أهلا وسهلا بك إلى المسافر السياحة و السفر.
أهلا وسهلا بك زائرنا الكريم، يسرنا ان تسجل معنا في اكبر مواقع السفر للتسجيل اضغط هنا

رحلتي الي المالديف

2019-03-14
عدد المشاركات: 1

تقرير رحلة المالديف بعنوان
المالديف بالارقام و التكلفة

اسف التقرير طويل شوية لكن علشان التفاصيل مهمة

قبل اى حاجة لازم نفهم طبيعة المالديف
المالديف عبارة عن ١٢٠٠ جزيرة صغيرين جدا
فى المحيط الهندى مصنفة ل ٣ انواع
١ : جزر شبة غرقانة لا يوجد بيها اى حياة
٢ : جزر ماهولة بالسكان المحليين
٣ : جزر خاصة بمنتجعات ممنوع دخولها الا اذا كنت سائح حاجز فيها او عامل

كان من فترة قريبة غير مسموح للسياح الا ارتياد الجزر الخاصة الغالية على الطبقات العادية و المتوسطة فاقل سعر ليلة فى منتجع ٢٥٠ دولار بالاضافة الا عدم توفر مواصلات عامة ودة بيكلفك كمان حوالى ١٥٠ دولار للفرد

من فترة قريبة سمحت الحكومة للاهالى فى الجزر المحلية بناء فنادق او بيوت استضافة و دة خلى حلم المالديف متاح للطبقة العادية والمتوسطة انها تزورها لان الفنادق فى الجزر دى متاحة من ٣٥ دولار ل ١٥٠ دولار فى اليوم حسب المستوى
بالاضافة الا ان المواصلات العامة تقريبا بتكلف الفرد من ١ دولار ل ٥ دولار حسب الجزيرة وبعدها عن العاصمة

نيجي للمهم تجربتى بالاسعار و الاماكن

اولا انا اخترت جزيرة maafushi تكون مقر للرحلة لانها جزيرة قريبة من العاصمة ساعة ونص بالمركب العادى و ودة تكلفتة حوالى من ٢ ل ٣ ونص دولار
او بالمركب السريع ودة تكلفتة ٢٥ او ٣٠ دولار للفرد للاتجاة الواحد
بالاضافة لان maafushi فيها خيارات فنادق كتير جدا و مطاعم كتير وكل المستويات كمان حركة السياحة فيها وعدد السياح اكتر من الاماكن التانية
ودة بيخليها حيوية بالليل عن باقى الجزر
الا ان تظل حياة الليل فى كل الجزر هادئة جدا

نييجى للرحلة و التكلفة الكاملة الى هى اعتقد بعيدا عن تذاكر الطيران ارخص من راس البر و شرم الشيخ فى مصر وهتزور ريزورت خمس نجوم من الى بتشوف صورهم و فيديوهاتهم فى التلفزيون والنت

سعر الدولار الواحد تقريبا ١٥ روبية

١ : من غير تاشيرة هتدخل تقولهم سلامو عليكم
هيقولولك وعليكم السلام اتفضل

٢: تذاكر الطيران مش ثابتة تتراوح بين ٩٠٠٠ و ١٢٠٠٠ فى العادى

٣ : تاكسى من المطار ل محطة فيلينجيلى البحرية الى هتاخد منها المركب للجزيرة ب ١٠٠ روبية او ٧ دولار

٤ : مركب من المحطة البحرية للجزيرة maafushi ب ٣٠ روبية او اتنين دولار

٥ : اختيارى كان لفندق white shell maafushi فندق نضافة فوق الممتازة و طقم عمل محترم وخدوم جدا و فى المنطقة الخيوية من الحزيرة كان ب ٥٦ دولار
والحجز كان من التواصل مع الفندق نفسة لان بوكينج اغلى بحوالى ١٥ دولار فى اليوم

٦ : الاكل الفطار كان فى الفندق مع الحجز كويس جدا و المطاعم فى الغدا سعر الوجبة للفرد تبدا من ٣ دولار ل ١٠ دولار حسب مستوى المطعم انا كنت باكل فى مطعم متوسط الوجبة ٥ دولار مطعم شعبى لكن اكلة طعمة حلو و نضيف
العشا كنت معايا جبن و بشترى عيش من المحلات🤣🤣🤣

٧ : الاهم زيارة لمنتجع ٥ نجوم
عندك كل الفنادق فى الجزيرة بتعمل رحلات يوم واحد لمنتجع ٥ نجوم و بيعرضوا فيديوهات ليهم تختار منهم بتبدا من ١٠٠ دولار ل ١٧٠ دولار فى اليوم

انا اختيارى كان لمنتجع olhuveli وكان ب ١٢٠ دولار فى اليوم مع الغدا و المواصلات رايح جاى
بتقعد من ٩ ونص تقريبا للمغرب

اخيرا بعيدا عن تذاكر الطيران تكلفة الرحلة لفردين
كانت تقريبا ٥٥٠ دولار فندق و اكل ومواصلات و زبارة لريزورت يوم كامل بكل مصاريف الرحلة

مصدر الصورة : ترافليات

انشر هذا الموضوع

اكتب رد

شاركنا برد على الموضوع

avatar
  اشترك  
بلغني اذا