رحلة جاكرتا و بالي صيف 2006

السلام عليكم ورحمة الله و بركاته

هذا التقرير يا اخوان اتمنى انه يعجبكم وسامحونا على التقصير

كان سفرنا يوم السبت الموافق 19 أغسطس من الرياض إلى أبو ظبي على خطوط الاتحاد ( بزنس كلاس )

https://www.otlaat.com/almosafr/up/uploads/e467ebbbbc.jpg” alt=”” />
وهذه صورة المقعد على البزنس كلاس لخطوط الاتحاد

وحنا في مطار الرياض صادفنا واحد من الزملاء وقال انا طالع معاكم جاكرتا .. قلناله تخطط لحالك للطلعه وانت عارف ان حنا طالعين .. المهم انه طلع معنا واتجهنا لأبو ظبي واخذنا غرفتين بفندق المفرق في ابو ظبي القريب من المطار طلعت علينا الغرفتين بـ 700 درهم

وهذه صور بسيطه للمنظر المطل من الغرفه وصورة الغرفه )

ومن بكره اقلعنا من ابوظبي لجاكرتا رحله استمرت 7 ساعات ونص .. شفت فلم المهمه المستحيله 3 و فلم اندونيسي اسمه ( فيرجن ) ، وصلنا جاكرتا الساعة 1 الظهر تقريباً من يوم الأثنين وعلى اساس اننا بزنس كلاس قلنا بننزل الحين أول ناس ونلقى اهل الفيز ينتظرونا ولمن وصلناهم لقينا صف طويييييل قدامنا يمكن 20 او 25 شخص .. وقفنا في السرا إلى ما جا دورنا وفيزنا 3 جوازات وننطلق على تختيم الجوازات ويوم وصل دورنا استغربت من الماس الاندونيسي انه ما طلب هديه ولا حتى لمح لها ، قلنا بادره طيبه هذه البلد اتحسن اوضاعه

استلمنا عفشنا وعلى مكتب كاها على طول اخذنا شقه بغرفتين في استون سيدرمان لمدة 10 ليالي 11 يوم ، وطلع الحساب تقريباً 1045 دولار ، الشقه اللي اخذناها غرفتين ولمن رحنا بالي ورجعنا اخذنا شقه ثلاث غرف ، وراح ارفق صور الشقه ام ثلاث غرف بعدين

المهم اول ما دخلنا الشقه فكينا العفش وطلعت اللاب توب شبكنا أسلاك السماعات ( لأني متعهد الـ DJ هناك ) بعدين رحنا نمنا وصحينا على العشا وجو اصحاب لنا في الشقه واكرمونا بالأسود ( ترجمو اسود بالانقليزي ، تعرفو وش جابو لنا ) الحق ينقال انه كان في كيس اسود في المطبخ ولا درينا عنه إلا بعد 3 ايام.

اول ليله رحنا للعشق القديم طبعاً استاديوم و سهرنا في استاديوم وطلعنا طبعاً بعد ما قفلنا المكان ورانا اخر ناس طلعنا.

أول يوم وصلنا فيه شقق استون سيدرمان في نفس اليوم في الليل جاتنا شكوى من الاستقبال اننا ازعجنا الجيران بصوت الأغاني وثاني ليله رحنا دليله يوم ارسلك يا عاشق الثري و بلو بيرد ورومانس رقم جوالي وقلت لكم الوضع حامي في دليله ، كنا 5 اشخاص بعد ما قفل دليله 2 من الشباب راحو كملو في الحوش وحنا السته الباقيين رجعنا الشقه ، لا تسألوني شلون صرنا سته ، جات من حالها كذا ( اكبر غلط سويناه اننا رجعنا كلنا السته مع بعض للشقه اخر الليل )

ثالث يوم جاتنا شكوى ثانيه من الفندق ، الشقه ام غرفتين تتسع لـ 4 أشخاص فقط وانتم 6 اشخاص وهذا مخالف لقوانين الفندق ، أو انكم تدفعو على كل شخص زياده 15 دولار ، طبعاً حنا اذن من طين واذن من عجين ، صار بعدها اذا كان عندنا ضيوف نواعدهم يجونا العصر او المغرب ويطلعو من عندنا ثاني يوم نفس الوقت العصر او المغرب عشان الاستقبال ما يلاحظو شي.

جلسنا في جاكرتا 11 يوم كانت اغلب اماكن السهر في استاديوم لأنه معنا واحد من الشباب اول مره يجي اندونيسيا واول مره يشوف استاديوم ويعيش الجو هناك .. عجبه الجو وقال كل يوم استاديوم وطبعاً انا ما كذبت خبر.

