تقرير رحلتي لاندونيسيا فبراير 2008

بدأ التخطيط لرحلتي الثالثة الى اندونيسيا قبل شهرين وكانت النية ان اسافر مع احد اعز اصدقائي الذي احب اندونيسيا :36_2_2: من كثر سواليفي عنها.

وحجزت مقعدين بزنس كلاس بسعر 3700 ريال على الخطوط السعودية وبدأت اعد الايام والليالي الى ان تبقى اسبوع على موعد السفر واذا بي اتلقى اتصال من صديقي يخبرني بانه منوم في المستشفى، فقلت في خاطري شكلها نكبة ياواوي :colere_rouge: بس والله رايح رايح ويازين السفر سنديري.

وزرت الخوي وبالفعل ظروف الرجال الصحية لاتسمح له بالسفر لمدة شهر على الاقل وطلب مني تأجيل السفر فضحكت وقلت له نجوم السماء اقرب لك وانا رايح لحالي :bye:

وفي اليوم الموعود توجهت لمطار الملك فهد بالدمام والابتسامة شبرين على وجهي :36_2_1: فموعد اللقاء مع حبيبتي جاكرتا قد حان.

بعد ان انتهيت من اجرات الشحن وانا متجه للجوازات واذا بشخص يناديني واناظر وراي واذا هو واحد معرفة قديمة يمكن من اكثر من 15 سنة :36_2_6: ونشب فيني هلا يابوالشباب كيفك ووين مسافر قلت له اندونيسيا قال الله جابك فانا اول مرة مسافر لنفس البلد وابي اخاويك، فقلت في نفسي ايش هالنشبة اللي ابتلشت فيه، فسلمت امري لله وقلت له حياك.

الرجال من سواليفه في المطار واثناء الرحلة عرفت انه علة :a8cc8ee8cf: ونويت اني اتخلص منه باسرع وقت ممكن، اثناء الرحلة كان بعض الشباب السعوديين يتمشون في المقصورة وقلت للعلة احفظ اشكال الشباب ذولا قال لي ليش قلت له ماعليك بعدين اخبرك.

وصلنا لمطار سوكارنو هاتا الواحدة ظهراً وعلى طول مسكت السرى حق الفيزا وقلت للعلة روح وقف في السرى حق الجوازات عشان نختصر شوية وقت، سالني الماس حق الفيزا وين راعي الجواز الثاني قلت له واقف قدام، لزق الفيز في الجوازات وقال لي هدية قلت ماكو فراطة وزعل الماس وقال انا ساعدتك ومشيت جواز خويك وهو مش موجود قلت له تبي اناديه الحين يجيك قال لي خلاص امشي وخذت الجوازات وعلى السرى الثاني وياكثر العالم وادور العلة والاقيه قدام قريب من الخط الاصفر

يتبع