رحلتي مع العائلة صيف 2007م التقرير الثاني

المغادرة:

مغادرة مطار الملك عبد العزيز الدولي الساعة الخامسةعصرآ وتم الوصـــــــول الى مطـــار ابو ظبي الساعة السابعة والنصف مساءآ طبعآ كان الانتظار خمس ساعات بالتمام كانت الرحلة مع نسيبي ابو طارق يحفظة الله . مطار ابو ظبي لاباس به احسن من مطار جدة . مرة ساعة وساعتين وكان النشاط فينا ماخذ حيله علمت من ابو طارق انه يقدمون وجبة عشاء للمسافرين الترانزيت طبعآ الوجبة تمشي الحال مضت الساعات وعند الاعلان عن موعد الرحلة الى جاكرتا تنفسنا الصعداء وكانت الحيوية تدب من جديد للصعود للطائرة البوينغ العملاقة حقيقة تقال ان الخدمة على طيران الاتحاد ممتازة جدآ لولاء الانتظار الطويل في الروحه والجية أقلعنا وبعد ساعة نمت شويه وما دريت الى المطبات ماخذة حقها مننا عمومآ شويه وجابو الاكل . اكلنا ونوم ابو طارق مسكين يسبح ويهلل خايف من المطبات الهوائية لاسيما انها المرة الاولى الي يسافر فيها مسافة طويله لمدة سبع ساعات ونصف .

الوصول للعمة.

السكن في كوتا بونقا:

أختياري السكن في المنتجع كان أختيارجمــــاعي أنا والعائلة وابو طــارق نسيبي وكان موفق جدآ لاسيما انه مريح وراقي جدآ ويصلح للعوائل . وصلنا تقريبأ الساعة السابعة مساءآ وكنا مرهقين جدآ بعد الرحلة الطويلة بالطيارة أخذنا فلتين كل فلة غرفتين نوم بسعر 450000 روبيه يابلاش يا جماعة لو أننا في السعوديه ماتأخذها باالسعر هذا عمومآ الاولاد مرهقين ونوم على طول .

[url=https://www.otlaat.com/almosafr/up][/url]

اليوم مفتوح:

الصحيان الساعة السادسة صباحآ بعد مانمنا كثيرأتصلت في ابو طارق وزهبنا القهوة والتمرعلى صوت العصافير وريحة الزهور والورود في الصباح العليل الي يرد الروح كان التعرف على المنتجع فكرة لا باس فيها ورحنا نمشي من حي الى حي خاصة المنتجع كبير جدآ وتشوف الباعة يبعون الاكلات الشعبيه حقتهم من الصباح بدري يالله ياكريم يافتاح ياعليم جاء السواق حسب الموعد ركبنا السيارة ورحنا نصرف وناخذ شرايح جوال من سمباتي نزلنا تحت ليم البقالة السعودية وجنب مكتب احمد بافيقه صرفنا على ما اظن 100دولار بـ895000 روبية.أخذنا الخبز من بقالة السعوديه والحليب الطازة رجعنا الى المنتجع وعلى طول الطريق تشوف على مد العين مزارع الشاهي والخضار والمروج الخضراء الجميلة صراحة منطقة الجبل جميلة جدآ هواها العليل البارد يرد الروح فطرنا نحن والعائلة وتعرفنا على المنتجع وشفنا البحيرة الكبيرة والشلالات الى في كوتا بونقا كلها جميلة جدآ فكرنا نروح نتغذى مندي من رند وعدن دخلنا وطلبنا تيس ويوم جاء الاكل الله يكرم النعمة الرز مش ولابد الظاهر انه رز من مزارعهم اللحم مش ولابد عمومآ تخيشنا من المطعم الله يكرم النعمة لو درينا كان اشترينا التيس وطبخنا في البيت احسن من طبخهم لكن يالله مش مهم.

يبحيرة تليجا:

قررنا الذهاب الى البحيرة ومعنا بعض السندوتشات والمشروبات الباردة والشاهي والقهوة والتمر ويوم وصلنا عبر مزراع الشاهي على يمينك وشمالك وعبر طريق ضيق جدآ يالله يكفي سيارة وحدة جلسنا وفرشنا العائلة على جنب وأنا وابو طارق على جهة ثانية ما درينا الى والقرود هاجمة علينا من كل جهة يالله ياساتر أستر علينا طبعآ الاولاد فرحانين وقامو ياكلو القرود وكل شوية وتيجي قرود زيادة المكان جميل جدآ وشاعري ولكن مايفسد عليك الرحلة هي القرود ويالله المستعان.

حديقة الزهور:

غادرنأ المنتجع كوتا بونقا وموقع حديقة الزهورمن المنتجع من امام البوابة الرئيسية يوجد شارعين واحد على يمينك والاخر على شمالك أخذنا الشارع الي على الشمال يودي الى حديقة الزهور وتبعد تقريبأ حوالي 12 كيلو متر تقريبآ وصلنا ودفعنا الرسوم وكانت الفرجة لاالله لا الله يالها من حديقة ترد الروح سبحان الله العظيم صح الي صممها عنده مخ من تصميم وتنسيق وترتاح فيها خاصة البحيرات وتشوف الانعام من بط ووز أشكال والوان سبحان الخالق العظيم.

حديقة تامان سفاري:

بعد ما صلينا صلاة الجمعة في المنتجع أنا وابو طارق نسيبي قررنا الذهاب الى حديقة الحيونات ( سفاري ) ركبنا السيارة مع السائق ابو احمد وكان يجيد العربيه شويه وعندما أنطلقت السيارة فينا نزولا من الجبل ( بونشاك ) وكانت الزحمة على فكرة يعيب الجبل الطريق الصغير كان الانتظار حوالي ساعتين واقفين وبعدين انفك الطريق وفرجت وصلنا بعد المرور من القرى لا نها كانت فكرة السائق الدخول من القرى التي في الجبل ما درينا الا وحنا واصلين بعد الدفع طبعآ الرسوم تجولنا في الحديقة وكان هناك موقف طريف لابن نسيبي كان ياكل الزرافة وبعد لحظات ضربه ماس كهربائي من السلك موقف لا يحسد عليه .

الشلال:

قررنا الذهاب الى الشلال وطبخ الكبسة وبعد الوصول الى الشلال كانت الاغراض كثيرة طبعآ ما كنت عارف انه هناك ناس يساعدوك بأجر بسيط أتفقنا مع أثنين من الشباب يشيلو الاغراض مقابل مبلغ بسيط ويجلسو حتى أنتهاء الرحلة أشترينا بس الحطب وبعد ما استأجرنا الخيمه كانت سعرها 200000 روبية لعدة ساعات بعد ما تم أختيار المكان المناسب لشب النار . بدأنا بالطبخ وبقية العائلة ذهبو لرؤية الشلال عن قرب والتنعم بالمياه الباردة أحسن شي رؤية عظمة الخالق في طول ألا شجار على مد العين.

النزهه في كوتا بونقا:

قررنا النزهة في المنتجع وركوب القوارب والسباحة ومشاهدة الا سواق ( بازار ).والاستعداد للسفرالى باندوق.