في صباح اليوم السابع رجعنا من استاديوم وكان يوم الاثنين وزميلنا اللي صادفناه في مطار الرياض كان مخطط للسفريه لسبعة ايام وفي اليوم هذا كان ناوي يرجع للرياض وبما اننا كانا في استاديوم ، ورحلته الساعة 1 الظهر ما نمنا إلى ما ودعناه الساعة 12 الظهر وبنفس اليوم هذا كان زميل لنا جاي من الرياض لجاكرتا ، يعني ودعنا شخص واستقبلنا شخص ثاني ، والساعة 2 الظهر جانا ابو هشام وجلسة سواليف إلى المغرب وشاف اننا جبنا معانا معسل وقام سواله راس معسل وجلسه في بلكونة الغرفه اللي تطل على المنظر هذا من الدور الـ 19

ثاني يوم رحنا مكتب كاها اللي عند اتريوم عشان نشتري تذاكر الطيران لبالي ، اشترينا 3 تذاكر على خطوط الـ Lion Air جاكرتا – بالي – جاكرتا سعر التذكره بـ 820 الف روبيه وكنا مخططين نروح بالي يوم الخميس ونرجع الأثنين عشان نلحق الويك اند هناك

يوم الاربعاء قبل السفر لبالي بيوم رحنا استاديوم في الليل وسهره إلى الخميس الساعة 7 الصباح ، رجعنا من استاديوم ورتبنا ملابسنا اللي بناخذها لبالي في شنطه وحده كبيره ، وباقي العفش كلنا الفندق أننا بنروح بالي وبعد ما نرجع بناخذ شقه هنا لمدة اسبوع وبنخلي عفشنا عندكم في الامانات ، قالو ما عندكم مشكله ازهلوها

هذه صورة الطياره اللي طلعنا فيها من جاكرتا لبالي

اقلعنا من جاكرتا الساعة 12 الظهر وبعد ساعة نزلنا في مطار سورابايا وقالو لنا انزلو المطار عشان تاخذه البوردنق لبالي ، قلنا اصلاً حنا اخذناه من جاكرتا ، قالو لا لازم تاخذو بوردنق ثاني لبالي ، نزلنا من الطياره ودخلنا مبنى المطار ، اخذنا البوردنق وطلعنا الطياره مره ثانيه ، ( صراحه احس انها حركه غبيه ومالها داعي )
ترانزيت و تغيير البوردنق وحنا في نفس الدوله ، المهم وصلنا بالي الساعة 4 العصر تقريباً ، ورحنا على طول على فندق هاريس على شاطئ كوتا لأنه معنا فوتشر من السعوديه دافعين فلوسه ، اخذنا غرفتين تنفتح على بعض بسعر 2190 ريال لمدة 4 ليالي 5 ايام مع الإفطار لثلاثة أشخاص وهذه صور الغرفه

وهذه صورة الممر من الفندق إلى ما توصل شارع كوتا على البحر

وهذه صورة واجهة الفندق في الليل

وهذه صورة المسبح في فندق هاريس

اتمشينا على شاطئ كوتا اول يوم لنا في بالي وفي الليل رحنا ديسكو باونتي ( ارسلو لي ايميلاتكم في الياهو عشان ارسل لكم كم مقطع من ديسكو باونتي )

ثاني يوم الساعة 12 الظهر رحنا الـ Water Boom في بالي مثل الـ Wild Wadi في دبي ، كنت اتوقع انها اكبر من الوايلد وادي في دبي ولكن اتفاجأنا بأنها اصغر منها بكثيييير وهذه كم صورة للواتر بوم ، بعد ما خلصنا من الواتر بوم رحنا تغدينا في كنتاكي وبعد الغدا شفنا محل يبيع افلام DVD دخلنا المحل عشان نشوف بس الافلام الجديده ، دخلنا المحل الساعة 6 المغرب وطلعنا منه الساعة 9 الليل ، واحد من الزملاء اشترى يمكن 400 فلم وبمنا اننا جالسين 3 ساعات في المحل وكان عددنا 3 واللي يبيع في المحل 3 فرافير ، سواليف وضحك معاهم إلى ما واعدناهم الساعة 10 الليل بعد ما يقفلو في ماكدونالدز شاطئ كوتا ، وهم جو على الموعد حنا تأخرنا 5 دقايق ، تعشينا مع بعض و كملنا السهره في ديسكو جديد فتح قبل ديسكو 66 و هم اعتذرو بيمشون وحنا قبلنا اعتذراهم على اننا نشوفهم وقت ثاني.

هذه صورة للمواقف قدام الوتر بوم في بالي … المواقف مزروعه بالثييل

وهذه صورة غرف تبديل الملابس في الواتر بوم .. اللي يعجبك ان المدخل واحد رجال ونساء وبعدين الرجال يمين والنساء يسار

وهذه لعبه في الواتر بوم

وهذا منظر للمسبح في الواتر بوم

هذا موقع الوتر بوم على الانترنت
Water Boom

كانت اغلب الناشطات في بالي في الصباح وكنا ننام بدري الساعة 12 الليل ( الساعة 12 بدري مقارنة بسهرات جاكرتا )

وحنا نتمشى في بالي على شاطئ كوتا صادفنا الأكشاك ( جمع كشك ) اللي عندهم كل العروض في بالي ، اخذنا يوم السبت الرفتين ( التجديف في النهر ) لمدة ساعتين لمسافة 12 كيلو طلع على كل شخص فينا بـ 250 ألف روبيه شامله التوصيل من الفندق وجميع المعدات مع وجبة غداء والرجوع للفندق ،

