تقرير – سفرتي الى دبي 15/06/2012م حتى 18/06/2012م
2012-06-18
السلام عليكم و رحمه الله و بركاته
تحية طيبة للجميع ،،
بالبداية أشكر جميع الاعضاء بالمنتدى وخصوصا قسم السفر للامارات ، بصراحه لولا الله ثم هم ما سافرت ولا عرفت و جمعت المعلومات هذي ، واستثني هالاعضاء بصراحه شكر خاص (سبيشل) ما قصروا معايا بالاستفسارات و سعت صدورهم :-
1- الحر الأشقر/ متجاوب بشكل كبير و عنده سعت صدر الله يخليه لنا. وابيك بكلمه راس لا تروح بخصوص المتروا اليوم الثاني، اجل تقول دي باس ككككككك
2- ابوعبدالرحمن22 / تجاوب معي بجميع الاسئله و الاستفسارات الله يعطيه العافيه.
3- القريني / تجاوب معي بجميع الاسئله و الاستفسارات الله يعطيه العافيه.
4- DDE999 / قابلته في دبي اخر يوم وقضيت معه يوم ممتع و شيق طبعا ً هو للحين في دبي مارجع ، تفاصيله بالتقرير اليوم الثالث … ذكرتن باغنية ابو بكر سالم : :61acbf8b15:
با شل حبك معي بلقيه زادي .. ومرافقي في السفر
وبا تلـذذ بذكرك في بلادي .. في مقيلي والسمر
رجعنا لكم بعد الفاصل :6b08cdd459:
نبدا بالموجز و بعدها ندخل التفاصيل :
– مدة الرحلة 3 ايام فقط.
– الناقل الرسمي لرحلة
– السكن /
طبعا ً بذكر لكم ليه انا حجزت في فندقين في التفاصيل بعد ما نخلص من الموجز :9303f68a42:
Metropolitan Palace Dubai ليلتين فقط .
Avari Dubai Hotel ليلة واحده فقط .
[RIGHT]هذا الموجز و ندخل التفاصيل :
انا كنت ناوي اسافر و اغير جو ، تعبت من ضغط العمل و الروتين و خاصة اخر سفريه كانت لي قبل سنه و شهر بالضبط الى ام الدنيا مصر ، و نظرا ً للأوضاع في الدول الجوار قررت السفر الى دبي و اللي خلاني اسافر و اتحمس تقارير الاعضاء الله يعطيهم العافيه.
انا سافرت دبي مره وحده وكانت ممكن سنة 2003م مع رفيقي كانت على السياره و النية كانت على 5 ايام نجلس لكن بعد يومين تهاوشنا و رجعنا :2c65ea9383: ما يبان الصديق الا وقت السفر.
المهم نرجع لموضوعنا ، في مطار القصيم شركتين طياران:
1- فلاي دبي / من بريده الى دبي.
2- العربية للطيران / بريده الى الشارقه.
حصلت حجز على العربية للطيران و هذي تفاصيل الحجز :
الذهاب : الاقلاع الساعه 01:00 ضهراً بتوقيت السعودية في يوم الجمعه الموافق 15/06/2012م.
العودة : الاقلاع الساعه 11:30 صباحا ً بتوقيت دبي الاثنين الموافق 18/06/2012م.
مدة الرحلة : 01:40.
سعر التذكرة ذهاب و عودة : 850 ريال غير مسترد.
الملاحظات على الخدمة / مقارنه بسعرها ذهاب و عودة تعتبر جيده ، لكن يعيب فيها ان 80% من الراكبين من الجنسية الهندية انواع الروائح :0382214c93: لانه بيطلعون من القصيم ترانزيت الشارقه بعدها على الهند.
و السكن حجزت في فندق متروبوليتان بالاس ليلتين على العرض بعدها قررت امدد يوم رفضوا اليوم الثالث بيكون سعره اعلى من العرض قلت تدري بس احجز بأفاري نغير و نجرب .. تفاصيل حجز السكن :
Metropolitan Palace Dubai
تسجيل الوصول: الجمعة, حزيران/يونيو 15, 2012
تسجيل المغادرة: الأحد, حزيران/يونيو 17, 2012
عدد الليالي: 2 ليالي
غرفة: غرفة سوبيريور لشخص واحد
السعر بدون الضريبه : SAR 580.73.
Avari Dubai Hotel
تسجيل الوصول: الأحد, حزيران/يونيو 17, 2012
تسجيل المغادرة: الاثنين, حزيران/يونيو 18, 2012
عدد الليالي: 1 ليلة
غرفة: غرفة سوبيريور لشخص واحد.
السعر بدون الضريبة : SAR 255.27.
بداية الرحلة :
اتفقت مع واحد من الشباب زميلي في العمل يوصلني للمطار قبل الرحلة بيومين و لا فضيت اشتري اغراض الرحله الا اخر ليله بعد ما خلصت الاغراض رحت الحلاق ما طلعت منه الا الساعه 3 صباحا ً.
بعد ما طلعت من الحلاق دايخ و ادور الفراش و الرحله الساعه 1 الضهر لا ويوم جمعه ، فاجأه يرن جوالي زميلي في العمل ندلعه اسم كولا سوداني جنسيته :fatigue:
كولا المتصل : هلا صلوحي اللي هو انا :6b08cdd459: معك كولا زميلك في العمل.
صلوحي : هلا كولا ااااسسسسسمع تراني دايخ توني طالع من الحلاق الساعه 3 الصبح الحين وراي قومه الصبح وش عندك خلصنا .
