تقرير رحلتي للعمه (الحلقه الثالثه)

في البدايه احب اني اعتذر منكم بسبب التأخير بكتابه هذه الحلقه من التقرير بسبب ظروف خاصه

نواصل حديثنا وتقريرنا عن رحلتي للعمه

رابط الحلقه الاولى

رابط الحلقه الثانيه

….الحلقه الثالثه….

نواصل حديثا وتقريرنا ووصلنا في الحلقه السابقه الى وصولي لتايلند …

جلست في تايلند تقريبا 11 يوم

اول يومين في بانكوك وبعدها جلست في بتايا 3 ايام

ومن ثم ذهبنا الى فوكيت وجلسنا فيها خمس ايام وبعدها رجعنا لبانكوك يوم واحد

ومن بعدها رجعنا للعمه..

اعتذر لعدم التفصيل برحله تايلند وذلك بسبب اني اود ان اضع تقرير مفصل لهذه الرحله

في صالة تايلند..

……

نعود لبقية التقرير.

وصلنا لجاكرتا الساعه 11 الصباح وللأسف كانت مقاعدنا بالطياره في اخرها وعشان كذا

يوم جينا نفيز مره ثانيه لقينا قدامنا طابور طوييييييييييييييييل جدا..

وللأسف كان هناك موظف واحد فقط ..

جلسنا تقريبا حوالي الساعه عشان ياصلنا السرى

ويوم وصلنا السرى وكنا حنا من اخر الناس جلس الموظف يتميلح علينا

وحنا مب راااايقين له مررررررررررررررررررره… لأننا اول شي مواصلين مانمنا وغير كذا

من الوقفه عشان الفيزه..

المهم ابلشنا الموظف (هديه بوس هديه يوس)

والمشكله انه ماقال لأحد كذا الا لنا لأنه شافنا سعوديين وقال هذولا عرب ويعطون فلوس..

المهم كرشناه وسوا فيها زعلان وجلس يدقق على كل شي..

اخذنا الجوازات بعد التفييز والقهر انه يوم خلص منها ماعطانا اياها .. رماها علينا رمي ..

وانا اقوله ,,,( مردك لقصابك يا …..)

ويم رحنا نختم الجوازات جانا الموظف الي هناك بعد وابلشنا هديه هديه..

قلنا وش ذا المشافيح الي ابلشونا بس..

قالهم خويي انا مامعي الى باتات,, عملة تايلند قالوا معليش عطنا باتات,, عطاه خويي

100 بات ,,تعادل تقريبا 10 ريال سعودي.. زعل الموظف وقال وش ذا عطني اكثر قاله خويي

مامعي..زعل الموظف وجلس يخربط بالكلام.. وانا اقول اااااااااااااااااه بس لو لي سلطه عليك..

المهم خلصنا من كل شي واخذنا عفشنا ورحنا لشقق الالسون واخذنا شقه من غرفتين..

والشي الحلو الي كان هناك ان حنا اخذنا غرفتين بسريرين كبار بدون ماندفع زياده..

وصلنا على الساعه 2 تقريبا..

نمنا ولا صحينا الا الساعه 10 ونص تقريبا..

لبسنا وطلعنا ناكل لاننا كنا منعمين من الجوع صراحه .. ورحنا لسرينا وتعشينا ببيتزا هت

الي هناك وبعدين طلعنا لتشيليز سرينا ولعبنا بيلاردو للساعه 2 ورحنا للثري هورس نكمل بقية

السهره..

طلعنا الساعه 6 ورحنا للفندق وحنا مصحصحين شوين ولا فينا نوم…

جلسنا بالشقه ولا نمنا الى الساعه 11 الظهر..

صحينا الساعه 7 المغرب وحنا ضايقه صدورنا من نظام النوم البايخ هذا …

طلعنا لأبو نواس وتعشينا ورحنا بعده للشقه عشان نغير ونستعد للطلعه الثانيه..

والساعه 10 ونص تقريبا رحنا للسي جيس وسهرنا فيه للساعه 2 ورحنا بعده للثري..

وبعد طلعتنا من الثري رحنا للشقه وقررنا انا وخويي ان حنا نتغصب النوم.. ونوقت الساعه

على 2 عشان نروح لدنيا فانتسي,,

ومن حسن حظنا هناك قابلنا واحد من الشباب نعرفه من زمان والرجال راعي ديره..

ومعه سياره..

تواعدنا الساعه 2 نطلع سوا..

نمنا وصحينا الساعه 2 غصب ههههههههه

افطرنا شي خفيف بالشقه وطلعنا انا وخويي وخوينا الثالث من الشقه الساعه 2 ونص وتوجهنا

لدنيا فانتزي…

ولا وصلنا هناك الى الساعه 4 بسبب ان خوينا ضيع بنا شوي بهالشوارع..

المهم ان استفدنا من هالتضييعه واعتبرناها تمشيه,

طلعنا من الملاهي ورحنا ناكل ببندر جاكرتا..

والساعه 8 ونص رحنا لمنقادوا..

الصراحه فيه فندق هناك عنده مساج خيال..

رحنا واخذنا لنا مساج ورجعنا للشقه على الساعه10 ونص تقريبا..

ريحنا شوي وطلعنا كلنا الساعه 1ونص للثري مباشره..

ورجعنا للشقه ونمنا..

وفي اليوم الثالث تعرفنا على جيراننا بالالسون..

وقلت لهم ياشباب ترا عندنا انترنت بالشقه اذا بغيتوا..

قال واحد منهم تعرفون موقع المسافر,,

قال خويي ايه هذا خويي يدخله دايم,,

قال وش نكه,, قلت انا (كنابا)

قال اهلييييييييييييييين كنابا انا اخوك (الطنايا)

جلسنا وقعدنا نسولف عن احوال الديره وكيف التغير الي صار فيها عن قبل,, وقال لي انه

على علم اني موجود هنا من خلال عاشق الثري الي قاله..

المهم تواعدنا على السهره,,

رحنا انا واخوياي للأتريوم وجلسنا فيه للساع 8 ونص,,

رجعنا للشقه ومن بعدها رحنا لسرينا ولعبنا بيلاردو ومن بعد على الثري هورس..

ولكن ,,,,,,,,,,,,,,,,,

الثري هورس كان في اسوء حالاته من عرفته!!!!

كان فيه جروب جاي من دوله العراق الشقيقه…

والاخوان واضح انهم كاشات ههههههههههه

الدي جي كان شغال اغاني عراقيه طول الوقت…

والمشكله انها تتكرر,,,

رجعنا للشقه وحنا متضايقين مره وجلسنا نفكر في حل لهذه المشكله,,

وقررنا ان نتصرف بسرعه,,

,,,,,,,,,,,,,,,,,,

انتهت الحلقه الثالثه ونلتقي بكم بالحلقه الرابعه والاخيره