التقديم على الفيزا اون لاين لإستراليا
2010-06-01
السلام عليكم ورحمة الله وبركاته
مراحب لكل المبتعثين والمبتعثات الاستراليين …
عموما ما رح اطول كلام وراح ابدا بالخطوات …
اول شي تسويه تدخل هاذي الصفحه
الرابط هـــــــذا
هاذي الصفحه هي نفسها الفورم اللي يعبونه المكاتب
بس الفرق انه اون لاين اسهل لان الخيارات قدامك وما يطلع لك الا الاسئله اللي مفروض تجاوبها ….وتنطبق على حالتك بناء على المعلومات اللي تدخلها ….
راح يبدا التقديم بعرض لشروط الفيزا وقوانين البلد ….وعليك تضغط انك موافق وتضغط على نكست …
الصفحات اللي بعدها كلها معلوماتك ومعلومات الاشخاص اللي معك في الفيزا …..
خلال ادخال المعلومات تقدر تسوي حفظ وبيعطيك كلمة مرور وكلمة سر علشان لو رجعت تقدر تدخل على نفس الطلب حقك اللي دخلت فيه معلومات
وهاذي هي الصفحه اللي تدخل منها على الطلب المحفوظ
الرابــــط هنــــــــــــا
لو كملت بتعبية البيانات …اخر شي رح يطلب منك تدفع عن طريق البطاقه ..فيزا ..ماستر …كردت …اي شي …مبلغ وقدره 540 دولار استرالي …
لما تدفع راح يعطيك وصل الدفع ….ومطلوب منك تحفظ الصفحه
وتكمل وتضغط submit
لما تضغطها احيانا يستوعب السستم انه فيه معلومات ناقصه ويرجعك علشان تعبيها ….هاذي ميزه بعد للتقديم اون لاين …
لما تخلص بيعطيك مسج ان الطلب رسلوه وتقدر تتابع طلبك عن طريق هاذي الصفحه وراح يعطيك رفرنس نمبر اسمه ترانسكشن رفرنس نمبر …
الــرابـــــط هنــــــــــا
راح يطلب منك تدخل الرفرنس نمبر ورقم جوازك وتاريخ ميلادك والبلد علشان تقدر تتابع طلبك ….
راح تلاحظ خلال تعبية البيانات انه مارح يطلب منك اي شهادات او جوازات او صور …
اللي عليك تسويه من نفسك هو …
تدخل هذا الرابط اللي عن طريقة تقدر ترفع كل ملفاتك ..حتى الصور الشخصية …
كل الشهادات والاوراق ما تحتاج انها تتصدق ….ما عدى الجواز …تحتاج تصدق الصفحه الاولى على الاقل ….وتحتاج ترسل لهم سكان من كل صفحه بالجواز ….
تقدر تصدق صور الجواز عن طريق اي مكتب محاماه 
او اذا كنت في استراليا تقدر تختمها من اي مكان .. مستشفى صيدلية مكتب معتمد .. اي مكان راح يختمها لك وكل شي بحقه طبعا بس غالبا الورقة بنصف دولار
الرابــــط هنــــــــــــا
لما تدخل على الطلب بيكون مكتوب انه الفحص الطبي مطلوب …
بيكون مكتوب بصفحه الطلب تحت التواصل مع السفاره …لو كنت مسوي الفحص ومخلصه
اضغط على تواصل معاهم واذكر لهم انك مسوي الفحص واعطيهم رقم الارسالية …لمجرد تسريع الاجراءات …..
اي شي يستجد عالطلب رح ينكتب عالطلب حتى لو رسلو لك ايميل راح يكتبون في حالة الطلب …
لما يحتاجون شهادات او اوراق راح يرسلون ايميل …
الأيام الاخيرة صارت الفيزة تطلع في ظرف يومين أو أقل بعد
اي شخص يحتاج مساعدة في الترجمة يحط سؤاله هنا …
واي سؤال ثاني احنا موجودين …
تحياتي
الكابتن خالد
وللأمانة الموضوع منقول من الطالبة إنسانة طموحة دعواتنا لها بالتوفيق برضو في دراستها
التعليقات