قرب موعد الرحلة الله يسعدكم فيدونا

السلام عليكم ورحمة الله وبركاته

احنا 3 شباب ورحلتنا ان شاءالله يوم 17/مارس يعني بعد 18 يوم باذن الله
والعودة يوم 29/مارس
طبعا الرحلة دايركت عالسعودية ب 2920 سياحي

مخطط الرحلة كالآتي :
الوصول يوم الاربعاء 18/مارس الساعة 8 الصباح ومتوجهين على بونشاك باذن الله وراح نقعد هناك أربعاء – خميس – جمعة والسبت الذهاب الى باندونق والمكوث يوم وفي صباح الاحد رحلتنا الى بالي على ان تكون ايام بالي أحد – اثنين – ثلاثاء – اربعاء – خميس – جمعة وفي ظهر السبت الذهاب الى جاكرتا والاحد العودة الى السعودية باذن الله

طبعا الجدول تعدّل كثير وخلاص باذن الله راح نمشي على هذا لان طلعلنا يوم الصمت في بالي يوم السبت 21 مارس وهذا احلى جدول عشان نتلافى هذا اليوم في بالي ..

المطلوب ياخبراء الله يسعدكم ابغا يوميا برامج اسويها وابغاكم توزعونها لي على حسب القرب لأن في بعض النشاطات ممكن ننجز نشاطين في اليوم لقرب المسافة بين الاول والثاني ..

بالنسبة لبونشاك : وصولنا الاربعاء وراح ندور فلة وناخذ ذبيحتنا ونقضي ونرجع الفلة ان شاءالله .. الخميس ؟ الجمعة ؟
أول شي نبغا الباراشوت والشلالات السبعة .. هذي شيئين اساسيين ان شاءالله لو كفى الوقت باذن الله نبغا مزرعة الفراولة وبحيرة الليدو

فجر السبت الذهاب الى باندونق ان شاءالله ( كيف الطريق فجر السبت من بونشاك الى باندونق ) بخصوص باندونق نبغا المياه الكبريتية وهذاك البركان اللي يقولون تسلق بيضة فيه ههههه وكمان سمعت هناك يأجرون زي البانيو في مويه حارة ويعطونك منشفة وصابون وتاخذلك شور مدته ساعة مع الاسترخاء هذي الاشياء نقدر نسويها بذا اليوم ؟ ولو مانقدر كلها مو مشكلة اهم شي المياه الكبريتية ..وبالنسبة للعشاء رشحوا بالله مطعم يكون ممتاز في باندونق ..

بعدها بيوم رحلتنا صباح الاحد الى بالي ان شاءالله ..
نبغا في بالي ( الدبابات اللي في الغابات ، التجديف ، الجت سكي وغيرها من نشاطات نوسادوا ، الووتر بوم ، sling shot ، ولو فيه نشاطات كذا فله ومغامرات اعطونا .. بالنسبة للشلالات ومزارع القهوة هذي مخلينها اخر شي لو لقينا يوم فاضي لان النشاطات اللي فيها مغامرات تهمنا اكثر .. وبالنسبة لمطاعم بالي رشحولنا مطاعم غير اللي في شاطئ جمبيران ولو فيه مطاعم متميزة بالاكل البحري ياليت تفيدونا .. وعادي نبغا نجرب اكلات جديدة ..

والله يسعدكم ويعطيكم الف عافية .. ويارب اني القى اجابة عشان خلاص والله احس مابقى وقت وبنرتب أمورنا من بدري ..

سؤال شاطح : بالنسبة للكتام او قدر الضغط ناخذه ضمن العزبة ولا عند الشغالة ولا في اغلب الفلل موجود ؟ وعموما عدة الطبخ من بهارات وغيره ناخذها معانا ؟ علما ان مالنا بالطبخ بس ناوين ناخذ شغالة هناك ان شاءالله