روعة أندونيسيا

الجزء الاول

طبعا راح اكتب عن رحلتي لااندونيسيا كيف جات الفكره وكيف صارت والمواقف وكل شي اتمنى انها تعجبكم وتنال رضاكم ……….

كنت طفشان من الرياض ولاادري وين اروح :36_2_6: شبعت من الوجيه اللي كل يوم اشوفها :36_1_31: ولا واكثر من هذا الجو وانتم عارفين جو الرياض بااااااااااارد :1125: والعكس صحيح وصرت افكر وين اسافر وبصارحه صرت افكر في مكان جديد وتكون غير دوله عربيه (اخوكم تراء ماطلع من الدول العربيه لأ وحده الامارات العربيه بس) انا من النوع اللي ماحب اسافر الدول العربيه للاسباب مثل الاسعار المرتفعه والنصب عيني عينك وبذات لعرفوا انك خليجي طبعا هذا رايي انا وخاص فيني المهم ابي اسافر لدوله في الشرق اسيا كنت افكر في الفلبين واندونيسيا وماليزيا واستقر الراى على اندونيسيا والمشكله اني اول مره اسافر لدوله غير عربيه ولوحدي مغامر وبايعه:1166: هههههههههههه المهم رحت اجمع المعلومات عن اندونيسيا باكبر قدر ممكن وحصلت على معلومات قليله مثل اسامي الفنادق والاسواق والعمله كم يصرف الدولار والجبل من كثر ماسمع عنها المهم واقدم الاجازه شهر واصدقاي يقولون يارجال يامهبول تروح لحالك انت مجنون ماتخاف اجلس ورح تمش في جده . وانا اقول رووووح ياشيخ اطلع من حر وادخل في رطوبه طير ياشيخ ،وتوكلت على الله وقصيت التذكره على الخطوط الاندونيسيه (جارودا) وبيني وبينكم والله اني كنت خايف:36_2_5: من السفريه اول مره اسويها المشكله اني مااعرف اتكلم انكليزي على قولتهم اطق طق لو اتكلم انكليزي يبيلك يومين حتى تعرف وش ابي ولغتهم ما اعرفها المهم ويجي موعد الرحله واروح المطار يوم وصلت المطار جاني شعور مختلف الشعور هذا تبدل الى فرحه وفضول:36_2_4: واكتشاف شي جديد بنسبه لي وشوف طوابير الشغالات وهم فرحانين برجعتهم لبلدهم :headphones: وانا جالس ادخن:1152: وافكر وش اسوي هناك ركبنا الطياره واجلس في مكاني المخصص لي والله ويرجع الخوف :36_2_5: من اقلاع الطياره مدري الطيار شقردي ولا لا وبسم لله وتقلع الطياره وانا عيوني تقلب ويوم استوت في الجو وانا ارتاح طبعا تعرفون
مدت السفر تقريبا 8 ساعات في الجو وقلت استغل الفرصه واسئل الشغالات :1120: اللي مسافرين معي واسئلهم عن كل شي واهم ماسئلت عن المطار في جاكرتا كيف ادفع الفيزا والله صارو بنات ارجال وقالوا لي معاليك خل كل شي علينا اذا وصلنا انضبط وضعك وانا ارتاح المهم واشوف واحد يتكلم اندونيسي يبربر معهم وانا اقول الرجال هذا شكله عربي وين عربي الا سعودي بس يوم سمعته يتكلم معهم قلت هذا حضرمي ماخذ جنسيه :1152: صاير محلل سياسي وابي اتعرف عليه يعني اقط وجهي:grimace: ولا اعرف كيف طبعا هذا الرجال اسمه SAYANGتعرفونه وانا احسده على اللغه اللي تكلم فيها وقول ليتني مثله:36_1_38: مسكين انا داج وتبون الصراحه دخل قلبي وحبيت اتعرف عليه بس مالقيت الفرصه والله مادريت عن الوقت :1147: الا الكابتن يعلن عن وصولنا لمطار جاكرتا وانا على طول اطل على النافذه وشوف المنظر الخلاب والخضار الطبيعي المهم نزلنا من الطياره وانا وراى SAYANG وين مايروح وراه الشغالات اللي تزهلوا فيني ضاعوا يوم وصلوا وانا وراى سيانق يلف يمين الف يمين يلف يسار الف يسار يعني لزقه:36_1_35: وندخل طابور الفيزا واصير وراه وانا اقط وجهي عليه وانا اقوله:36_2_1: الحمدلله على السلامه ويرد الله يسلمك واقوله سعودي قال ايه وانا ما اصدق خبر اني فتحت موضوع وقوله تراني داج ما اعرف شي عن اندونيسيا قصدي الفيزا والله ماقصر قالي ماعليك هات جوازك وفيه واحد معه تعرف عليه في الطياره اسمه ابو بدر مثلي لزقه هههههههههههه بس انه احسن مني قد سافر اربع مرات يعني خبره ويعرف يتكلم انكليزي ههههه المهم خلصنا من مكتب الفيزا وانا اقوله وين نروح الحين قال انت اول مره تجي قلت ايه والله اول مره اجي قال طيب تعال معي وانا اقول في نفسي اكيد تبيني اترك:1103: المهم ختمنا الجوزات ورحنا لمكتب اسمه (كاها) تعرفونه طبعا وقول ابي الفندق اللي بتسكنه قال طيب طبعا جلسنا في الصاله المطار وتعرفنا على بعض وصرنا ثلاثه وبعدها ركبنا التكسي وانا اشوف المناظر الخلابه ويافرقها عن الرياض وبعدها وصلنا الفندق واسمه (بتهافيا)وغرفنا جنب بعض وقال سيانق نبي نرتاح شوي وبعدين نتمشى قلنا خلاص وانا مطفوق بعد ساعه وانا ادق على غرفة سيانق واقول يالله مشينا قال ياخوي وش فيك ارتاح تو الناس وانا اصرفها اقول لا بس خايف انك مستحي مني المهم وانا ارجع لغرفتي وكنت افكر وين نروح ومادريت الا وانا في سابع نومه:36_2_20: ومادريت الا الباب يطق وانا اقول ياليل ماطولك من ذا وافتح الباب الا سيانق وابو بدر وقلت هلا وقالوا ياخي قلنا نرتاح مو تنام اربع ساعات تجهز نبي نروح مشوار مهم قلت طيب ونطلع ونتمشي على الاسواق والله واسمع سيانق يتكلم مع واحد في التلفون ويقوله ايه انا سكنت في فندق بتهافيا وانت وين سكنت قال في اتريوم قلت سيانق من اللي تكلمه قال هذا واحد اسمه ابو ناصر بتشوفه الحين قلت وين قال في الكفي شوب قلت زين والله واشوفه وربي عسل واحلا من العسل وتعرفت عليه وصار مايناديني الا ابو مشعاب ههههههههههههه مدري ليه مشبه شكله وبصراحه مابي اطول عليكم بس كانت رحله حلوه ورحت اماكن حلوه مثل الجبل وغيرها المشكله ماعندي صور لرحله لكن اوعدكم في الرحله الثانيه اوريكم الصور كلها

تقبلوا تحياتي