رحلتي الأولي لسلطنة السلام

في البداية أحب أعرفكم بنفسي بمناسبة أن دة موضوعي الأولي في منتداكم الرائع
معكم علاء ياسن من أم الدنيا مصر ومجال دراستي هو الأثار وبالاخص الاثار الأسلامية عشقي الكبييييييييير ..
عندي حلم اني اسافر والف العالم وكان أكتر دولتين نفسي أزورهم من فترة طوييلة هم سلطنة عمان وسورية … والسؤال الطبيعي لية الدولتين دول بالتحديد ؟؟؟ بالنسبة لسلطنة عمان فشعبها من أطيب شعوب الأرض وأهل كرم ومحبة وبجد اي حد يكون سعيد وهو بيتعامل معاهم ودة اللي انا لمستة فعلا من خلال زيارتي ليهم …. أما سوريا فهي عشقي الأول والأخير درست عنها وأغلب اصدقائي سوريين وكان من المفترض اني هاكمل دراستي الجامعية هناك ..

عموما شاءت الظروف والأقدار وحققت حلمي اني اسافر سلطنة عمان كممثل لمصر في اللقاء الدولي لتبادل الثقافات والتعرف علي الحضارات اللي بتستضيفة السلطنة كل فترة بالتعاون مع المنظمة الكشفية العالمية وأحلي مافي موضوع السفر دة أنة لأخر لحظة حصل انة تعقدت الامور وفقدت الامل اني اسافر . بدات من عدم توافر حجز في ميعاد اللقاء والحمد لله كان في حجز بعدها بيوم وحجزت وأخدت التذكرة في صباح اليوم المقرر للسفر طبعا كنت خلاص قربت افقد الامل وحلاص ما اخدتش اجازة من شغلي ولا حضرت الشنطة ولا اي حاجة .. اخدت التذكرة واسرعت علي البيت بلغت أهلي اني مسافر النهاردة :0ea8c8e43b::0ea8c8e43b: طبعا من الصدمة والمفاجاة ماقدروش انهم حتي يستفسروا او يقولوا حاجة جهزت الشنطة ونزلت علي مقر اتحاد الكشافة المصري لأقابل زميلي في السفر وكانت الصدمة التانية …..

هاسافر لوحدي ؟؟؟ زميلي أعتذر في أخر لحظة وأنا اللي هاسافر لوحدي فكنت قلقان جدااا لأنة أول سفر لية وأول مرة اركب طائرة في حياتي .. فتداركت الموقف وكان تركيزي كلة اني لازم الحق ميعاد الطائرة الساعة السادسة وخمس وعشرون دقيقية مساء بتوقيت القاهرة علي رحلة الطيران العماني من مطار القاهرة الدولي ولما سألت المسئولين عن ترتيبات التأشيرة عشان اخدها والحق ميعاد الطائرة وكانت الصدمة الثالثة :329b2f6765::329b2f6765:

التأشيرة أخدتها مطبوعة لأنها كانت مجرد تأشيرة الكترونية لضيق الوقت وأكتشفت الساعة 4 مساء وأنا في التاكسي في طريقي للمطار أنها فيها أجزاء ممسوحة بسبب سوء الطباعة . عرفت وقتها اني خلاص احتمال كبييير مش هايوافقوا عليها في المطار وأما اتواصلت مع المسؤلين اللي طبعوا التأشيرة في مصر أخبروني انة تم ارسالها علي الايميل لشركة الطيران :0382214c93: مش عارف ازاي بس هو دة اللي اتقالي !!

وصلت المطار تقريبا الساعة 4 ونص وميعاد الرحلة الساعة 25.6 وصلت علي كاونتر الطيران العماني أخدوا الباسبور والحجز الالكتروني للتذكرة وعند فحص التأشيرة بلغوني انهم مش هايسمحوا للسفر بسبب ان التأشيرة فيها جزء ممسوح :329b2f6765:
حاولت اوضح ليهم أنهم يتواصلوا عالميل مع ادارة اللقاء الدولي او انهم يتواصلوا مع مطار مسقط الدولي لأنهم معاهم أصل التأشرة ولكن لا حياة لمن تنادي وأما سألتهم عالميل اللي فية اصل التأشيرة ان كان وصل ليهم شئ ولكن كانت الاجابة لم يصل شئ وغير مسموح بالسفر وكانت الساعة 5 مساء وبقي اقل من 45 دقيقة علي انهاء اجراءات السفر وخلاص كنت تقريبا علي حافة الانهيار والصدمة :329b2f6765::3607febb42: ضاع حلمي بالسفر لسلطنة عمان ..

فجأة يظهر احد المسئولين في الشركة ويقولي يلا بسرعة هات الشنط بتاعتك والحق اختم باسبورك وبسرعة علي باب السفر لأن الطائرة باقي ليها اقل من 10 دقائق وهايتم اغلاق الباب .. بسرعة ممكن ماتلحقش aasaas

طبعا جريت بأقصي سرعة علي مكتب ختم جوازات السفر :8f956e4721::8f956e4721: وكنت اخر واحد تقريبا طالع الطائرة ولغاية دلوقتي مش عارف مين هو المسئول دة ولا ازاي اصلا تم حل المشكلة ؟؟

وبعد عناء وتعب وفقدان للأمل أخيرا موجود في الطائرة وفي طريقي لسلطنة عمان … وطبعا كانت اهم مكالمة كانت مكالمة مديري في العمل اما اتصلت بية وبقولة انا في الطيارة مسافر :8aeeda492c::8aeeda492c: أفتكرني اني بهزر معاة ولكن الحمد لله فهم القصة بسرعة ووافق علي الاجازة وأنا في الطيارة :9303f68a42::9303f68a42: وكانت لحظات وداع الاهل في التليفون قبل الفراق لمدة اسبوعين وهي مدة الأقامة في سلطنة عمان ..

كانت رحلة الذهاب بتاريخ 3/11/2015 وكانت رحلة العودة بتاريخ 16/11/2015

التقرير القادم عن برنامج الاقامة بسلطنة الخير ولامن والسلام سلطنة عمان ودمتم سالمين :6bc61aca8f::6bc61aca8f: