تعالوا شوفو وش سالفة الشوي مع جوري

موضوعي هذا المفروض اني نزلته امس السبت بعد العزومه مباشره

بس لان النت كان عطلان في شرق الرياض ومافتح معاي

بس راح انزله الحين بس اتمنى ماتملون من سوالفي تراها فلللللللله

راح احكي لكم حكاية العزومه المفاجأه هذي باالتفصيل الممل

اليوم ,, السبت يعني امس

التوقيت ,, ( 6 ) بعد المغرب

الحاله ,, مستغرقه في النوم

تررم تررم >> لاتخاف من الزمان الزمان ماله امان خاف من اللي كل امانك في يديه وتامنه >>> هذي رنة جوالي

جوري ,, وانا كلي نوم وصوتي رايح فيها ,,, الووووووو

نوني ,,, هلا يادبه نايمه

جوري ,, لا ارقص اكيد نايمه وش شايفه

نوني ,, وجع كل ذا نوم

جوري ,,, على تراب حرام عليك مانمت الا الساعه 1 الضهر

نوني ,,, طيب صحصحي واسمعيني

جوري ,,, قولي ولا تطولين

نوني ,, انا والشله مسوين حفلة باربكيو عندي في البيت >>> وداعيه لإختك لانها بتتزوج يوم الاربعاء وبتسافر على طول

جوري ,, وش هاالحتسي نوني

نوني ,,, وش دعوه جوري هذا اقل شي نسويه لإخت الغاليه

جوري ,,, يعني أفهم من كذا انك تحبيني الحين

نوني ,,, لا طبعا بس اموت عليك ياالدبه

جوري ,,, والله ماادري وش اقولك بس تعبانه ماجيت من المستشفى الا الساعه 12 ونص الضهر

نوني ,,, يؤيؤيؤيؤيؤيؤيؤ بسم الله عليك وش فيك في زينب ولا فيك >>> زوزو من الشله

جوري ,, يسلمك ربي كان عندي موعد اليوم عند طبيب الصدريه وتعبوني لانهم سوولي تنضيم رئه

نوني ,, بسم الله عليك ياقلبي طيب وش لونك الحين

جوري ,,, بدري يادنيتي يعني مو سامعه صوتي وش لون صاير

نوني ,,, الا بس على بالي من النوم

جوري ,,, على تراب انتي عارفه صوتي انه يهبل حتى وانا نايمه

نوني ,,, طيب وش لون الحين

جوري ,,, لا الحمدلله احسن

نوني ,,, طيب تقدرون تجون يالدبه

جوري ,,, نوني تكفين ماتتأجل الى بعدين

نوني ,,, لا والله لاني شريت اللحم والدجاج

جوري ,,, والله اني تعبانه وماني قادره اقوم

نوني ,,, قومي خوذي لك دش وصحصحي

جوري ,,, اوكي بس خليني ادق على اختي اشوف لايكون مرتبطه

نوني ,,, اقول لايكثر انتي واختك مجمعه الشله خلاص

جوري ,,, يالله عطيني خمس دقايق اتصل على اختي وارد منك

نوني ,,, اوكيك باي

جوري ,,, بايات

جوري ,,, نوني نوني

نوني ,,, نعم وش تبين

جوري ,,, طوط طوط طوط طوط خخخخهههخخخخ >>>> ضحكه جهنميه
قفلت السماعه بوجهها خخخخخخخخخ

اسفه طولت عليكم المكالمه بس عاد تحملوا مكالمة بنات ههههههههه

حطيت الجوال جنبي وبغيت اخذ غطه تذكرت اني مادقيت على اختي

اوووووووف

طوط طووووط طوووط >>> قاعده ادق على اختي

جوري ,,, الو

فوفو ,,, هلا

جوري ,,, وينك

فوفو ,,, في المشغل

جوري ,,, وش تسوين اللي اعرفه ان العرس يوم الاربعاء وش موديك من الحين لايكون مستعجله >>> الله يرجهم بنات هالايام مستعجلين على العرس

