الطبيعة في اندونيسيا (تقرير ) ابوسامي

وصلت للموضف وهو :67a2654d42::يتصايح مع احد المسافرين ولا ادري على ايش قلت للموضف ممكن اطلع البوردنق وأشحن العفش قال:5::5: اعطني رقم التذاكر اعطيتة قال ترانزيت الرياض جاكرتا قلت اية ترانزيت وهنا حصلت المفاجئة قال يوصلكم العفش بعد اسبوع قلت ايش قال هذا الي حاصل قلت لا اكيد انت تمزح قال انا ما امزح السير عطلان تبيني اوصل عفشك الطائرة على ضهري والله اني قمت أتلفت يمين وشمال وأناضر قلت يمكن الكاميرا الخفية
قال لي المسافر الي كان يتصايح معاة اجل احنا على ايش نتصايح من الاول هلحين ايقنت ان الموضف صادق هلحين قمت انا الي اصيح على الموضف :6: تخيلو يا اخوان ان انتم مسافرين ولا تحصلون حجز وبعد عنا كبير وبلواسطة تلاقي حجز ok وتنتضر هذا اليوم يوم الرحلة وترتب جميع أمورك وعند وصولك المطار يقول لك الموضف وبكل برود عفشك يوصلك بعد أسبوع
والله جاني زي الهستيريا وبديت اكلم نفسي اقول اية صادقين لية ما هم صادقين يا ما سافرنا على هذة الخطوط واكلنا وجبات الحوم:roti: الدسمة وبكل ثقة واحنا مبتسمين ويا غافل لك الله (هههههههه) ألان دور الواسطة ونشغل التلفونات ونتصل على الشباب الي يعملون في المطار وننتضر منهم الرد وانا تفكيري مشتت ما باقي على صعود الطائرة سوى نصف ساعة ولو فاتت هذة الرحلة حتفوتنا الرحلة الدولية من الرياض واحنا مستحيل نسافر ونترك العفش يوصلنا بعد اسبوع طبعا ابو مشاري اعصابة متوترة وجالس يصيح على الموضفين يقول هلحين تشحنو عفشنا :7:ولا والله لوديكم في دهية وانا جالس اهدي ابو مشاري :24: وكلما يناضر فيني:4: يقول بدري هاة ويذكرني كلما قال تاخرنا قلت بدري وبهذا الموقف اتخذت على نفسي عهد مرة ثانية بأن احضر قبل رحلتي بساعتين عندما اسافر على هذة الخطوط واحنا ننتضر ويجيني احلا تلفون من احد الاصحاب شغال في المطار واحدد لة مكاني وياجي وياخذ العفش والتذاكر وقال خليك هنا جالس قلت ok وشوي ولا هو جاي بلبوردنق وكروت شحن العفش:17: قال العفش تلاقية في مطار سوهارتو (جاكرتا)
ولان الحقو الرحلة قبل الفوات قلت اوكي وبيض الله وجهك:waheg73: وانا اكلمة ابو مشاري سحب البوردنق حقة واختفا والحق بة عند التفتيش واقل لة على مهلك:gentleman::gentleman: يا رجل قال ( بدري,بدري) هههههه طبعا اخذت صورة وحدة لبعض العفش المرمي على الارض خفنا من أسين والجيم في المطار