3 ساعات في الثمامه .. مع 3 شباب تكفيك !!!

بسم الله الرحمن الرحيم ..

كيف الحاااااااااال .. وش أخباركم ، طيــــــــــــــــبين .. هاه ياجماعه جاكم مطلر منا وإلا مناااااااااا

هذي كشته خفافيه مررررره في طعوس الثمامه مع شباب زقرت شرواااكم ,,

جغمه ، وليد ، خالد

طلعنا الخميس الساعه 2 في أول يوم من العام الهجري الجديد 1429 هــ

وكل عااااااااام وأنتم بخير

عطنا الكشته بس :

أول ماتوصل للثمامه راح يقابلك (( طريق خريص بوسط البر )) من جد يسمووووونه طريق خريص
السيارات الصغيره تغامر وتدخل لكن لازم تمشي طبلون السياااااااره .. طيراااان ! وهذي صوره لخريص
ويقال فيه طريق الملك عبد الله والتحليه جوااا >>> على ذمة جغمه ,,

جلسنا وحطينا فرشتنا وماقصر جغومه بالشاهي والقهوه وتوابعها ..

وهنا يذكرني بالتكرونيات اللي يبيعون عند الحرم .. مادري وش يبي من الحركه هذي !

غيرنا المكان ..

صور للبر ..

ضفينا العفش وقلنا يالله خلنا نطااااااااعس شوي ..

جلستنا كانت مقابله للنفووووود ..

طقينا العلم الشهير .. ( العالمي ) ودعسنااااااااا

وهنا موكب دبابات ..

وهنا قسم الخيووووووول ,, شكله منحااااااش من مدينة الملك عبد العزيز للفروسيه بحكم قربها من الثمامه ..

وهنناااااااا واحد فاضي ويسحب خويه بالفرشه ,, قد سويناها زماااااان ,, والله ياهي فلللللله !

وهذا سياره تقل عقرب .. سوداء وبيضاء ..

الله يكون بعونكم .. من جد تنقهر ودك تدخل البر بس ماتقدر ..

وقبل مانطلع آخر العصر قلنا نكسب أجر هالرجال ونسحبه ..

يوم دخلنا الرياض .. ووقفنا عند سياره جغمه ،، وبكل برووووووود يقول وين المفتااااح شكلي ضيعته !
المهم قمنا ندور يمين ويسااااار وفووووووق وتحت وحالتك حاااااله ..
وبالأخير شوفو وين حصلنا ه ..

من جد مكاااااان يقهر .. ودك تصكه بمخمس .. ههههههههههههههههههههههه

شاطر يابابا .. :2fe0a1b787: :61acbf8b15: :2fe0a1b787:

الزبده من الموضوع إن الإسبوع الجاي عندي 6 إختبارات .. وطلعت أروح عن نفسي .. أخسسسسس عاد يالترويح
المهم عندي ( تحقيق جنائي ، بصمات ، جي بي إس ، أمن معلومات ، أمن وطني ، قرآن ) دعواااااااتكم ..
والله النفسيه بإنحداااااار .. الدخول قرب ..

يالله نشووووووووووفكم بكشه ثانيه .. سلااااااااااام