صراحه الرفتنق متعه مالها حدود وانصح كل واحد يروح بالي انه يجربها ، منها تجربه جديده ويكفي المناظر اللي تمر عليها وتشوفها سبحان الخالق

بعد ما ركبنا البوت وانطلقنا لمدة ساعة قال قائد البوت تبون تريحو لمدة 10 دقايق هنا ؟ قلنا ايه يالله ، طبعاً حنا ما صدقنا ننزل عشان ندخن وناخذ كم صوره لنا ، الرفتنق ما يحتاج اني احط صورها عشان اشوقكم اكثر لها للي ما جربها ولكن هذه بعض الصور الرفتنق من الانترنت مثل اللي جربناها في بالي بالضبط

هذه بعض الصور للرفتنق اخذتها من الانترنت نفس اللي ركبناها بالضبط وبنفس الموقع لأني ماخذ الصور من مواقع في النت عن بالي

طبعاً بعد ما خلصنا رفتنق واتغدينا عندهم ويوم وصلنا الفندق حسينا ان اجسامنا مفككه وطبعاً بما انك في بالي لازم تجرب الـ Spa وهو مساج لكل الجسم وفي منه انواع وكل نوع له سعر معين.

رحنا لنفس الكشك اللي اخذنا منه الرفتنق وسألنا عن الـ Spa ولقينا في نوع اسمه Sweet Dreams لمدة 4 ساعات بمبلغ 120 دولار ومن هنا ومن هنا اخذناه بمبلغ 600 الف للشخص الواحد شاملها التوصيل من الفندق إلى الموقع والمساج لمدة 4 ساعات والتوصيل مره ثانيه للفندق

رجعنا الفندق الساعة 1 الليل وتعشينا في ماكدونالدز اللي على شاطئ كوتا وبعدها رحنا نمنا ، في اخر يوم لنا في بالي كان موعد اقلاعنا لجاكرتا الساعة 9 الليل ، الساعة 12 الظهر سلمنا غرفه للفندق ومددنا الغرفه الثانيه لنص يوم إلى الساعة 6 المغرب ، الساعة 3 العصر نزلنا البحر نسبح واستأجرنا ألواح ركوب الأمواج ، ولأني جربتها الصيف الماضي وبغيت اغرق في البحر ، المره هذه ما بعدت عن الشاطئ وصاحبي بعد شوي عن الشاطئ إلى ما سحبه الموج لداخل البحر صار ينادي Help help وجو عمال الانقاذ ورجعوه للشاطئ وسوا مشكله بين عمال الإنقاذ والناس اللي استأجرنا منهم الواح ركوب الأمواج لأنهم صادرو اللوح وقالو انت اطلع منها ، مشكلتنا مع اللي أجرلك اللوح لأننا معممين عليهم ما يأجرو لأي واحد ولازم يراقبو الناس اللي استأجرو منهم عشان مو كل شوي حنا منقذين لنا واحد ، المهم حنا طلعنا منها وهم يختلصون مع بعض ، رجعنا الفندق واتروشنا سريع سريع وطلعنا المطار ، اقلعنا من بالي الساعة 9 الليل ووصلنا جاكرتا الساعة 10 ونص روحنا لمكتب كاها في محطة الباصات اللي عند موناس واستأجرنا من عندهم شقق استون سيدرمان شقه 3 غرف لمدة 7 ايام طلعت علينا تقريباً بـ 820 ألف روبيه

هذه صورة الطياره اللي رجعنا معها لجاكرتا من بالي

وهذه بعض الصور للشقه في استون سيدرمان 3 غرف

هذا المطبخ مع طاولة الطعام

وهذه الصاله مع التفلزيون .. انواع القنوات مع قناة الجزيرة

وهذه غرفة نوم صغيره .. غرفة نومي :sunglasses2: السرير لشخص واحد ولكن بالراحه يشيل شخصين :5_1_123v:

وهذه غرفة النوم الرئيسية بحمام ( الله يكرمكم ) خاص مع تلفزيون خاص فيها

بعد ما رجعنا من بالي جلسنا في جاكرتا اسبوع ، كان باين علينا تعب بالي وكان اغلب وقتنا في الشقه في النهار وفي الليل كنا نروح استاديوم بعض الأيام ، إلى ما جا يوم رجعتنا ورجعنا لأبو ظبي واخذنا فندق على حساب خطوط الأتحاد ، فندق أوركس في ابو ظبي شامل الثلاث وجبات والتوصيل من وإلى المطار.

في اخر الايام وانا في جاكرتا ارسل لي ولد عنيزه رساله على الجوال وقال انا في جاكرتا ، وين الوعد الليله ؟
قلت له في استاديوم ، ولمن قابلته في استاديوم لقيت اني اعرفه لي سنه ، اتقابلنا السنه الماضيه في استاديوم وتعرفنا على بعض والحين قابلته مره ثانيه في استاديوم.

الله يرجك يا ولد عنيزه طلعت معرفه قديمه