زيارتي السريعه لقطر

سالام وعيدكم مبارك

ب15 رمضان قلت لازم ازور قطر مع وزارة الداخلية والبنوتات

المهم
وصلت الحدود بعد سافي قوي بس كنت حاط على السيارة تغبيرة لحد ماراكب حماية

كانت الاجراءات سهلة جدا لكن المشكلة اني ما صرفت قطري

وقالي موظف الجمارك فيه بقالة تصرف بالمنفذ ولا عبرته ومشيت
بالطريق للدوحه البنزين بدا يقل عن النص هو يكفي بس الواحد ينشغل

وبناتي يبغن اكل جيت بقالة على الطريق رفض ياخذ سعودي

المهم فتشت لقيت كيك والذي منه واكلن

نسيت اقولكم اعطاني موظف التامين عرض لفندق كورال اتوقع اسمه كذا ب 400

مع فطور مجاني وهذي صارت عليها مشكلة بعدين اقولكم

المهم وصلنا قبل الفطور
واعطاني نظام غرفة كبيرة بها حاجز بين السرير الكبير وبين الكنب الي ينمد ويصير سرير ثاني

الفندق والغرفة روعه ووسيعه
المهم نزلت ابي افطر قالي مسؤوول البوفيه 120 ريال تخييييييييييل قلت انا عندي عرض من الفندق شاف العرض مطبوع على ورقة
ضاق صدره
قالت وحده من العاملات بالبوفية افطر وبعدين يصير خير
افطرت جابوا لي فاتورة ب60 ريال هههههههههه قلت وش سالفتكم انتم اذا مانتم قد العروض وحركات الفنادق العملاقة والمحترمه مانتم مجبورين

بعد اخذ ورد قال المصري الي بالاستقبال وقعها ولا تنزل
قلت اوكي

المهم
طلعنا من الفندق لسوق واقف واحلى شي هو بقطر واحلي كبسة وشغل عدل من المطعم اليمني

بعدها تمشينا بالسوق
بناتي يبغن يلعبن قلت ما فيه بكرة قلت تدرون احسن شي نروح للمراكب الي على البحر

رحنا اخذنا نص ساعة ب100 قطري

نسيت اقولكم بعد تعب وويلاه صرفنا
والمشكلة مو بمكان الصرف معي ذيبان القارمن خرم الابرة يجيب موقعها ماشاء الله

ملاحظة الي يسافر مثل الكويت دبي قطر يخلي معه قارمن روووعه

المهم وداني لمحل صرف والقى زحمة كنه مسكر صلاة او شي
من ذكائي الخارق ما وقفت عنده على بالي كلها بتصرف
رحت لواحد ثاني وصرفت مع انها زحمة اكتشتفت ان الزحمة لتحويل الاجانب

حولت مبلغ 1500 سعودي ب 1460 قطري 40 ريال نصابين
بس مظطرين نبي نتعشى
وانا بعد المفروض اصرف من الدمام بس بعيد عنك ههههههههههه ما قدر اسب نفسي ههههه

تعشينا بسوق واقف ورحن للمراكب نص ساعة ب100 ريال قطري

والحقيقة حلوة
بعدها رحت لمول وتمشينا به ورجعنا للفندق واخذنا سحور

ثاني يوم قعدت 2 الظهر قلت بكتشف المنطقة لان بناتي صجن راسي يبغن العاب

لقيت مكان اسمه العاب الدوحة
ههههههههههه
هذي فلة ووناسة حتى انا لعبت
تجي بالدور الثاني وكبيرة وواسعه
نظامها يحسبون الاطفال فقط يعني حنا ثلاث بنات كل وحده ب45 ريال ق
وفل امها
قعدنا ساعتين احلى وناسة

بعدها رجعت للفندق قلت ابي اشيك والقى شخص جديد بالاستقبال

قلت له الغرفة رقم كذا كم عليها قال 60 ريال فطور امس هههههههههههه

واكلم الادارة قلت ياخي وش هالسوالف بلاش وتحطون عليه فلوس
والعرض منكم قال مو مشكلة انا بدخل على السيستم واحطها بالعرض

وهذا بالمختصر روحتنا لقطر
انا ذكرت التفاصيل على شان يستفيد منها الاخرين

قطر حلوة خصوصا بالملابس والشغتر والشمغ روعه وجودة كويسة

بالنسبة للاسعار الي صاجينا بها

لم اجد شي ملفت
بل بالعكس اجد ان الطعام بالمطاعم ممتاز وكميته كافيه للشخص

مثلا نصف دجاج مندي مع رز تكفي لثلاث اشخاص ب17 ريال

ليش انا اقول كذا
لان البعض صور قطر كانها لندن غالية جدا