دبي June 2011 … جميرا – القصر … فيراري
2011-07-27
بسم الله الرحمن الرحيم
السلام عليكم ورحمة الله وبركاته
اعزائي الاعضاء اعزائي العضوات >>> حشى دافور يلقي اذاعه المدرسه الصباحيه
المهم … تقريري الجميل جدا عن دبي … وفندقنا القصر احد فنادق سلسلة مدينة الجميرا.. ومدينة فيراري في ابو ظبي
نبتدي بالصورة الي كل الناس يصورونها 😛
فندقنا هو القصر مثل ماقلت سابقا بس لزوم نقول مره ثانيه عشان ماتضيعون الصورة :9303f68a42:
الغرفه اللي حجزناها Ocean Deluxe King سعر الغرفه قد يصل الى اكثر من 4000 آلاف في المواسم .. بس الصيف ماحد حولك وفيه عرض اسمه Summer Middle East & India Offer وميزته انه يعطي سعر رخيص وشامل الفطور والاسعار راح تكون اخر شي في الفاتورة
شفتو هالأحصنه هذا مثل الدوار بعد مادخلنا الفندق
بعدها نزلنا من السياره ومشينا للبوابه >> ملاحظه ترا وصلنا في اليل بس مامداني اصور فجبت لكم صور من يوم ثاني عاد انتو سلكوها
اول مادخلنا جلسنا في جلسة عربيه وتم تقديم الفوط الساخنه الينا
والمشروبات البارده بالأضافه الى القهوه العربيه وتمور ( بتيل )
قدمت الموظفه الينا واخذت الفيزا كارد والمعلومات وانهت اجراءات الحجز للغرفه ونحن جالسون ( متكين )
بعدها اقترحو علينا اخذ جوله في الفندق وتعريفنا بالمميزات والخدمات ولكننا رفضنا العرض المغري نظرا لظهورنا المكسره من الرحله .. الدمام _ دبي >>> انا قلت جايين من طوكيو :0ea8c8e43b:
وليتنا وافقنا لاننا تحسفنا اخر يوم عندما عملنا التشيك اوت واكتشفنا ان فاتنا خدمات مجانية كالمقبلات وعصير الكوكتيل في وقت المغرب وشاي الظهيرة في اللوبي >> فيس يبكي
نعود اليكم بعد ماغرق كيبوردي بالدموع حسرتن وندم
نوريكم غرفتنا الرائعه جدا
هنا اول مادخلت وقعت عيني على هذه النافذه المطله على برج العرب
شفتو الدرج الي تحت شاشة البلازما هذا تفتحونه تطلع لكم الثلاجه والميني بار >> استغفر الله االعظيم
عاد انا من شفت المحرمات والعياذ بالله حمست على كل الموجود حتى قرشة الماي وصكيته ولا عاد فتحته >> والله لو انه مجاني كان ماخلينا فيه شي
الباب الي على اليسار باب الغرفه والي على اليمين باب االحمام اعزكم الله واقصى اليمين هذا الكلوزت
وهنا محتويات موجوده على المغسله … اقطان لتنظيف الميك اب .. مبرد اضافر … اعواد اذان .. كيس للشعر >> مدري من له خلق يسوي خلطه ويحطها على شعره بالاضافه الى الوشن وفرشان الاسنان وخرابيط الحمام كلها
وبما اننا هوني مون … لقيناهم مجهزين هالطاوله بفوندو فرولة … وشمبانيا تمر من بتيل بالاضافه الى بطاقة تهنئة
اول ماشفنا االشمبانيا ارتعنا الا تجي الفلبينيه وتضحك وتقول هلال هلال ونشوف عليها اسم المحل بتيل
عاد تنفسنا الصعداء بعدها
وعلبتين ماي وسلة فواكه >> يوميا
ماعطيناهم خبر من قبل اننا جايين هوني مون بس سألونا وقت الي وصلنا وقلنا لهم وشكلهم بسرعة البرق جهزو لنا الطاولة مع البطاقه
يمكن لو قايلين لهم من قبل كان شغلو فيروز 😀
صور من بلكونة الغرفه
^
تصدقون عاد هالبلكونه الي تشرح الصدر ماقعدنا فيها الا خمس دقايق صورنا فيها ودخلنا >> الحر له دور
ومره من القهر ابي احللها شوي جلست شغلت الفيس بوك وتكيت ساعه في نص اليل كود الجو تحسن شوي
الغرفه تحتوي على : صندوق امانات .. صانعة قهوه .. مجفف شعر .. طاولة كوي للملابس … واير ليس .. بلازما وريسيفر ..ارواب استحمام وشبشب ومناشف كثيره …مراية مكبره صغيره … نوته وقلم حبر ورصاص … علب ماء يوميا وفاكهة مكونه من تفاحتان وموزتان وافنديتان
وهذا السيب واحنا طالعين من الغرفه ومتوجهين الى الافطار
عاد صراحه فطورهم احلى ماعندهم وأيضا الشي الوحيد الي استخدمناه في هالفندق من الخدمات المجانيه وهو مشمول مع العرض المقدم لنا والا الفطور للشخص يكلف 150 درهم
بوفية مفتوح كل شي فيه الحمدلله رب العالمين تاكلون وتشبعون
حتى سوشي فيه >> قلوب
بس صراحه كان بارد ماجاز لي كالعاده >> الله من كثر السوشيات الي جربهم كلهم 3 مرات
^
الكروسانه هذي شي خطير خطير خطير
الطاوله تكون مجهزه بالعده الي شايفينها اعلاه ماعدا الصحن الرئيسي والعصير
اما القهوه والشاي وجميع انواع الكافيهات يكونون الموظفين في الخدمه على طول ليتم احضارها لك الى طاولتك
يمي فايتامينز
صورة لقاعة الفطور الخارجيه حلوه بالشتا اما بالصيف اتوقع يا تفطرون ثلج او مايمشي الحاله
القاعه الداخليه المكيفه
صورة ثانيه للفطور ميخالف لو كنتو جايعين تقدرون تغمضون
…
من مميزات الفندق هو أخذ جوله بالقارب حول المنتجع … مجاني لسكان الفندق
من خارج الفندق 60 درهم للشخص
عاد تدرون احنا حللناها تحلل ماركبناها الا مره 🙁 لا وركبناها لان كنا ننتظر الفطور يفتح وماعندنا شي فاضين :6b08cdd459:
صور التقطناها خلال جولتنا
من خدمات المنتجع المجانيه ….
التوصيل عبر سيارة صغيرة تشبه سيارات القولف الى فنادق الجميرا الاخرى (ميناء السلام + دار المصيف + جميرا بيتش+ برج العرب) + مطعم وسط البحر تروحونه مشي او عبر هالسياره
دخول الوايلد وادي في اي وقت
خدمة كي الملابس
جولة بالقارب
اقامتنا كانت اربع ليالي وقيمة الليله شاملة الفطور والضرائب 1620 درهم والاجمالي 6460 درهم طبعا هم ياخذون اول شي تامين 2000 درهم ويرجعون المبلغ مع التشيك اوت.
التعليقات