شحن العفش و طريقة إستلامة من السعودية

شحن العفش و طريقة إستلامة من السعودية

بسم الله الرحمن الرحيم

اليوم حبيت أنقل لكم تجربتي في شحن العفش و طريقة إستلامة من السعودية وإن شاء الله تستفيدو منها

في البداية أحب أذكر إنه من الأفضل والأرخص الشحن عبر الشركات الشحن وليس عن طريق كونترات ومكاتب خطوط الطيران .. والفرق بالسعر للكيلو ياصل ممكن 40 دولار .

في كل دولة توجد شركات الشحن وتقدر تأخذ أرقامهم من دليل الهاتف او بالبحت بالإنترنت للكلمات هذي :

shipping
QUOTATION
Over seas

وتقدر تقارن بين الشركات بسؤالهم عن التكلفة النهائية لشحن 35 كيلو ( غالبية شركات الشحن أقل وزن تقبله هو 35 كيلو او يتم طلب تكلفة 35 كيلو حتى لو كان عفشك 20 كيلو سوف يطالبونك برسوم 35 كيلو كحد أدنى ).

متوسط السعر للشحن إستراليا للسعودية كان 6.5 دولار للكيلو مع رسوم 88 دولار بوليصة + تأمين

العفش يستغرق إلى اسبوع ممكن وياصل للمكان اللي أرسلته عليه

نجي الأن للإستلام من السعودية

أول شي الشحن الجوي مكانهم المطار الدولي ودوامهم 24 ساعة .

من وين تستلم العفش ?

تستلمه من الخدمات المسانده في المطار ومكانهم وانت رايح للصالات السفر ( القدوم و المغادرة ) تجيك لوحة على الطريق الخدمات المساندة وبالنسبة لمطار الملك خالد للطريق المختصر والأسرع لا تروح مع أول لوحة تجيك وإطلع مع طريق الصالات

واذا جتك اللوحة الثانية تروح معاها

بعد كذا تطلع لمبنى الشحن للشركات الأجنبية وتوقف السيارة برا وتدخل المبنى والخطوات هي كالتالي :

1- تروح لمكتب البرقيات وتعطيه رقم الإرسالية ( الكراك ) او رقم البوليصة اللي راح يعطونك إياها شركة الشحن برضو تحتاج يكون معاك صورة للبطاقة الأحوال وصورة لبوليصة الشحن مع رسوم الجمارك تقريباً 80 ريال . ( اللي ماعنده صورة التصوير موجود هناك والصورة بريال ).

2- بعد ماتخلصهم تروح على الفسح الفوري وهو مكتب الجمارك راح يختم طلبك ويقولك تروح للمكتب اللي قدامه والتابع للشحن الجوي للخطوط على شان تخلص شحنتك إذا عليها رسوم مع العلم لك 10 ايام مجانية وبعد كذا تحسب عليك بالكيلو والأيام عليك.

3- بعدها ترجع للجمارك وتعطيهم طلبك ويطلع معك موظف للمعاينه وتروحون سوا لبوابة الشركة اللي شحنت عفشك ..

4- بعد المعاينه يختم الجمارك على طلبك وتروح للأمن وتعطية اوراقك لتأخذ منهم الإذن بالخروج من الساحة ويعطيك ورقة إذن بإدخال السيارة للبوابة الداخلية وإستلام عفشك.

أتمنى أكون أضفت شي جديد وذو فائدة

الكابتن خالد