زياره قصيره للفاتنه كوالالمبور

2007-08-14

السلام عليكم
الهدف من الزياره كان عندي توقف في كوالالمبورلمدة اكثر 30 ساعه
في طريق العوده الى الرياض قلت ليش ما استغلها في التسوق
و اتمشى داخل البلد لو لفتره بسيطه ..

حجزت في فندق الميلينيوم اللي كان سابقا يسمى ” الريجنت”
السعر كان ب 120 دولار من مكتب عندنا استراليا ,وصلت الصباح
واخذت تاكسي و كانت عباره عن سياره خاصه ب 100 ريقنت ,
بصراحه الفندق كان الى الان ما انتهت اعمال الترميم فيه فالواجهه
الرئيسيه و اللوبي مغلقه للصيانه لكن الغرف كانت جدا رائعه واثاثها
جديد و الخدمه اكثر من رائعه في الفندق و كل المستلزمات موجوده
من انترنت الى مركز الاعمال مرورا ب المسبح كانت جدا جميله ..
هذي صور للغرفه

ماليزيا..

نزلت تحت المطعم وقالوا لي ان الافطار المجاني مو اليوم بكره
قلت مو مشكله انا ادفع وكانت الفاتوره بسيطه 35 رينقت بس
طبعا المطعم كان مليان خليجييين وكلهم يناظرون
فيني وش هالاشقر المزيون لان الشعر اشقر و العيون خضر
“اذا مو مصدقين اسالوا عاشق الثري ترى مقابلني في جاكرتا ”
بسم الله علي و اللي زاد الطين بله اني عبيت الصحن اربع
او خمس مرات رايح جاي لكن الجوع كافر يا اخوان و بعدين اخذت لي
نفس قبال المسبح ما عاد قدرت اتحرك من مكاني …

هذي طبعا صور من الغرفه للعاصمة الجميله يظهر فيها ناطحات السحاب
و يظهر ايضا برج الاتصالات ..

https://www.otlaat.com/almosafr/up/uploads/c6b08f9939.jpg”>

https://www.otlaat.com/almosafr/up/uploads/6b47ab3bcf.jpg”>

https://www.otlaat.com/almosafr/up/uploads/9442cce621.jpg”>

طلعت الى الغرفه في حاله يرثى لها من الشبع و نمت وملابسي
علي حتى ما قدرت اغيرهاا ..

صحيت على الساعه 3 العصر و اخذت لي شور سريع و نزلت للبوكيت
بيتانج طبعا الفندق كان على نفس الشارع و انا تعمدت الشي هذا
عشان اوفر على نفسي المشاوير خصوصا ان فتره جلوسي راح تكون
قصيره مريت على المطعم الايراني و تغديت عندهم و اخذت لي راس شيشه
ونفس الشي طلعت من عندهم في حاله يرثى لها من الشبع شكلي
كنت حارم نفسي في استراليا هوت دوج و همبرجر عسى الله يديم النعمه ..

اخذت لي جوله على شارع العرب و على المجمعات اللي فيه كلها لاحظت
فيها ان الاسعار مقاربه للاسعار في السعوديه خصوصا اذا كنت تبحث عن
الماركات العالميه وانا اقولها نصيحه اللي يبي يشتري ماركه معينه ترى الاسعار
في السعوديه ارخص هذا حسب اللي انا شفته هناك ..

هذي صور في اثناء جولتي القصيره في شارع العرب

https://www.otlaat.com/almosafr/up/uploads/972fab56f2.jpg”>