۩ … تقرير أبو نورهـ في بالي 2010 … ۩
2010-10-24
السلام عليكم ورحمة الله وبركاته
أخواني / أخواتي أعضاء هذا الصرح
أقدم لكم تقريري الثاني لبلاد الاندومي 2010
حيث كانت الرحله على الخطوط الجوية الاماراتية
قيمة التذكرهـ : 2400 ريال
الكويت – دبي – جاكرتا
والاماراتيه افضل خطوط جربتها وتليها الاتحاد
وطبعا اخترنا الكويت انطلاق رحلتنا لاننا من حفر الباطن وقرب الكويت لنا من الرياض او الدمام
عددنــا : 4 اشخاص وأنا الثالث :6b08cdd459:
وكانت رحلتنا من : 10 / 09/ 2010 [ اول ايام عيد الفطر ]
الى : 22 / 09 / 2010
وتخطيط رحلتنا : بالي – بنشاك – جاكرتا
كان اقلاع الطائره في الساعه 10 م وتواجدنا بمطار الكويت الساعه 8 م
وصلنا الى مطار دبي ومن ثم اتجهنا الى جاكرتا واستغرقت الرحله 8ساعات
والحلو في الطائره ان الـ8 ساعات تمر بسرعه لان امامك شاشه بها كل الافلام الجديده
ويمكن تخلص رحلتك وفلمك ماخلص ..
وهذي صور من سماء الرحله
أعتذر عن قله الصورلان مكاني كان بالنص مو جنب السايق ولا جنب الدريشه
صوره لـ .. لحظه بزوغ ارض الاندومي
هنا لحظه الهبوط .. وملامسه ارض الجمال
دخولنا لمطار ” سوهارتو ”
بعد دخولك للمطار .. تروح الى شباك الفيزا وتدفع قيمة 25 دولار
وبعد شباك الفيزا تروح الى مكتب يعبي لك استماره التأشيره ..
وبعدها تختيم الجوازات وللعلم تم إلغاء البصمه في رمضان
صحيح اننا ماسمعنا كلمه ” هديه “
لكن سمعنا [ عيدك مبارك – عساك من عواده – من العايدين – …الخ ]
مع اختلاف النطق :2c65ea9383:
المهم تروح تلقى صفين اللي يحملون الشنط
اللي لابسين اصفر
بعدها اتجهنا لشباك تحويل العملات
وكان الصرف للـ 100 دولار = 890.000 روبيه
وبعدها جيت بحجز طيران Lion ولكن كان مليان مع اننا وصلنا الساعه 4 العصر
لكن حجزنا حق بكره وكانت قيمه التذكره 800 الف روبيه
وبنفس المكتب حجزت على فندق جنب المطار الداخلي اسمه FM7
فندق جدا راقي وسعر الليله للغرفه سريرين 550.000 روبيه
يعني نسكن ليله في جاكرتا وبكره نسافر الى بالي
وبعدها طلعنا من المطار ..
ولقينا سايق .. وشرينا منه 4 شرايح اتصال SimPati بـ 100 الف روبيه
وطلبت منه يصور مع خويي لحظه استلام الجائزه
ياحليلهم شعب فله والله
صورهـ لابو نورهـ خارج المطار
طبعا انا كان جدولي مزدحم قبل الرحله .. 29 رمضان جاي من العمره << علشان كذا اصلع
30 رمضان رحت الكويت علشان اقضي العيد .. 1 شوال سافرت << شطحه
المهم هذا فندق اول ليله في جاكرتا
عددنا اربعه واخذنا غرفتين جنب بعض
هذي اسياب الفندق .. والله يا ان جدرانهم فيها كل الالوان .. تدوخ من كثر الالوان
يسمعوووووووون بتناسق الالوان
هذي أحد الغرف وبنشوفها من الداخل
ويوجد عندهم نادي كامل ” مجاني “
حمام سباحه
العاب رياضية
حمام ساخن وحمام بارد
وفي الساعه 12 كان موعد اقلاع رحلتنا الى بالي
ومن خدمات الفندق يوجد باص ينقل الى المطار
التعليقات