الفزعه ياعيال الديره ابي اعالج اسناني + واتعلم لغة في شهر كامل ساعدوني بالنصائح

السلام عليكم ورحمة الله وبركاته

اخواني الكرام انا جديد بالمنتدى وحاب المنتدى هذا بالذات لان كل شخص اعرفه يسافر لاي دولة

لازم يمر على منتدى المسافر وهذا دليل على قوة المنتدى في المعرفة والمساعدة بين الاعضاء

الزيدة يااخوان

انا عندي اجازة 5 أسابيع بصراحة كنت مخطط أسافر لبريطانيا عشان بتعلم لغة انجليزية فقط مهارة المحادثة :3b4d2c926c:

لكن تذكرت اني حايس بحالي مع الاسنان حوسه مايعلمها الا الله :6b5bf50998:

ياناااس انا كنت بجده حاب اسوي تجميل لاسناني وتزبيط عددهم 20 سن حاب اسوي لها تركيبات

لفيت جده لف والله الاسعار نار وشرار الاخوان السوريين جالدينا جلد بالاسعار :a8cc8ee8cf:

والمشكلة الكبرى اذا انتظرت بغرفة الانتظار وجا الدور الدكتور ماياخذ اكثر من 20 دقيقه يستعجل عليك عشان الي بعدك

وقالو ان تكلفة علاج اسناني من والى يتراوح مابين 55 الف ريال الى 75 الف ريال !!

والمشكلة يقولونها وكأن الناس مرتاحه ماديا !!

قلت دام بسافر لبريطانيا بشوف لي عيادة اسنان هناك ممتازه خصوصا ان التركيبات من المانيا وكلهم بنفس القارة الاوروبية

واكيد الشغل بيجي أصلي 100 % حتى لو تفاجئت بنفس الاسعار الي بالسعوديه على الاقل ناس تعرف الامانه والدقه

لكن المشكلة لغتي ضعيفه بالمحادثة ماعندي انطلاقة ولا اعرف مصطلحات الاسنان اخاف اجيب العيد بنفسي :6b08cdd459:

لذلك قلت ليه ماحول السفرة من بريطانيا على الفلبين واخليها 5 اسابيع علاج اسنان وتعليم لغة بس ابي ارطن لغة

ومالي الا الله ثم انتم يااعضاء منتدى مسافر وياخبراء السفر للفلبين الفزعة يااخوان :a94b1029fe:

بتجاربكم في علاج الاسنان وش افضل عيادة او ايش افضل دكتور اتعالج عنده

وش افضل مكان مناسب للسكن ويكون فيه مدرسة تعليم لغة ويفضل تكون قريبه بعد من العيادة

وش خطوط الطيران الي تنصحوني فيها

وكيف الاكل والامان عندهم نقدر نتخارج والامور تمام ان شاء الله ؟

ياليت تساعدوني بالمعلومات وتخلون موضوعي هذا للدردشة من باب افادة الجميع

وشكرا لكم