رحلتي إلى كوبا بالصور Cuba, Varadero

2014-03-15

السلام عليكم ورحمة الله وبركاته

صور و تقرير سريع عن كوبا 🙂
مدينة فاراديروو, منطقه تحتوي على اكبر المنتجعات السياحيه باكاريبيان.
اللغه الاساسيه: الاسبانيه. بس اغلب سكانها يتكلمون انقليزي.
الفيزا: يفيزونلك اول ما تاصل المطار هنا. ما تحتاج تقديم ولا شي. اللهم انك تحتاج لفيزه كنديه اذا كنت تبي تطلع لها من كندا. كوبا بينهم مشاكل مع امريكا يعني ما تقدر تسافرلها عن طريق امريكا.
انا اخذت رحله مع سكن واكل وشرب مجاني (everything included ) ب750 دولار كندي مع توصيله من المطار للفندق و الفندق للمطار بالاخير . صرفت هناك يمكن 300 دولار حقت هدايا.
الديره مررره رخيصه وبالاساس ما يحتاج انك تصرف شي. الهوتيل عنده باص مرتين باليوم يروح لداونتاون ويرجعك للهوتيل مجانا.
الفطور والغدا والعشاء بوفيه مفتوح وفيه 5 مطاعم بعد اضافيه مجانا( مطعم ايطالي وصيني وانترناشيونال..) وبين الغدا والعشاء يفتحن بوفيات اكل خفافي للي جوعان :6bc61aca8f:
المنتجع حقنا كان فيه عمارتين كبار وبينهم 3 مسابح وعلى البحر . فيه ملعبين طايره وملعب سله وتنس وفيه ايضا مسرح يحطون فيه عرووض كل ليله بعد العشاء. طبعا كل يوم يحطون رحله بس بدراهم للي يبي يتمشى.
الديره امنه وفيه بوليس للسياح. اصلا دخل الدوله على السياحه.
الدوله كنهم بالسبعينات لان ساراتهم كلها قديمه. الرحله كانت ولا احلى وانصح فيها:2c65ea9383:
عملتهم بيسوس كوبي بس فيها ايضا عملت سياح.
اهم شي بالرحله انك تبقي معك 25 دولار تدفعها وانت طالع .. ولا مافيه طلعه :1bbc6dca84: خخخ
لاتجيب كمبيوتر لان ماعندهم نت ما فيه الا دايلوب وبطييئ وبدراهم.
مدة رحلتي كانت 7 ايام

موقع الديره الجوغرافي