مانيلا & بوركاي … روووعة روووعة يالوردة

السلام عليكم ورحمة الله وبركاتة

بداية أحب أشكر أي واحد كتب حرف في هالمنتدى فعلاً أستفدت بشكل رهيب من المعلومات اللي قريتها :141:

أعذروني يالغالين أفضل التقرير يكون باللهجه العاميه :18:

وراح يكون دقيق وبتذكر تفاصيل كثيرة مع بعض الصور اللي ما يحب التفاصيل والسوالف ترى التقرير ما يصلح له أبداً

الرحلة كانت لأربع شباب في تاريخ 17 نوفمبر حتى 1 ديسمبر على الخطوط السعودية بسعر 1490 ريال دايركت الرياض – مانيلا الصراحة كان السعر لا يصدق مع العلم أني حجزت قبل الرحلة بخمس أيام

السفرة ذي جت بدون أي تخطيط فجاءه جزمنا نخاوي واحد من الشباب كان مضطر يروح للفلبين في أقرب فرصة .

بعد حجز الرحلة تشاورنا كيف خطه الرحلة وين نروح غير مانيلا ووش في مانيلا يستاهل الزيارة ؟؟

بس خوينا شغله في مانيلا وماندري كم يحتاج يوم ومتى يخلص كل شي يبين هناك لذلك ما حجزنا الا فندق أول يوم في فريزر بلس بنمطقة مكاتي قريب من شارع برقص وقلنا هناك نتفاهم ههههههههههههههه نظام مش حالك وكل شي يضبط :6bc61aca8f:

عاد والله يا حفرت المنتدى حفر ما فيه معلومة الأ كتبتها بالملاحظات واسماء فنادق واماكن سياحية سجلتها .

وجهزت أغراضي و العزبة ترى ما تحتاج الا ( كاتم ورز وبهارات ) ودلة العرب لمحبي القهوة العربية ..

طبعاً ما عندي أي خلفية عن الفلبين نهائياً أو أي دولة في شرق أسيا بس معنا واحد سبق و زار الفلبين زيارة خفيفة .

يوم الخميس كان بعيد واليومين اللي قبل الرحلة أطول يومين مرو علي :3612794705: وأخيراً دقت ساعة الصفر وعلى المطار يبووووي aas

والأجراءات كانت سريعة بمطار الرياض فعلاً الوضع جداً منظم والخدمة أفضل بكثير من اللي نسمعة من العالم اللي تحب الطهبله والأنتقاد و أحب أشكر الأخوان اللي على الكونترات أو الجوزات.

وركبنا الطيارة وكانت شبه مليانه ما بين السياح السعودين و العمالة الفلبينة .. ولفت انتباهي اكثر من قروب من دولة اوربية ؟؟؟

العاب

أستغربت قلت وش يبون ذولا معقولة كل ذولا رايحين من الرياض لمانيلا ؟؟ ويصادف خلفنا اربع شلاييييييييخ من هالاوربين اللي يجدعون الطير من السماء ويتكلمون لغة عجزت اميزها بس الاكيد أنه مهب انقليزي ابداً

وبعد ما أقلعنا و ركدنا بالسماء جدعت وجهي عليهم من وين انتم قالو حنا اسبان من مدريد وانا اللي اقلب مشجع مدريدي متعصب بعد .. :9303f68a42:

طيب وش جابكم هنا ردت علي وحدة قالت افضل سعر للخطوط من مدريد لمانيلا كانت الخطوط السعودية بس كانت تمدح طيارتهم اللي من اسبانيا للرياض تقول ازين من هالطيارة ذي بمراحل .. طبعاً هم يحبون التوفير ويدورن الرخص وخاصة ان الخطوط السعودية غير اقتصادية يعني كل شي ببلاش ( وجبات وبطانيات والخ )

بس فعلاً الطيارة كانت عادية جداً من نوع الطيارات القديمة للخطوط السعودية .. بعد السواليف مع الشلايخ عطيته نومه لين قالوا اربطو الحزام بنهبط … والله مدري شلون نمت :c84e7dfe68:

وصلنا مطار مانيلا الساعة 1 الظهر والقى اخوياي الذيابه معبين كرت الدخول لي وعلى طول نزلنا من الطيارة ومرينا من عند ذولاك اللي ازعجوا امنا بالترحيب بالطبول وعلى الجوزات وسريع سريع بدون اي تعقيد ولا طلبو مني تذكرة العودة ولكن طلبوها من أخوياي يعني ظروري تكون حاجز عودة.

