ماليزيا و اسبيرانزا (كوالالمبور)

السلام عليكم ورحمة الله

(ماليزياو Esperanza)

( كوالالمبور)

اسبرانزا: ماليزيا ممكن سؤال بسيط؟
ماليزيا: تفضل يا اسبرانزا هات ما عندك.

اسبرانزا: إنا أراء و اعتقد بأنك مغرورة و بشكل كبير ، أنتي دائم مزعجتنا في التلفزيون و الراديو و أيضا الجرائد بأنك جميلة و ساحره و إن مافية بلد في أسيا بمثل روعتك ، لا و زيادة على كذا تقولي انك أسيا الحقيقية؟
ماليزيا: إنا يا اسبرانزا ما قلت الكلام هذا من فراغ ، إنا قلت الكلام هذا لأني اعرف الشي هذا ولأني اعرف إن كل من زار ماليزيا يؤمن بالشي هذا.

اسبرانزا: ماليزيا لكي الحق بان تقولي الكلام هذا عن نفسك (القرد في عين امة غزال) ، ولأكن انك تقولي بان كل من زار ماليزيا يؤمن بالشي هذا ما اعتقد انه صحيح ، يعني إنا قرأت في بعض المنتديات بان جمالك وسحرك مبالغ فيه و كان هناك عدد من أعضاء هذا المنتديات من ينتقدك بشده ، حتى إن احد المواضيع كان يدعو الي عمل إضراب عن استخدام سيارات التكسي عندك بسبب استغلالهم للسياح.
ماليزيا: اسبرانزا إنا ممكن اشرح لك و اصف لك سحري و جمالي لأيام و أيام ، ولكن في النهاية ممكن ما تصدقني و تقول إني أبالغ في وصف نفسي ، عشان كذا إنا بودي انك تجي معي و تزورني و تشوف جمالي الحقيقي ، وأنا متا كده بأنك بعد نهاية جولتك في إرجائي بتقع في سحري و تعشقني كما عشقني من هم قبلك. وكل إلي ابغاه منك انك تفرغ نفسك لمدت ثلاثة أشهر عشان تتاح لي الفرصة بان أتجول بك في كل إرجائي.

اسبرانزا: بدينا في الغرور مره ثانية يا ماليزيا ، طيب قولي إني صدقت كل كلامك و وافقت إني أجي معك ، إنا رجال أطفر من الطفران من وين أجيب قيمة التذكرة و المصاريف وزيادة على كذا عندي مدير في العمل لو بقوله إني ابغى أجازه لمدة 3 أيام طردني من مكتبه و قال لي أروح أشوف شغلي و اخلي عني الإهمال في العمل ، فما بالك لو بقولة إني ابغى أجازه لمدة ثلاثة أشهر ، والله إن إلقاء ملفي الوظيفي مع الحراس عند بوابة المستشفي اللي إنا اشتغل فيها ، و أول ما يشوفوني الحراس يجدعون الملف في وجهي و يشوتوني بوز مع الباب .
ماليزيا: فيما يخص التذكرة و المصاريف لا تشيل هم ، أنت ضيف على محفول مكفول ، إما بخصوص مديرك في العمل فنا عندي لك رأي ، اعطي مديرك تذكرتين سفر إلي عندي شاملة الإقامة و المصاريف لمدة شهر بالمجان ، وش رأيك.

اسبرانزا: ماشاءالله عليك يا ماليزيا وش كل هالكرم أكيد انك من أحفاد حاتم الطائي ، ومدام انك كريمة وأنا استأهل ماعندي اي مانع أروح معاكي. إما بالنسبة للتذكرتين إلي بتعطيها لمديري فهي فكره زينه مع انه ما يستأهل.
ماليزيا: ممتاز ، اجل جهز نفسك يا اسبرانزا عشان نمشي الحين.

اسبرانزا: ماشاءالله عليكي حار بحار مافية تضييع وقت ، طيب عطيني بس عشر دقائق احزم عفشي وجي معك.
ماليزيا: افااااااا يا اسبرانزا الحين أقولك انك محفول مكفول ونت تقول لي انك تبي تحزم عفشك ، أنت لا تجيب إي شي معك ، إنا أبيك تجي معي ولا عليك إلا الفنيلة اللي على ظهرك. الحمدلله عندنا أسواق من أفضل الأسواق في العالم ، كل ما تحتاج لة من الملابس انا اشتريها لك.

