&&& رحلتــي إلى تل أبيــــب &&&

كيفكم وكيف اجازاتكم ؟؟

خلال الشهر الماضي كنت في رحلة مجنوووووووونة ..

بداية الفكرة ، كنت متسدح عند الأخبار كالعادة .. وكل يوم غاثيننا .. اسرائيل سوت واسرائيل فعلت .. وكنت ذيك الليلة توني متعشي بيتزا من دومنيز وشارب ببسي الكبير حقهم اللي يجي مع العرض وكنت مدروووووخ .. مالكم بالطويلة .. جت الفكرة في بالي ” يارجال وش عندك ؟؟ ورا ما نروح نشوف ديرتهم ؟؟ ” .. وعلطول ادق على الكابتن ودار بننا الحوار التالي :
أنا : هاه .. منك خوه ؟؟
الكابتن : وين ؟
أنا : اسرائيل ..
الكابتن : صاحي انت ووجهك ؟؟!!
أنا : ما عليك .. ما يذبحوننا بقوه ..
الكابتن : موب هنا المشكلة ..
أنا : أجل ؟؟!
الكابتن : الديرة غالية يقولون …
طوط طوط طوط طوط طوط طوط طوط طوط
طبعا على طول سكرت في وجهه ..
ودقيت على BNZ666

أنا : هلا بالذيب ..

BNZ666 : هاه هاه هاه هاه هلا ابو علي .. <<< فحمان

أنا : كيفك ابو دانه ؟

BNZ666 : اخلص العب

أنا : باختصار .. بروح لأسرائيل .. تخاويني ؟

BNZ666 : صاحي أنت ؟؟

أنا : خاااااااااايف !!!!

طوط طوط طوط طوط طوط طوط طوط طوط
هو سكر في وجهي ..دقيت على صالحكوا ..

أنا : هلا ابو صلوووح ..

صالحكو : هلا ابو علي .. عارف وش بتقول .. قالي بنزووووه ..
أنا : حلو .. وش رايك ؟؟
صالحكو : الصدق ودي .. بس ما اقدر ..
أنا : ليييييييه ؟
صالحكوا : الكاميرا خربانه .. وماأقدر أستقعد !!!
طوط طوط طوط طوط طوط طوط طوط طوط

أنا سكرت في وجهه ..
وتسكرت الدنيا في وجهي ..

قلت ما لك الا هي ياابوعلي .. رح لحالك .. وادق على 905 واطلب رقم خطوط العال (( الخطوط الإسرائلية )) قال الموظف تفظل الرقم وشكرا لأتصالك .. واسجل الرقم بسرعة وادق عليهم ..
أول ماردوا وهو يقول : سم .. وقوله السالفة كيت وكيت وكيت .. قالي بكرا رحلة واحجز عليها واطيييييير ..

وهذي صورة طيارتنا ..

وهذي تل ابيب من الجو

وهذي صورة لمطار بن قاريون الدولي

وعلى طول على فندق الهليتون .. وكان مكانه روووووعة .. على البحر

وهذا المسبح .. من غرفتي

ويوم صار الليل وانا اطلع استكشف الديرة ..

وارجع أنام وطلع الصبح من بدري .. وأنا بالطريق راجع لقيت التايب .. منعفس ورايح فيها .. واقوله سلامااات وش السالفة .. قال لعبت معهم بلوت وكل شي وكسروا راسي <<< مس كيـــن ... هزيت راسي ومشيت ..
واقوم الصباح واطلع اتمشى عالكورنيش

واطلع اتمشى في باقي الديرة .. أخليكم مع بعض الصور

وفجأة … يصير ذاك التفجير اللي أعدم الدنيا قدامي .. وكالعادة .. نحب نشوف واطق كم صورة عالطاير

وتبدا الشرطة تفرق العالم المجتمعة ..

ويجيني العسكري وقول عود وراك .. واقوله أنا صحفي من قناة السعودية .. باخذ لك صورة .. قال خلاص بس لا تطلع وجهي .. ما احب الشهرة .. واحتراما لرغباته ابن هالكلب غطيت وجهه

ومن بعدها تبدا الديرة تنحاس .. تفجيرات وحوسة وانا اللي احجز وارجع لديرتي الغالية
و الحمدلله على سلامتي أنا والتايب الخسران دائما في البلوت ..