يالله … حبيبي سافر

سافـر حبيبـي والقلـب ويـاه
سافر وروحي تنتظـر رجعتـه
قلبـي معـه والـروح تـفـداه
والعين ودهـا تكّحـل بنظرتـه
سافر والعين والدمعـه ارجـاه
يارب عيـن قلبـي ف محنتـه
عود ياحبيبي لقلبي لايفني مـاه
يانـاس القلـب ينظـر جيتـه
عفـت النـوم والليـل وبكـاه
يالله يارب داوي القلب من غيبته
بالسلامه ياغـلا القلـب ودواه
يامـن عـز القلـب بمحبـتـه

‫فدوى المالكي – قالوا حبيبك مسافر‬‎ – YouTube

وكنت أتمنى بخبر سفره قبل لكن كان مفاجئ

كلّ ما سافر حبيبي سافرت عيني معاه
ترتجي كلّ السلامة في غيابه والرجوع
هو حبيبي .. هو غناتي.. مالي من دونه غناه
واكتفي به من غلاته عن غلا كلّ الجموع
كلّ هذا الحب ياللي عاش بإحساسي .. رعاه
حبّنا بستان يانع مزهره فيه الفروع
يأمر وينهي حبيبي..عشت أنا أطلب رضاه
يأمر وينهي وقلبي عاش في أمره خضوع
صافيٍ في الحب وافي..ما قصر عنّي عطاه
من حنانه.. من دلاله..والغلا من كل نوع
كلّ عمري ينتهي به ويبتدي لحظة لقاه
يكفي انه ساكنٍ بي في الحنايا والضلوع
انتظرته..والنوراس..تنتظر طلعة سناه
وانتظرته..كانتظار الشمس في حزّة طلوع
السفر طوّل..ولا ادري..كيف؟..وش آخر مداه؟!
والسؤال اللي ذبحني: من بيمسح لي الدموع؟!
ليت يدري في غيابه مدمعي يا ما بكاه
أظلم الليل بغيابه..وأظلمت كل الشموع

وأهديه

‫لو كان بعدك شىء متقدر خذني معاك ” ذكرى “‬‎ – YouTube

وبعد الرجوع بالسلامه وعذره بعدم أخباري بسفره المفاجئ أهديه

‫محمد عبده ::::::جيتني مرحبا بك‬‎ – YouTube

ودمتم بود