تقرير رحلتي للعمه (الحلقه الثانيه)

بسم الله الرحمن الرحيم

السلام عليكم ورحمه الله وبركاته

اول شي معليش تأخرت عليكم بالحلقه الثانيه بس كنت ناوي اكتبه امس بس كان المنتدى

مغلق للصيانه…

رابط الحلقه الاولى للي ماتابعنا من البدايه

الحلقه الثانيه .. جاكرتا قبل ذهابي لتايلند

اليوم الاول الخميس

وصلنا في حلقنا الاولى الى عودتي من سوق الاتريوم بعد ماخلصت متقضي للشقه

واخذت لي غفوه الساعه 8 تقريبا عشان اصحصح للسهره..

على الساعه تقريبا 12 ونص تقريبا قمت بعد نومه دمااار مره بسبب اني ماغير اتنبه كل شوي

وقومت خويي وقررنا نروح لديليلا قبل الثري هورس بحكم ان ديليلا يبدا قبل الثري

المهم رحنا وجينا بندخله الساعه على الساعه 1 ونص بس تفاجأنا بأن الدخوليه ب 70 الف روبيه

المهم دخلنا وليتنا مادخلنا …..!!!!!

مع احترامي لعشاق الدي بس الجو كان بااااااااااااااااااايخ جدا والاغاني سيئه جدا ومسوي الي

يغني انه منطرب ويمول ومسوي له مواويل خاصه ( الله يرحمها بس)

المهم ماقدرت اجلس اكثر من ساعه وعلى طول طلعت قبل لا اطق من الزهق فيه..

مدري على ايش 70 الف … والله ما اعطيه اكثر من 20 الف وتخب عليه ..

ارجو ان عشاق الدي لايزعلون علي لأني اعبر عن وجهة نظري الخاصه

المهم مالنا بالطويل .. طلعت من الدي ورحت للثري وجوالي ماغير تجيه رسايل من عاشق الثري

يقولي بسرعه عطني تقرير عن الديره وعن الثري خاصه … مستعجل الاخ ههههههههههه

قعدنا نشوف التكاسي والضحكه انهم يقولون بخمسين الف نوديك للثري بطريق مافيه بوليس

وثلاثين نوديك مع طريق فيه بوليس … والله وبدوا يتعلمون اللكاعه ههههههه

بس بحكم الخبره لقيت واحد اعرف من زمان ووداني بسعر مناسب جدا

والساعه 2 وخمسين دقيقه وصلت للثري …..

بصراحه جو غييييييييييييييييييييييير

وناسه وجو رووووووعه

بس فيه مشكله كانت …. ثلاث ارباع الموجودين التشيوي هناك من جيل ماجد عبدالله هههههه

بس بصراحه الديجي كان رووووعه

المهم بعد الوناسه والفله طلعنا وانا الي سكرت باب الثري الساعه 6 ههههههههه

رجعنا للفندق عشان ننام..

واليوم الثاني الي يوافق الجمعه

بصراحه ماصحيت الا الساعه 6 المغرب لاني زي ما انتم عارفين

الرصه الي كانت بالمطار والنومه البايخه يوم وصلنا وبسبب الارهاق طولت هالنوم..

المهم صحينا ورحنا ناكل بمطعم ابونواس ..

بصراحه الاكل روعه بس الله يهديهم مايبون يغيرون شريط مياده الحناوي الي من عرفت ابو نواس

وهو يشتغل عندهم..هههههههههههه

وبعد الاكل رحنا لكوفي الجزيره بردن صالح..

بصراحه جلساته حلوه واحلى مافيه الشاهي الاخضر لمحبي الرشاقه(( انصحك فيه يا شبيه الريح)) هههه

وعلى الساعه تسع تقريبا رجعنا للشقه عشان نريح شوي ونستعد للطلعه..

وعلى الساعه 10 ونص طلعنا لسرينا ورحنا لتشيليز عشان نلعب بيلاردو هناك لانه بصراحه

جوه رايق مرره

والساعه 12 طلعا ورحنا لبلانيت هوليود….

