أهلا وسهلا بك إلى المسافر السياحة و السفر.

أهلا وسهلا بك زائرنا الكريم، يسرنا ان تسجل معنا في اكبر مواقع السفر

إستراحة الأحلام مع جغمه في الدمام

2007-12-10

بسم الله الرحمن الرحيم ..

استراحة الدمام .. مع جغمه أحلى كلام !!

مادري هي رحله وإلا كشته وإلا زياره اللي أعرف إنها فلللللله ووناسه ..

يوم الخميس الماضي 26 / 11 لعبنا مباراة في الدمام مع زملاء الأمنية

وبعد المباراة كنت معزوم بإستراحه لأن الملعب والاستراحة بمجمع واحد ..

الاستراحة جازتلي مرررررررره واستأجرته يوم ودقيت على جغمه وقلتله :

بالأمر العسكري بكره تحضر معي بالاستراحة .. وصورت الاستراحه بكامل المعلومات

الموقع – السعر – الخدمات – الشكل … وكل شئ !!

أول شئ مريت السوبر ماركت .. وشريت من كل نوع حبتين علشان مانتهاوش .. هههههههههه !!

موقع الاستراحه .. (( استراحات الربيع ))

أول ماتدخل “وسط الدمام” من طريق الرياض يقابلك أول جسر قبل فندق عرش بلقيس يمين وابن خلدون بلازا يسار :

إذا جاك الجسر
يمين >>>>>>> الظهران
يسار >>>>>>> الجبيل

توكل على الله وروووووح يسار كأنك متجه للجبيل امش 5 – 6 كيلو راح تتعدى جسرين .. تجيك الاستراحه على ايدك اليساااااار وااضحه من اللوحة ..

على يمينك وعلى يسارك الاستراحات وهي ثلاث أنواع :

كبير >>> 1200
وسط >>> 800
صغير >>> 500

طبعاً هذي أسعار الاجازات يعني بالأيام العاديه نزل 100 – 200 .. واستراحتنا هذي ( صغيره ) ..

وفي نهاية المسار ملعب كوره قدم وألعاب أطفال .. راح تشوفونها بالصور ..

الجهة المقابلة .. لــ بوابة الدخول !

وهذا القراج تبعنااااااا ..

دي !

فرشه + مركى + فراش + شنطتين وحده حقة الأمنية ووحدة حقة الكشخه .. هههههه

نزلت الأغراض اللي من البقاله مع شنطة الكشخه .. ههههههههههههههههه

منظر أولي وجانبي للإستراحة ..

وتفضلووووو حياكم الله ..

من الداخل ..

مدخل الاستراحة المجاوره .. وردنا احمر أحسن من وردهم . ههههههههههههه

وهناااااااااا ألعاب الأطفاااال .. والملعب اللي لعبنا فيه .. طبعاً فزنااااااا ..

السياره من داخل الاستراحه ..

10 صور للإستراحة .. راح تعجبكم !!

الصاله .. + الأغراض من البقاله .. لاحظ كل نوع مدبل مره .. علشان محد يبلش الثاني .. واهم شئ الجرايد الرياضية

صالة الطعام + المطبخ + غرفة النوم الرئيسية + غرفة النوم 2 + فرفة النوم 3
إطلالة من الصالة + دورات المياة أكرمكم الله ..

منظر ليلي رااااائع ..

والعشى من دومينوز بيتزا ولا أحلى ..

أما الفطوووووووور .. شئ !

طبعاً أنا اللي صحيت أول وسويت الفطور >> عسى ماتكلفت معلبات يالحبيب .. المهم انه فطور ..

بعد ماطبخت الفطور بعدين قومت أبو الشباب !! هههههههههههههههههه .. تذكر وشلون قومتك .. هههههههههههههههه

هنااااااااااا جغمه
أبي أفهم أصابع إيدك اليسار ليش مفتوحه .. هههههههههههه
بعدين مبروووووك الجوال .. أخيراً غيرت العله موتورولا .. أرسله رساله العصر تجيه بالليل ..