هذا اللي صاير معي بمدة الأقامة في الفيزة الهندية ؛ أفيدوني بخبرتكم

السلام عليكم

السفارات مافية إلا بجدة أو الرياض ؛ ومن المدينة اللي أنا فيها
مافيه إلا عن طريق مكتب وقليلة اللي تسويلك التأشيرة الهندية .
طلع يعطيك 3 أشهر فيزة ولكن بمدة أقامة 30 يوم فقط .
ومعك 3 أشهر أول ماتصدر الفيزة إذا ماطلعت تلغي الفيزة وتصدر وحدة جديدة .
حاولت معهم كيف وضع التمديد لو كان فترة العلاج أكثر ولو أعطاني تقرير المستشفى المعالج لتمديد
والكل يتكهن ومافيه شئ مؤكد ؛ ويقترح البعض أن ترسل أوراق مره وحده للسفاره بموضوع العلاج من المشفى المعالج ليعطيك وقت أطول .
وسبحان الله نزلت على مكتب فيه هنود للحجوزات وكلم صديق له بجدة لمكتب تأشيرات ؛ وقالي أقدر أجيبها لك سنة
مفتوح وتدخل وترجع بكيفك لمدة سنة ولكن عليك دفع عمولة أكثر في أصدارها ؛ وطلب أيضا ورقه من مكتب العمل لو لدي صديق
عندة مؤسسة وراح يرسل لي نموذج بطريقتها ؛ الرجال كان واضح ولما سألته عن المبلغ كبير شوي قال تعرف الكل بيأكل
وهو صادق وقد لاحظتها أيام 2009 تقريبا لما صدرت فيزة دراسية .
فما رائيكم ؟!
وعندي سؤال ثاني وهو الجواز باقي سنة والمطلوب أكثر من ستة أشهر وهذا الشرط ملبى
ولكن كيف الوضع لو جلست مده أطول وعند الرجوع يبقى مثلاً شهرين أو شهر فيه أشكاليه !
هذا أذا ماكان راح أطلع من البلد إلا بالخروج النهائي ؛ فهل فيها ضرر ؟ أو يلزم قبلها تنبه السفاره الهنديه
أو تتبع نظام معين … أي مثلاً دخلت البلد وباقي 11 شهر وعند الخروج باقي أقل من ستة أشهر ؛ تمشي عادي ؟

وشكرا مقدما .