تجربه لمواقف الجسر الجديده بالرسوم

اهلًا وسهلاً برواد هذا المنتدى الجميل .. أتمنى تكونون بصحة وعافية …

ويس والله خلصت الإجازة .. قلت ياولد ما يبغالها الا تشييك على جوهرة الخليج حبيبة القلب البحرين ..

طبعاً روووحة روقان يعني أوقف كل شوي للتصوير المهم ..

التحريك من القصيم ( بريده ) ع الساع ثنتين الظهر التحضير بالجسر عشر بالليل تقريباًحبيت أوقف أخذ لي صور لمسجد الجسر والله واسوي لك يرتيرن كأني راجع للسعوديه وادخل مواقف ماكدونالدز والله واحصل لك الموقف صايره بتكت وفيها عباره مكتوبة ( الوقوف لمدة ساعه او جزء من الساعة بخمس ريالات ) نفس طريقة مواقف مودا مول اللي زاره ..واضغط الزر والله وأشوف شاشة صورة وجيهة السياره واللوحه 

**** طريقة مواقف مودا مول**** 

“”توقف عند الماكينه تضغط زر تأخذ الفاتوره””  

مريت المسجد وصورت وبعد ما خلصت .. حصلت كشك مكتوب عليه مكتب الدفع .. دخلت حصلت فيه موظف سألته عن ألطريقه قال لي الفاتوره امسح الباركود اللي فيها ع الشاشه يقصد شاشة الماكينه مسحة طلع لي رد آلي قالي ( ضع المبلغ المطلوب ) حطيت خمسه ريال في الماكينه (( تذكرت مكاين البيبسي ) خخخخخخه ،،، 

قلت للموظف وبعدين قال لي امسح بالفاتورة الماكينه اللي عند بوابة الخروج مسحة الفاتوره وانفتح لي الباب و ع التوسيز حبيبة القلب 

* صراحه طريقة ماكينة المواقف إبداع 

* طبعاً الجسر خفآآآآآفي بحكم بداية الدراسة 

* الإخوان الكدادين واقفين برا شفت كذا واحد 

* ساهر اللي بالجسر على سرعة ميه وعشره الظاهر يلقط (( الكاميرا ولعت بيني وبين راعي سييرا اسود الله يستر لا تصير جابت محاكيكم حنا ناقصين ))) خخخخخخ

انتهى التقرير وفيه ان شاء كم تقرير غير هذا 

مروركم ع التقرير يشرفني .. وآسف ع الإطال 

اخوكم خالد