سفرتي السابقة لدبي 2017
2018-01-25
السلام عليكم ورحمة الله وبركاته
في البداية والله المنتدى مافيه تفاعل مثل أول كل واحد يأخذ الي يبي ويروح ولاحتى يرجع يقولنا تجربته
وهذا الشي خلاني اتردد كثير في كتابة التقرير لكن بكتب جزء منه ونشوف التفاعل
طبعا كان لي سفره قبل سنه تقريبا وماكتبت تقرير عنها على ان مليانه احداث وبربسه على كيفكم لكن جاتني ظروف اشغلتني ونسيت بعضها وانحذف صور كثير
فراح اعطيكم جزء من الي اتذكره
وبعدها راح اكتب التقرير الجديد حق السنه ذي قبل اسبوعين تقريباً في موضوع جديد في حال كان فيه تفاعل
- تقرير السنـه الماضيـه 2017
مدة السفر 7 ايام حجزت على فلاي دبي بـ1000 ريال وسكنت بفندق بالبرشا اسمه سيجنتشر البرشا بـ3000 اربعه نجوم وحلو صراحه على شارع الشيخ زايد وقريب الامارات مول وفيه نايت كلوب عربي وفيه افتر بارتي وبشكل عام حلو الفندق
الاقلاع من مطار جده
اليوم الاول :
وصلنا الفندق الظهر ونمنا وصحينا العصر وطبعاً على دبي مول اول مكان ازوره اذا رحت لدبي تمشينا وتعشينا في مطعم اسمه مشاوي وللاسف السنه ذي سالت عنه قالو اغلق وجلسنا بدبي مول والنافوره الراقصه الى الساعه 10 الجو مره مره مره حلو وبعدها رحنا الفندق ورحنا نسهر في حياة ريجنسي دخول 170 درهم وتفتيش دقيق جداً واجراءات صارمه وبعد السهره نوووم
اليوم الثاني :
صحينا العصر وعلى القريه العالميه هذا المكان انسى نفسي فيه ولاطلعنا الا الساعه 11:30 ليل ورحنا على البرشا تعشينا بمطعم بيتزا لذيذه ناسي اسمه وبعدها على الفندق سهرنا شوي ومن التعب نمنا
دخلت لعبة وكسبت دبدوب وموزه طولي ماشاء الله 😄
اليوم الثالث :
على الجي بي ار وتمشينا وكان فيه هوا شوي وجلسنا بالجي بي ار الين 8 :30 تقريباً وبعدها رحنا الامارات مول تمشينا وشرينا شوية اغراض ورحنا للرقه تعشينا بالصفدي ورجعنا الفندق ورحنا سهرنا بفندق الميديا روتانا وبعدها على الفندق
اليوم الرابع :
رحنا السيتي ووك مره مره حلو وفله مكان جميل ونظيف ومطور والاجواء عالي العال ودخلنا ذا قرنين بلانت التكت 95 درهم < غاليه شوي على المكان لكن حلو
ذا قرين بلانت
طلعنا على دبي مول وتمشينا ودخلنا ممر اكواريوم 100 درهم <غالي لانه ممر يمكن 20 متر وتطلع المهم بعدها رحنا الفندق ريحنا شوي ونروح مطعم التنور بفندق كروان بلازا هو مطعم ورقص شرقي سعر الطاوله للفرد مع العشاء 275 درهم مقبلات وسلطات وكفته وريش واوصال طبعا السعر على العشاء فقط الشيشه والمشروبات الثانية لها حسابها الي قهرني فالموضوع علبة المويه الي على الطاوله سعرها بالسوبر ماركت درهمين وعندهم 30 درهم طبعا المشكله مو هنا المشكله فتح علبة المويه وصب لنا واحنا ماقلنا له والمشكله بعد هل علبة المويه جديده والا معبينها وكل ماجا احد فكوها وصبوله ولطشو 30 درهم تأكدو من النقطه ان علبة المويه مقفله صح والا لا
المهم الجو لاباس فيه والعشاء اعطيه 8 من 10 وبعدها طلعنا على الفندق ونوووم
باقي يومين من الرحلة بعدين اكملها بأذن الله
التعليقات