ثلاث سنين وانا اخطط لهذا اليوم يابوسعود….

قرأت هذه القصيـدة للشاعر الإماراتي فهد معتوق المعروف بــ (ساقي الشوق) ..

هي قصيـدة تنطق بالآهات ..

كتبها الشاعر بإحساس ينبض بالألم

ذلك الألم الذي يجرد الإنسان من الرحمـة .. لتتحول مشاعر الحب إلى كره وبغض

لن أطيــل عليكم ..

لمحبي السماع هذا رابط للقصيده,,,
وانا شخصيآ احب اسمعها كثيـــــــــــــر
اقل شي مره كل يومين,,,,,

www.saaqe.com/poem/4×6.ram

اللي يقدر يسمعها احلااااا
واللي مايقدر يتفضل يقراها

واتمنى اختياري يعجبكم

إليكم القصيــدة التي اشتهرت باسـم ( 4X6 )
::
::
::

ثلاث سنين انا اخطط لهذا اليوم يابو سعود
تيسر حـالي وجاهـز اوفي وعـدي بوقته

وفجاءة جتني تتعذر تـقول تأخرت الوعود
وانا مسـتغرب واسمع كـأني وعدها خنته

حسبت انها تمازحني وتتصنـع جفا وصدود
ضحكت بوجهها من قلب معنها بايخه النكته

وقالت ارضى بالوقع قلبي مـاهو بالمعهود
تغير كل شي صوبك نصـيبي ما اظـن انته

كنت بيوم محبوبـي لكـن ماظـن نعود
وصل من قبل ما توصل وانا ذاك الصبر عفته

ولكن تكفى صدقني ويشهد ربي المعبود
ترى ما ختنك بغفله ولا كلمته وشفته

بصراحه اهلي قالولي انه ولد اصل وجود
وجتني امه بالصوره وبكلمات المدح اخته

سكت وقلت هي فرصه مدام الجود بالموجود
وقالوا كل من حولي علامات الرضى سكته

وانا فكرت مدام امه واخته ماعليهم زود
اكيد اني براضيهم اذا وافقت واخترته

واراضي اهلي واخواني مدام الفرح مقصود
عطيت الناس انا كلمه ومعاهم وقت حددته

ولا اقدر اغيرها ترى عند العرب منقود
اوافق واعتذر باكر واقول الراي غيرته

تبي تشرحلي المنقود تصدق عاد يا بو سعود
تبيني اقتنع وارضى بحال عمري ماعشته

انا ماني بقايلها عسى يفرش ثراها ورود
بعد ماحطمت قلبي وطعم الموت جربته

عسى بفستانها اشواك وبثوبه عقارب سود
ونارن تحرق الكوشه وتحرق بيتهم حته

وموت بلـــــيلة الدخله تبرد حرتي ياااكود
ولا أحس انها بحضنه يلااامس خد لامسـته

علــي أهون الى ماتو ولا بنفس السرير رقوود
ترا صعبن علي اتخيل اللي ماتخيـــلته

عسى قاع الثرى يقسى ويتحول صخر جلمود
وحفار القبر يرفض يسوي فوق مقدرتة

ترا دفنت عديل الذات تلوع حتى كبد الدود
ومن خان العهود ومات تعافه حته مقبرته

عسى ربي يجازيهم حبل من مسد ممدود
يعلقهم من اطرافه وفوقه نار وتحته

انا ماني حقود وشين ولاني من نسل نمرود
ومن حط نفسه بوضعي يقول الي انا قلته

مدام الفعل له ردت فعل والله ابشري بردود
بدعي دام اني حي وابغرس بالدعا نبته

وبسيقها نزيف القلب ودمعن مارحم الخدود
وتكبر والثمر ثاري من الي خانني وصنته

انا نذرن علي اكتب وافجر القصيد رعود
واسمع كل البشر صوتي عجبته ولا زعلته

واردد للي يسمعني اذا حبيت حط حدود
(انا حبيت دون حدود وشوف الي تكبته)

ثلاث اسنين وانا ابني وجت صوره بكل برود
وخذت مني شقا عمري وحلم قلت حققته

ثلاث سنين وانا اخطط لهذا اليوم يابوسعود
توافق من كلام اخته وصورة اربع بسته