كولا المتصل : أسمع يا صلوحي اللي متفق يوديك للمطار الآن متواجد في المدينة المنورة مع عياله و هو نايم الحين.
صلوحي : لحظظظظظظظظظظظظظظظظظة يا رجُل يانهار موش فايت وش تقول انت.
كولا المتصل : واللهي دا اللي صار.
صلوحي : كويس خبرتني ادبر عمري و يالله في امان الله الشكوى لله بروح بسيارتي اوقفها بالمطار.
كولا المتصل : تصبح على خير و انتبه على نفسك.
صلوحي : باي.
بعد ما خلصت المكالمة قلت ياساتر اذا هي اولها ينعاف تاليها واكمل طريقي للبيت و اول ما دخلت البيت الا الجوال يرن درن درن (حسبو المتصل زميلي في العمل و هو اللي متفق يوصلني المطار) طبعا ً سوداني :fatigue:
حسبو المتصل : صلوووحي كيفك ما نمت.
صلوحي اللي هو انا : ياررررررررررجُل وش الكلام اللي سمعته انت بالمدينة و ين و عدنا و ليه تتنفق معي و ليه ما تعطيني خبر و ليه و ليه وليه وليه وليه :67a2654d42:.
حسبو المتصل : لحظة صلو..
صلوحي اللي هو انا : وليه و ليه و ليه وراك انت تسذا و راك ما بقي شي ما قلته.
حسبو المتصل : من قالك هالكلام مو صحيح انا بالبيت و انا مفضي نفسي لك بكرا، اافا عليك انا عند كلمتي.
صلوحي اللي هو انا : ياررررررررررجُل اجل وراه هذا متصل يقولي منتب جايي تدري بس يالله باااااي بنااااااااام بانتظارك باتسر الصبح.
حسبو المتصل : تصبح على خير.
طبعا انا ما نمت جلست افكر وش بسوي في كولا اللي متصل علي و عمل فيني هالمقلب ، لكن من التعب نمت و اقوم الصبح و الحمدلله يمرني خووي و نطلع للمطار و نضبط البوردنق و اجلس اسولف مع خويي باقي ساعه على الرحله و انا غلطتي ما نتبهت للمقعد اللي في البوردنق لانه انا حاجز من الموقع و محدد الكرسي.
و اطالع صاله الانتظار ياااااساتر اغلب الركاب هنود ، خفت يجلس بجنبي هندي
صور صالة الانتظار /
[/RIGHT]
وينادون الرحلة و الركوب الى الطائرة ، و انا واقف و القط الصورة
المهم و نركب الطياره و اتفاجا انه مو نفس المقعد عند الدريشه اللي انا حاجزه من موقع طيران العربيه و امسك المضيفه (ذيس نوت ما سيت ، اي اوردي بي فور ماي سيت ) :a8cc8ee8cf::a8cc8ee8cf: و شعنده هههههههههههه و اطلع الورقه طابعها من الموقع المهم و اتخانق معهم امر يقولون لي اصبر لين يكملون الركاب و نعدله لك ، طبعا الكراسي كل جهه فيها ثلاث كراسي انا جالس في النص و بينما انا جالس انتظر والقط الصورة
و انتظر و انتظر و كل ما ركب هندي ادعي انه ما يجلس بجنبي
هذا واحد من الهندي الحمدلله ما جلس جنبي مشى
اخر شي يتكي جنبي هندي لابسن تكميلة بدنية ( البدنية : عبارة عن لبس في المدرسه في مادة البدنيه) و ريحت العرق قلت ياساتر يا ويلي و انتظر و يجي الثاني هندي بعد امر انهبل و انط عليهم :67a2654d42::67a2654d42::67a2654d42: قلت و الله لو تنهبلون ما اجلس و اتلاقط انا و ايا المضيفات و الحمدلله يودونن عند الدريشه مع اثنين سعودين :6b08cdd459::6b08cdd459: ، وأول ما جلست و القط الصورة من الدريشه
و الحمدلله الرحله ما كان بها بزران ما فيها صياح لكن طلع لي بزر ما دري وش يبي ما سكن الله يكرمكم دوره المياه نص ساعه و انا انتظر ابي ادخل و انادي المضيفه قلت لها طلعي هالبزر لزم كل رحله ينكدون علينا اوووف لا والا ريحت الهنود و خربها واحد اخذ اندومي و صب عليها ماء حار و فاحت ريحتها يا ويلي اوووووووووووووووف
وانادي المضيفه و ترش معطر جو اووف اعوذ بالله.
و الحمدلله نوصل على خير الى مطار الشارقه و من التعب لي كم يوم ما نمت و مصدع ولا اكلت استعجلت ابي الفندق اريح و على الجوازات و اخلص و بسرعه اخذ الشنطه و الجمرك و اطلع امر امسك جلنط أليم يا ولد السسسوق الحره نسيت اخذ قهوه يقولون فيه محل يبيع قهوه بالدماغ:waheg14: و ارجع اكلم موظفين المطار ابي ارجع و ادخل السوق الحره و يرفضون يا رجُل يمين يسار منا مناك عدل بدل ما في :2fe0a1b787: :a8cc8ee8cf::a8cc8ee8cf: :2fe0a1b787:
و اطلع من المطار خانقتن العبره :6b5bf50998::6b5bf50998:
انتهى الجزء الاول ،،،
تحياتي للحميع ..
التعليقات