اسبرانزا: طيب لا تزعلين انا غلطان ، يلة مشينا و توكلنا على الله ، بس تراني ما ادري وين موقعك من أسيا ولا طول الطريق بالطيارة.

ماليزيا: طيب ركز معي يا اسبرانزا ، الخريطة هذي هي لمنطقة شرق أسيا ، إنا الاموره الحلوه اللي حولي الخطوط الزرق ، واللي على يساري و على يميني و تحتي هي ديره الاندومي او زي ما انتم تسمونها العمة اندونيسيا ( Indonesia ) و اللي جاية فوقي على اليسار و بيني و بينها حدود صغيره هي ديرت سيام او زي ماهي معروفة الان بسم تايلاند ( Thailand) ، إما إلي جاية فوق من اليمين ولا بيني و بينها حدود برية فهي ديرت الفنس الفلبين( Philippines ) ، إما ألديره الصغيرة اللي جاية في وسطي بالضبط فهي ديرت المريش بروناي ( Brunei ) والله اني اضرس على ألديره هذي ودي اشوت المريش هذا واخذ ديرته ، بس يقولون الصبر زين.

ماليزيا: و الخريطة هذي هي نفس الي قبلها بس انا فيها واضحة بشكل اكبر ، شفت يا زيني.

و هذا موقع العاصمة حقتي (كوالالمبور).

اسبرانزا: الله يعطيكي العافية يا ماليزيا على الشرح الجميل هذا ، بس ما قلتي لي المشوار من الرياض الي عاصمتك كوالالمبور كم بالضبط.
ماليزيا: المشوار يعتمد على الطيار ، يعني إذا كان مأخذ راحته ولا هو مستعجل بيكون في حدود 8 ساعات ، إما إذا كان الطيار مطفوق و حاط رجلة زى طيارنا هذا بيكون المشوار في حدود 7 ساعات.

اسبرانزا: الحمدلله ،، وصلنا ، والله المشوار ، هاه يا ماليزيا وين نروح الحين.
ماليزيا: بوديك الحين للفندق ونشاءالله بدري الصباح نأخذ جولة على كوالالمبور.

اسبرانزا: أصبحنا وصبح الملك لله الواحد القهار ، والله الجو جميل في الصباح ، هو جوكم يا ماليزيا كل يوم كذا.
ماليزيا: مشينا يا اسبرانزا ترى ورآنا مشاوير كثيرة.

اسبرانزا: توكلنا على الله بس تكفين كل محل نروح له حاولي تعطيني تفاصيله.

ماليزيا: ولا يهمك بس أول شي نبغا نسويه هو ان احنا نأخذ لفة على كوالالمبور على متن الهيلكوبتر الخاصة حقتي عشان تأخذ فكره عامة عن المدينة.
اسبرانزا: !!!!!!!!!

ماليزيا: هذي وسط المدينة ، شفت محلاها .

ماليزيا: وهذي طبعاً برجي شركة البترول حقتي بيترونس.

ماليزيا: يلة خلاص انتهت اللفة ، يلة انزل خلنا نركب اللموزين حقي و نأخذ لفة في الشوارع.
اسبرانزا: بس ، هذي اللفة دقيقتين بعدين تقولين خلصنا ونزل ، وين راحت نفخة النفس إلي من شوي ونتي تقولين “الهيلكوبتر الخاصة”
ماليزيا: أنت و ديرتك هي السبب رافعين أسعار البترول صرت معاد اقدر ادفع بنزين الهيلكوبتر ، بعدين انا لازم اكون نموذج للمواطن الماليزي المتقشف. 😡

ماليزيا: وهذي ابراج البترونس، كحل عيونك يا اسبرانزا إنا عارفة انه ما عندكم زيها.
اسبرانزا: اية هين ، شكلك ما شفتي المزيونة الفيصلية ، ولا شفتي الباهره المملكة. صحيح إني مابعد شفتهن من جوا ، لأني كل مره أروح لها يطردوني و يقولون للعوائل بس ، لكنها أزين من مبناكم هذا الف مره. :))
ماليزيا: طيب انا مصدقتك بس تعال خلنا نخلص و نأخذ لفة في المدينة.

( يتبــــــــــــــــــــع )