رحله عائليه الى برمنغهام

ا السلام عليكم ورحمة الله وبركاته
:3b4d2c926c: حبيت اتكلم عن رحلتنا في هذا الصيف 2010 كانت رحله عائليه وحلوه وممتعه
اول شي نسمي بسم الله الرحمن الرحيم :6bc61aca8f:
فكرنا وايد قبل لا نسافر هالصيف وين نقضي صيف ممتع بجو رائع ومكان بعيد عن زحمة السياح
وجاااااااءت الفكره ان نقضي الصيف في برمنغهام ………………….. نعم برمنغهام وهي مدينة كبيره موجوده في المملكة المتحده
حلوه وهاديه وبعيييييييييييييييييييييييييييييييييد عن زحمة لندن ( الحبيبه )
حجزنا على طيران الامارات والتي كانت تطير كالبلسم طائرة ضخمه وفخمه تتكون من طابقين ……………. انطلقنا من مطار الكويت الى دبي ومن دبي الى هيثرو :2c65ea9383:
اخذنا تاكسي الى برمنغهام والتي تبعد عن لندن ساعتين ونصف بالسياره وبالقطار ساعه و 25 دقيقه
وصلنا برمنغهام حيث كانت شقتنا اكثر من رائعه و اماااان الى ابعد الحدود حيث كنا نفتح الباب برقم سري ولا يوجد رسيبشن في المبنى لكن يوجد مكتب خدمه نتصل عليه في حال طلب المساعده
اكتشفت ان الشقه تقع وسط السوق ماهي الا دقيقتين و نصل الى السوق ومحطة القطار القريبه جدا منا :6bc61aca8f:
اول يوم تعرفنا على المنطقه ومن ثاني يوم ابتدينا رحلات وطلعات توجد اماكن جميله وحلوه مثل : الاكواريوم ويسمى life sea
زرنا مدينة ملااااهي عجيبه وحلوه و نحتاج تقريبا من 5 الى 6 ساعات عشان نخلصها فيها مدينة توماس ( للاطفال الصغار اللي يحبون القطار توماس )
:3b4d2c926c: وفي يوم خطفنا ريولنا ورحنا لندن مدينة الضباب
اي ضباب ولي الساعه 9 بالليل عندهم نهااااااار :8788e14e8d:
ركبنا الباص السياحي وزرنا متحف الشمع وبعض المحلات الموجوده ورجعنا برمنغهام بالليل بالقطار كانت تجربة القطار حلوه وسهله
بعدها زرنا مصنع كادبوري وااااااااااااااااااااااااااااااااااااااااااااااااااااو خيااااااال شي مو طبيعي ماتصورت يكون بهالشكل قعدنا فيه ساعتين ونصف :9303f68a42:
ممتع للاطفال والكبار وهناك حدائق ممكن الواحد يزورها ويخلي الاولاد يوكلون البط ويركبون قطار يتمشى فيهم بالحديقه والعاب حلوه للاطفال
طبعا انيي حق السوق :9303f68a42: ماندري شنو نطالع وشنو نخلي
طبعا البضاعه كلها عليها خصومات في كل المحلات وفي سوق وايد عقدني كان قريب من شقتنا واسمه bullring
هذا يبيلنا اسبوعين نخلصه كبير وايد وكل المحلات تخلي الواحد يتشوق يدخل ويشتري لانها رخيصه هذا كوم وسيلفردجز كوم ثاني طبعا موجود في نفس المجمع
ماخلصنا بعد…. ورا شقتنا محلات الماركات العالميه مثل لويس فيتون وهاوس اوف فريزر طبعاااااا انا استخفيت مادري شنو اطالع زغللت عيوني :8788e14e8d:وانشالله انتظروا تقريري القادم المدعم بالصور عشان اشوقكم تروحون برمنغهام وتدعون لي حيث الجو الباااارد والرائع والمطرررررررررررررر اللي ما نشوفه في ديرتنا الا وين و وين