بطاقة الدخول الى استراليا!! انتبه ياالمسافر

السلام عليكم
موضوعنا عن بطاقة الدخول الى استراليا جدا جدا مهمه واليهملها يجراله التالي:
1- ممكن يكون محظوظ ويسامحونا عن اخطاء موجوده فيها
2- غرامه ماليه (يعني يمكن تعطيهم فلوس سفرتك كلها)
3- التعطيل في تفتيش الحقائب وهذا يتوقف على كم حقيبة سفر معاك
لكنها سهلة للغايه ومافي داعي للقلق
ببساطة تعتبر استراليا من احدى بلدان العالم تشددا على البضائع التي تدخل لها وسوف ناتي لاحقا عن نوع هذه البضائع والحاجات لكن بالاول يجب ان انبه الى انه يجب ان تكون دقيقا حين ملي بطاقه الدخول يعني اذا كانت انكليزيتك مو شيء اخذ بطاقة عربي وعبي لكن انا لااعلم اذا كانت هناك بطاقات بالعربي موجوده او لا?
المهم الصورة تحت هي لمعلومات جدا بسيطه يعني اسم العائلة واسم الاول و الغرض من الزياره وهي بسيطه والي مايعرفها اكوله خوي ارجع على بلدك اذا هاي ماعرفتها شلون رح تحكي مع الظابط خخخخخخخ
الغرض من هذا التقرير هو ال 11 سؤال الي دائما ينتبهولها اكثر من اسمك حتى
هذه هي البطاقه وهي ذوي وجهين تطلع بيه شويه وبعدين اشوفك تحت

شفته زين الان شرح لل 11 سؤال وانتبه زين علشان (SECURITY BOARDER) يعني امن الحدود ما يسالك ليش مسوي تك على نو وانت جايب هالغرض وياك افتهموتوا عليه ولاشرحلكم بعد ???
رح اقربه الكم يعني مثلا انت جايب وياك تمر وكدام رقم 6 خال انت تك او صح امام NO (صار واضح انشاء الله)!!!!
هسا طال عمركم مثل ماتكولون بالخليجي نشرح ال 11 تقطه وماادراك ما 11 نقطه :

1-اي حاجه محظورة مثل الادويه (اي نوع ادويه لازم تكتبه حتلو مالت وجع راس) منشطات و اسلحه ناريه و افلام اباحيه اجلكم الله.
2- اكثر من 250 ملم من المشروبات الروحيه اكثر من 250 سكاره (250 سكاره وليس 250 علبه انتبه) وايضا اكثر من 250 غرام من التبغ.

3-اغراض اشتريتموها من خارج استراليا او من داخل السوق الحره الاستراليا والتي تقدر بحوالي 900$ دولار استرالي حتا ولو كانت هديه.
4-اغراض للاستخدام التجاري او عينه من عمل تجاري.
5- بالنسبه للعملة التي جلبتها معك هل اكثر من 1000$ دولار استرالي او مايعدالها من العملات الاخرى.
6-جميع انواع الاطعمه(مجففة-تازه-محفوظه-مطبوخه او غير مطبوخه) والاحسن انه ترمي الاكل الي جايبه معك لا دوخه راس.
7-مواد خشبيه مثل اطار صورة مصنوع من الخشب او تحفيه من الخشب -نباتات او قطع من النباتات- اعشاب طبيه مثل البابونج وانت شايل ايدك يعني الخ الخ- بذور – قش او تبن – كرزات او المكسرات.
8- جميع انواع الحيوانات وقطع الحيوانات – بيض – عينات حيوانيه – طيور – سمك زينه – حشرات.
9- تراب او اعمال تحتوي على تراب – معدات رياضيه واشياء تخص الرياضه من الحذاء و مضرب التنس كره اي شيء اله دخل بالرياضه.
10-هل زرت منطقه ريفيه او قريبه من الريف او حتى مزوعه فيها حيوانات خارج استراليا اخر 30 يوم من اليوم.
11- هل زرت افريقا او جنوب امريكا في اخر 6 ايام.

طبعا هذه ال11 نقطه مجرد اعلامهم بها وان عملوا عليها جيك اب وشافو مافيه شيء كالك لملم اغراضك ومع الف سلامه ورحله سعيده اما اذا انت خال شيء من الي بالي بالك وكشفوك رح بيطلعولك وجههم الثاني ويكولوك(انت مالكش فوس عندي) خخخخخ لا بس صراحه شغلات موب واجبه لا جيبه وياك لانهم مره حققوا 40 دقيقه حتى كامرتي شافو الصور الي فيها بس ربك ما خال فيه شيء واخر شيء كالولي الله معك كتله ويت ويت يعني طولي بالج ياالحلوة : كالت شوفيه ? قلتلها مين رح يلملم معي الاغراض حطي ايدج وياي والله البنت ماقصرت ساعدتني.

ولازم انت تكون معبي كارت الدخول قبل الهبوط حتى تتمتع باجوء سدني الرهيبه وتكون جاهز عندما يقول الكابتن
اعزائي المسافرين الكرام بدات الطائرة بالهبوط التدريجي نحو مطار سدني الدولي يرجى من الجميع العوده الى مقاعدهم وربط الاحزمه رجاءا رحلة موفقه وعطله سعيده :6b08cdd459:

كان معكم من قناة المسافر
احمد
سدني
استراليا