فوفو ,,, لايكثر اقول وش تبين قاعده اسوي حمام مغربي وتنضيف بشره

جوري ,,, اخس ياام الحمام المغربي من متى النضافه

فوفو ,,, كلي تراب نضيفه طول عمري

جوري ,,, ايه صدقتك

فوفو ,,, الزبده وش تبين

جوري ,,, شلتي مسوين لك حفله وداعيه في بيت نوني وش رايك وترى البنت مجمعه الشله

فوفو ,, ماادري براحتك انا ماعندي شي بعد المشغل

جوري ,,, اوكي خلصي من المشغل والحقيني هناك

فوفو ,,, طيب انتظريني لين ارجع يبغى لي ساعه واخلص

جوري ,,, لامايمديني انا بروح قبلك وانتي الحقيني

فوفو ,,, اوكي

جوري ,,, باي

فوفو ,, باي

جوري ,,, فوفو فوفو

فوفو ,,, خير وش عندك

جوري ,,, خخخخخخخهههههههههخخخخخ طوط طوووط طوووط >>> وربي سويتها قفلتها في وجهها

دقيت على صديقتي نوني قلت لها خلاص اوكي جايين

قالت متى قلت انا جايه الحين وفوفو بتخلص من المشغل وبتجي هي ونانا >>> اختي الثالثه

بس شوفي نوني والله لو تقولين لي اشوي لتندمين تراني توني مسويه تنضيم رئه وتعبانه

قالت لا خلاص زينب تكفلت باالشوي

انتهت المكالمه من دووون طوووط طوووط طوووط هههههههه

صحصحت وقمت اخذت دش ولبست ورحت لقيت الشله كلهم مجتمعين باالخيمه وعندهم احلى قهوه وحلى بس والله نسيت اصوره

على الساعه عشره بدينا نجهز للشوي

نوني ,,, بدلع جوجو حبيبي

جوري ,,, وخري عني لااصكك بزمزمية القهوه>>> فهمت وش تبي

نوني ,,, جوجو والله اخاف زينب تحرقه وننحرج من اختك

جوري ,,, ,,,,,,,,,,,,,,,,,,,,,, <<<< التزمت الصمت دقيقتين حداد هههههههههه جوري,, حسبي الله عليكم كان بتعبوني اليوم يعني عزمتوني يامال الماحق وباالنهايه بترقدوني باالطوارئ

نوني ,,, لابسم الله عليك فيني ولا فيك بضحكه خبيثه

جوري ,,, كعادتها غلبتها حنيتها وقالت اوكي بس بحاول اشرف عليكم من بعيد عشان الدخان لا يأذيني

نوني ,,, اوكي مو مشكله تعالي

طلعنا برى الخيمه وبدينا نحارب عفوآ قصدي نشوي

المجموع ,,, عشربنات

اللي يشوون ,, اربع

والباقي ,,, اللي تتقهوى في الخيمه واللي تتمشى في الحوش واللي قاعده على الاب توب

وانا حايسه بينهم مره هنا ومره هناك

واليكم الصور واعتذر على الاطاله بس حبيت تكونون معاي في الصوره

اول شي ولعنا الفحم في هاالمنقل

هنا اكتشفت ان منقل واحد مايكفي واقترحت عليهم يولعون في منقل ثاني احتياط

وهذا اللحم والدجاج متبل جاهز

هنا بدينا في الاعداد فعليآ >>> ولا تدققون في شي غير اللحم والدجاج خخخخخخخخ

هنا عذبنا شوي المنقل لإن مالقينا ادوات الشوي كامله واضطرينا نمشيها بلي عندنا

طبعآ بدينا بااللحم

هنا قربنا المنقل الثاني بعد ماولع الفحم

هنا حطيت الدجاج على المنقل الصغير

هنا حطينا الكبااااااب >>> ياهو خطييييييييييييييير من جد

وش رايكم في شكله مو مشهي عاد لو تشمون ريحته واااااااااااااااااااااااااو

هنا اضفت الشيش طاوووق

من يبي ياخذ لقمه

والحمدلله خلصنا الشوي من دون اي حروق تذكر وتعشينا وانبسطنا

سويناها سهره ماصارت ولا استوت الى الساعه ( 3 ) الفجر

مع ان الاغلبيه كان عندهم دوامات

بس من حلاوة السهر ماقدرنا نقوم

يارب ان الموضوع عجبكم وشهاكم >>> قصدي ارضاكم

أودعكم على امل اللقاء بكم في سهره ثانيه >>> اخس اقلد الاخبار هههههههه

تقبلوا تحياتي وتقديري انا جوري >>>>

على فكره ياعضااااء خخخخههههههههههههخخخخخ

طوط طوط طوووط طوووط ههههههههههههههههههههههه <<< سويتهاطووووووووط