معلومه واللي يقدر يفيد يتفضل

السلام عليكم 

مساكم / صبحكم الله بالخير بعد عيد الأضحى السعيد وبعد الدوامات ونهاية الإجازات “”” قاعد أتخيّل منظر الجسر “”” خخخخخ 

آخر زياره لي للبحرين كانت تقريباً قبل شهر “” او حوله “” والزياره اللي قبلها كانت قبل رمضان اللي راح ب اربع ايّام .. 

حلو الكلام …..

اتذكر أني في الزياره الاوليه اللي هي قبل رمضان ب اربع ايام اشتريت لي شريحة بيانات ( ڤيڤا ) من مجمع ثلاجات الجزيره اللي ب الجفير مادري والله كم كانت قيقا المهم انها كانت اقل شي على ما اذكر من حيث عدد القيقا والمده واللي هي لمدة شهر .. بسعر سبعين ريال 

وفي زيارتي الثانيه مريت على أسواق النخيل اللي في الجسراول ماتعدي كشك التأمين وتدخل البحرين وسألت عن اقل شي من حيث عدد القيقا والمده (( الذيبان صد رد )) يعني ماله داعي اشتري قيقا واجد وانا أبغاها يومين ثلاث ايام المهم قال لمدة شهر اقل شي لكن حالياً والله مخلص ماعندي إلا إذا كنت راح تنتضر شوي قلت له والله يالاخو أني لي بالجسر حول ساعتين لكن كم سعرها عندك قال ب 150 ريال يعني فيه فرق كبير بالسعر (( اكثر من الدبل )) يعني تخش البحرين تأخذ لك شريحتين ڤيڤا كل وحده فيها شهر افضل من تأخذ من أسواق النخيل اللي بالجسر .. المهم مالك بالطويله واطلع من سوق النخيل على مكتب الحجوزات  معروف اللي في الزاويه يقدم حجوزات فنادق وطيران المهم حصلت عنده شرايح بيانات من شركة ” باتلكو ” حصلت اقل شي عنده ( ناسي عدد القيقا والمده صراحه ) ب 40 ريال ..

قلت تمام وأخذ لي وحده الصراحه … ما انصح فيها التغطيه مساك الله بالخير بجزر امواج فصلت علي كم مره اللكويشن وقوقل ماب كل شوي يعلق صراحه اشوف ان خدمة ڤيڤا أقوى من باتلكو بفرق ملاحظ .. اشوف في أسواق محطة الفاتح بالجفير إعلانات لإعادة شحن شرايح ڤيڤا لبيانات الانترنت اتوقع ممكن يقدمون أسعار حلوه ….

آسف ع الإطاله ونشوفكم على خير … اخوكم خالد