما اعرف الكافيه اللي قلت عنه ، بس من وصفك صار ودي اجربه ، وان شاء الله اجربه واعطيك رأيي

هلا ومرحبا اخوي ارمكاوي نورت

حبيت اضيف اسم كافيه جديد يستحق التجربة .. في منطقة العدلية قريب من كافيه البنديرة ، الكافيه جديد .. تقريبا صار له سنتين بس الإقبال عليه جدا عالي ، والمكان على كبر حجمه والساعه، يكون مليان ناس .. اسمه (( بوتيك كافيه ))

وفي كافيه ثاني بعد جديد ، في المعارض عند صيدلية جعفر ، اسمه مقهى خان الخليلي ، يقدم شيشة جيدة ، واللي يميزه الحفلات الغنائية من بعد الساعة 10 . والمكان فيه مينيمم جارج 5 دينار للفرد .. في ليالي الاجازة والمناسبات حبذا لو يتم حجز طاولات مستحقا

بسئلك عن كافيه dome اللي في الجفير كيف وضعه

ارمكاوي كول
مشارك
ارمكاوي كول

موضوع حلو وشيق يعطيك العافية
انا بالنسبة لي جربت لاميزون شيشهم جيدة والمكان رايق مرة وبعد الساعة 9 ونص يقلب نظام بوفيه الا اذا تطلع الدور الثاني
عندك مقهى الشراع اللي عالكورنيش جنب المرفأ جلساتهم قديمة عالبحر بس شيشهم طيبة
برضو عندك مرمريز جدا خطير انا من ناحية شخصية عجبني في نظام الكابينة بعد بس جلساته رووعة لكنه شوي غالي
مقهى الترؤة معسلاته جيدة وجلساته رايقة بس صغير
في مقهى جدا جدا رايق نسيت اسمه ومعسلاته جيدة في اخر شارع المعارض يجيك قبال مطعم اصفهاني على لفة بس جلساته روووعة جربوه

Night lover
مشارك
Night lover

دكتور محمد موضوع في غايته الاهميه لمحبي المقهى
تســلم يابطل الحقيقه استفدت كثيرا منه واتمنى تثبيته

وحاب اسئلك وش رايك بمقهى شاكو ماكو بالمعارض
انا جربته مره بالصدفه من فترة طويله مع زميل وكان انطباعي
المعسل رائع
وادارته عراقيه واجواءه جميله

هل هوا الان مثل ماكان عليه

علاوي 77
مشارك

dr.mohammed;1291236 wrote: هلا ومرحبا اخوي هاوي السفر والروقان ،
بالنسبة لي انا مو من محبين كافيه اروما من زمان بغض النظر عن اللي يشتغلون فيه ..
طريقة توزيع الطاولات في المكان ما تعجبني ،، على العموم أهم شي للي يروح القهوة قبل أي شي التعامل الطيب من العاملين في المكان ،، الواحد مو رايح قهوة عشان يجي هذا أو ذاك يتفلسف على راسه ويكشر في وجهه .. القهاوي وايد ،، وفي نفس منطقة السيف موجود كافيه البنديرة في مجمع العالي ، ولاميزون في ضاحية السيف ، ولفانتي بعد في ضاحية السيف ، و مكان صيني على البحر اسمه بوشيدو يقدم الشيشة .. يعني مو واقفة على مكان واحد ولا تعكر مزاجك معاهم ..

بوشيدوو يقدم عصيراات ايضا