رحلة ولا في الخيال الى دبي ويك اند

سلاااااااام
العذر والسموحة عن الاخطاء الاملائية اللي بتصير لأن اخوووكم ميييييييييح ملائيا
هذي الرحلة من اجمل واروع الرحلات مع انها قصيرة ماتتعدى يومين الا انها الاروع فحياتي لانووو كلها خبط وقص ولزق بالعربي حوووووووووووسة , اشبه بكشتة كلها تغريز وناسي ملح وحاط صابون بداله :8788e14e8d:

الجزء الأول
عدد الاشخاص : 3

تاريخ الذهاب : 1-2-2012
تاريخ العودة : 3-2-2012
ويك اند : ذهاب الاربعاء وعودة الجمعة
خط السير : رياض – دبي – رياض
الطيران : فلاي دبي
سعر التذاكر – تذكرتين – 1969 ريال الدفع قبل الرحلة بـ باسبوعين عن طريق الفيزا
تذكرة اضافية على طيران ناس لواحد ماتفطن الا باخر شي يبي يروح معنا حجزنا له بسعر 1262 ريال قبل الرحلة باسبوع عن طريق الفيزا – طبعا وصل قبلنا ورجع بعدنا –
السكن : رمادا تشيلسي البرشا , في منطقة البرشا ، بسعر 960 درهم ليلتين للغرفة المزدوجة شاملة الضرائب بدون فطور طلعت علي بالريال السعودي 1015 ريال سعودي طبعا عن طريق موقع بوكنج حنا اخذنا غرفتين وبعدين باخر ليلة زودنا غرفة بسعر 600 درهم – وهذي لها سالفة –

المهم خوينا اللي راح بطيران ناس وصل قبلنا ( اقلع الساعة ثلاث العصر ) واتوقع وصل الساعة اربع العصر بتوقيت دبي , و انا وخويي الثاني على طيران دبي اقلاع الساعة ستة الا ربع المغرب , ونروح لمطار الملك خالد الدولي ونقص البوردنغ والساعة اربع ونص العصر وحنا مختمين جوازاتنا وناخذ لنا من ستار بوكس كفي ونروح ندخن فصالة المدخنين , ياولد جات الساعة ستة الا ربع وهم ما اعلنو صعود الطائرة – عاد انا وسوست – قلت شكلهم اقلعو :8788e14e8d: وخلونا !! ههههه وحنا ندخن قلت لخوي قم الله ياخذ ها الخشة :73f72fd31f: شكل الناس راحو وحنا ندخن ونفز ونروح للشاشة ونشوف الا هم اخروها ساعة قلت شكل سهرة كاسبر بتروح علينا :3607febb42: يادين محمد لها اليوم اللي ماراح يعدي عى خير وخوينا اللي بدبي مغير من دبي مول الى امارات مووول ومن زنقة لزنقة ومن كفي لكفي :8788e14e8d: وكل وشوي وهو داق وينكم تاخرتو ومدري ايش , قلت يابن الحلال اخروا الرحلة ساعة :9303f68a42: ههههههه وهو يضيق صدره المسكين ههههههههه ويعصب ويقول كلام مدري وشهو :6b08cdd459: اللي فهمت منه انه معصب , على طول قلت له وش رايك تسوي تشيك ان لغرفنا علشان نطلع كاسبر على طوووول , قال واخا :6bc61aca8f: بروح واسوي تشيك ان واعلمكم , المهم مرت ساعة ولا اعلنوا عن الصعود للطائرة – عاد نغزني قلبي – قلت شكلهم جد الغوا الرحلة ، وانقز للشاشة والا هم اخروها ساعة ثانية , ياهووووووووووووووووووووووووووووووووووووووووووووووووووووووووووووووووووووو , يادين محمد وش اليوم هذا !!! شكله ماراح يعدي على خيييييير , ويضيق صدري وخويي يدق ويقول رفض الفندق اني اسوي تشيك ان للغرف لان الفيزا باسمك :8788e14e8d: قلت ايييييييه شكل كاسبر بيرووووح علينا , ويسأل وينكم اللحين قلت كنسلو الرحلة :8788e14e8d: ههههههههه قال من جدك قلت ايه من جدي وهو يضحك ضحك مدري هل هو ضحك صدمة , او تطنز علينا , ويقفل السماعة ويرسل لي رسالة الاخبار اللي تضيق الصدر بتجيك اللحييييييين , عاد انا ضاق صدري وش فيه ذا لايصير شرب له عصير ولا شي !!!! :63e149190f: واتصل عليه مايرد , :8788e14e8d: وانا اتوقع الاسوأ لان خوينا اذا قفل قفل , وأدق عليه مقفل جواله , وفجأة يتصل علي رقم اماراتي ماعرفه ولحظة ما الرقم الغريب يتصل انا جاتني ام الركب :1bbc6dca84: توقعت الاسوأ تذكرت اخوان الولد وابوه , وش اللي صار بالولد لايصير جاه شي عاد الي يبكملها انا الامير والزقارة تطيح من يدي وأرد على الجوال : وأنا اقول الوووووووو ينبرة خوف ورعب ، قال المتصل : الأخ فلان قلت على حسب وش تبونه فييييييييييييييييييه :36_2_18: وانا صوتي مبحووووح

نكمل في الجزء الثاني