أهلا وسهلا بك إلى المسافر السياحة و السفر.
أهلا وسهلا بك زائرنا الكريم، يسرنا ان تسجل معنا في اكبر مواقع السفر للتسجيل اضغط هنا

طلب إيصال من الدمام للبحرين

2018-02-08
عدد المشاركات: 9

الأخوة الأعزاء

أسعد الله أوقاتكم بكل خير

عندي رحلة للدمام ومنها ودي احصل طريقة نقل سهلة وسريعة للبحرين مباشرة. كداد مثلا أو تكسي وانتوا عارفين أسعار التكاسي اغلا لأن عندهم رسوم وملزومين بمبالغ محددة.

والباص بطئ وممل 

والسفينة مافيه

والسيارة إجار من المطار انا شخصياً ماحبها والشي الثاني للي بيقعد اكثر من يومين بتطلع عليه اغلا بالذات للي مثلي مايسوق أبداً أبداً في البحرين لاعتبارات أمنية واحتياطية وحياتيه وأحب المشي والتجول بين المطاعم والأسواق والمحلات كعابي 🏃‍♂ 

وطيران من الدمام للبحرين اعتقد مافيه بعد

فياليت الأخوة الأعضاء يطرحون تجاربهم ومشورتهم. والمثل يقول من شاور الرجال شاركهم عقولهم.

والي عنده رقم كداد او وسيلة تواصل فيه ياليت يزودني بها فيها الخاص للتنسيق معه 

تحياتي للجميع .. 👋 

انشر هذا الموضوع

اكتب رد

شاركنا برد على الموضوع

avatar
  اشترك  
بلغني اذا
رسول المحبة
مشارك
رسول المحبة

في المطار تجد كدادين واجد وتكاسي يوصلون 

ولكن السعر عموما غالي 

الأفضل والأوفر لك تستاجر سيارة من المطار تكون حر في وقتك وتنقلاتك وعودتك 

وماهو شرط تسوق في البحرين اذا وصلت مقر سكنك خل سيارتك واقفة وتنقل بأي طريقة أخرى 

مسكلة التكاسي والكدادين تكون مقيد في الوقت والتنسيق والانتظار وأحيانا تشيل هم وتتقروش 

عموما التاكسي او الكداد من الجسر للبحرين في حدود 200 ريال فكم راح يكون من وإلى المطار 

مش أقل من 500 ريال 

وللأسف مااعرف ارقام كدادين 

بالتوفيق

aziz888
مشارك
aziz888

مرحبا اخوي حياك الله 

والله اذا تبغى وجهة نظري أنا أشوف أطلع مع الباص أفضل لك من المطار إلى البحرين بيكلف 60 أو 70 ريال 

الكداده أسعارهم مبالغ فيها غير كذا مشاكلهم كثير يعني يبكون معك ناس ما تدري وش وضعهم 

خلك على الباص ونظامي أفضل لك وأوفر لك وبالتوفيق

الامل المفقود
مشارك
الامل المفقود

شوف كريم .. يحدد لك السعر قبل الطلب 

https://twitter.com/CareemKSA?…

العمري ابو يزن
مشارك
العمري ابو يزن

السلام عليكم انا مع كلام الاخوة الذين نصحوك باستخدام الباص اضمن لك واسلم لك الكداد او التاكسي بيكون معك ناس ما تدري وش معهم من بلا واذا اخذت التاكسي او الكداد مشوار خاص غالي عليك فالباص احسن لك بالنسبة للطيران فية رحلة طيران من الدمام الى البحرين اعتقد كل ساعه او ساعتين رحلة. تقبل  تحياتي

mJeridan
مشارك
mJeridan

السلام عليكم 

انا دايم اودي من الدمام الى البحرين والعكس 

بمبلغ 150 ريال بس يكون الدخول والتأمين على الراكب يعني يطلع 180 ريال