لحظات شوية لبناء بيت المستقبل ….

السلام عليكم ورحمة الله وبركاته

الحقيقة حزّت في نفسي إني أشوف بطارخ ينزل مواضيع في عنبر الصور ويشارك بمواضيع وأنا لأ , بطارخ ذا الزلابة صار يعرف للصور الله المستعان بس , عقب ماكان يتعجب من الصور وكيفية وضعها في المواضيع ووش الكود اللي يستخدمه صار اللحين يحط مواضيع في عنبر الصور , لكن ماأقول إلا إيييييه عوافي ياسوالف اللي علمته شيء كان يعتبره من أفضل إنجازات العصر الحديث ألا وهو إضافة موضوع فيه صور والله شي يغمض

اليوم أبحكي لكم حكاية حملتها في جعبتي سنوات طوال وآثرت اليوم أن أطرحها أمامكم فلنبدأ معا :

هذا ياطويلين العمر كان فيه بطارخ ( <<<< ياشين الحقد ههههههههههههه ) يحاول يكوّن نفسه ويبني بيت المستقبل ويطوره بكافة الوسائل والتقنيات اللي موجوده , اللي حدث وكالعادة ولأنه زلابة صقعاء ماعرف يسوي شي فقرر إنه يبدأ من الصفر وليس من حيث إنتهى الآخرون :

قام وجاب له كرتون ثلاجة وقصقصه يمين ويسار عشان يسويه على شكل غرفة زي اللي عند ذا الأوادم , لا ومن زين الطبايع إشترك في خدمة واصل حقت البريد وسوا له فتحة صندوق بريد

بعد ماخلص بناء سفينته جف البحر <<<<< ياشين ذا الحكمة أشغلونا فيها , المهم بعد ماخلص قرر يفتح بيته للناس ويسوي نفسه كريم وحنا نستاهل <<< الله آبو التحشيش اللي تعرفه

أول ماتدخل بيته تلقى الثلاجة في وجهك مما يدل على إنه إنسان مفجوع ويحب بطنه أكثر من الطبيخ <<< ليتك تسكت

وطبعا بدأ أولى خطوات التقنية بإنه جاب تلفون وحط قائمة بأرقام المطاعم اللي يبي يدق عليها كل نص ساعه بحكم إن هذا توقيت وجباته اليوميه

كان ثاني شي خطر على باله الكمبيوتر وكيف إنه بيدخل الحاير لو ماصار عنده كمبيوتر وإذا مادخل الحاير من بيبثر ؟ , لذلك جاب كمبيوتر ووصله بالتلفون طبعا بوكيستهم مليانه فما له إلا إنه يدخل من دايل أب

والكمبيوتر لازم يكون على طاولة وجنبها حاوية أوراق ومقلمه وحاملة سيديات يعني شغل إتيكيت وهو من جنبها

والكرسي لازم يكون مريح

وعشان يجمّل المنظر قرر يحط صور مايدري منهي له بس تسذا منظر وجنبها جائزة حاصل عليها بس مايدري ليه

( ماش وراني ماأحس بالكفوف ؟ )

طبعا بطارخ بعد ماكمل بيته قرر يتزوج ووين بيلقى أكثر من هذي مناسبة له

وهذي إهداء لكم صور بطارخ وهو صغير .. وعلى فكرة تراه ماتغير يوم كبر

تحياتي