بلانيت هوليود يوم الجمعه غيييييير

طبعنا يختلف جوه عن بقية ايام الاسبوع.. ولا يسكر الا الساعه 2 ونص وديجي روعه وجو فلللللله..

وزي العاده قررنا انا وخويي ان حنا نسكر بابهم بعد مايخلص ..هههههه

وطلعنا منه ورحنا للثري …ومن الثري الساعه 6 للشقه..

واليوم الثالث السبت صحينا الساعه 2 وطلعنا لسوق تمان انكرك وتغدينا فيه وتمشينا فيه للساعه

6 تقريبا ورجعنا للشقه واخذنا لنا تريحه وطلعنا لتشيليز سرينا الساعه 10 تقريبا

والساعه 12 رحنا للميرديان وكان بصراحه حلو مررره واغلب الي فيه من الاوربيين والاستراليين.

وزي العاده الساعه 3 رحنا للثري والى الساعه 6 وبعدها رحنا للشقه..

اليوم الرابع الاحد صحينا الساعه 4 ورحنا نتغدى بالسندباد..

المطعم بصراحه اكل حلو ولذيذ بس مشكلته بعيد..

ورجعنا ورحنا للأتريوم وتمشينا فيه وتقهوينا الى الساعه 8 ورجعنا للشقه ناخذ لنا تريحه..

والساعه 11 رحنا لتشيليز سيرينا والساعه 2 رحنا للثري.. وكل العاده بعده للشقه.

اليوم الخامس .. الاثنين

صحينا الساعه 2 ورحنا لكنتاكي نتغدى وبعدها رحنا لمكتب خطوط عشان نحجز لتايلند ..

المكتب بصراحه كويس جدا واغلب الخطوط فيه ومفتوح 24 ساعه

اسم المكتب : Ramantha

رقم التليفون :0818666688

موقع المكتب على الانترنيت :www.ramantha.com

المهم حجزنا على يوم الاربعاء على الخطوط التايلنديه وكلفت كل واحد منا 400 دولار ذهاب وعوده …

وطبعا نظام التذاكر عندهم ..كل ما تأخر الحجز كل مازاد السعر..

يعني لو حجزت قبل شهر بيطلع عليك السعر اقل من لو انك حجزت قبل اسبوع…

نستكمل حديثنا .. رجعنا للشقه على الساعه 5 تقريبا وبعدها رحنا للأتريوم عشان نتقهوى..

وبالليل على الساعه 11 رحنا للسي جيس ومن بعده على الثري ومن بعده على للشقه

اليوم السادس الثلاثاء

صحينا متأخرين شوي على الساعه 5 تقريبا ورحنا نتغدى بابو نواس ومن بعده رحنا

لسوق لبلازا اندونيسيا وتمشينا فيه وبعدها رجعنا عشان نتجهز للسهره …

والساعه 11 رحنا لتشيليز سيرنا ولعبنا بيلاردو للساعه 2 وبعدها رحنا للثري

والساعه 6 رجعنا للشقه وجلسنا نجهز الشناط لآن رحلتنا الساعه 12 الظهر..

والساعه 9 ونص من اليوم السابع الاربعاء طلعنا للمطار …

ودخلنا عفشنا وضبطنا امورنا وجلسنا ننتظر الطياره وحنا بنا نووووم ومواصلين …

والساعه 11 ونص ركبنا الطياره بدون اي تأخير وطلعت الرحله من جاكرتا لبانكوك..

وانا طبعنا من ركبت الطياره وانا ناااايم ماصحيت الى يوم قالوا وصلنا لبانكوك بعد رحله

استغرقت ساعتين..

………………………………

انتهت الحلقه الثانيه وانشالله نوافيكم بالحلقه الثالثه الي راح تكون عن رحلة تايلند ..

الى اللقاء في الحلقه القادمه