العاب

وكالعادة في كل مطار اروح له اخر شنطة توصل شنطتي :a8cc8ee8cf:

طبعاً فيه شبكة انترنت مجانيه في كل مطارات مانيلا وانا انتظر الشنطة طلبت اوبر اللي كان الوسيلة الجباره اللي لا يمكن أنك تفكر تستخدم اي وسيلة غيره في مانيلا تخيلو افخم سيارة توصل لمكاتي ب 450 بيسو بس !!!!

بعد ساعتين معاناة بالزحمة بشوارع مانيلا دخلنا منطقة مكاتي مع أنه قريبة من المطار .. الصراحة قلت بحل يازحمة الرياض شيء غير طبيعي أبداً بس اللي مصبرني ان الجو كان روعة والنفسية تمام :arc_en_ciel:

واخيراً وصلنا الفندق على الساعة 5 تقريباً وخلصت أجراءات الدخول والفندق كان خيالي جداً وهذا رابطة من موقع بوكينق شقق فريزر بليس مانيلا (الفلبين مانيلا) – Booking.com

الفندق غالي نوعاً ما الشقة ثلاث غرف كلها ماستر وصالة كبيرة مره ومطبخ متكامل وتصنيف الفندق 5 نجوم ب 12500 بيسو لليوم تقريباً أقل من الف ريال بشي بسيط لكن يستاهل جداً السعر اللي فيه

وش الخطة ما عندي نية انام ابداً والشباب قاالو نبي نريح ثلاث ساعات وقومنا … قلت اوكي

وادق على الرسيبشن وقلت لي لهم ابي مساج قالوا ساعة ب 350 بيسو .. والله من الرخص بغيت اقول ارسلو ثنتين :6b08cdd459:

المهم جت لغرفتي ومعها عدتها كاملة من مفرش جديد وزيوت وخذلك مساج غير طبيعي كأني ولدت من جديد

طبعاً ولا فتحت افمه بكلمة غير هاي واخر شي ثانكيو ووقع على الفاتورة …. أنتي اللي ثانكيو يا شيخه :19:

بعدها نزلت أخذ فره على الشارع وتقهويت ومريت سيفن ليفن وتقضيت اغراض وقومت الشباب .. اكلنا شي خفيف ثم على شارع برقص نبي نشوف وش هالشارع ؟؟؟

أول ما دخلت شارع برقص انصدمت !!! وش هالقذارة عيني عينك بالشارع ليدي بوي وبنات الهوى بكل مكان بهالشارع طبعاً الوضع خطر جداً تتعامل مع من بهالشارع حتى لو عرض عليك مساج منهم ويغثونك دايم لا مريت من عندهم ( سيرر مساج ) طبعاً كلهم امراض معدية كفانا الله شرها

جلسنا على احدى المقاهي وطلبنا لنا عصير منعنش وعصير ورى عصير حتى الساعة 1 ثم على دندشة اللي سمعت عنه الكثير .. وقلت لازم اشوف هالدندشة

السهر في دندشة سعره مناسب بس أبتعد عن الرش !!!! وطلب الأغاني لان الديجي يبي فلوس عشان يحط لك الأغنية اللي تبي وتكفى اذا بتدفع فلوس لا تحط شيييييله احترم الذوق العام ياخي :8788e14e8d:

واهم شي تكفى ثم تكفى لا تبخشش مهما كان السعر بسيط لان المكان الوحيد اللي شفت طلب البخشيش فيه بزيادة اقرب ما تكون الى شحاذة لانهم تعودو من ربعنا الكرم الزايد عن حده

يعني اللي يخدمك بشكل انت استفدت منه اما وقت او دراهم ممكن تبخشش بمبلغ بسيط .. بس اما تكون لك عادة بكل مكان وكل وقت اعتقد هذا سذاجة وتراك تخربهم علينا :a8cc8ee8cf:

المهم بعد السهرة رجعنا للشقة بعد وجبة خفيفة وبلغت الفندق اني بمدد يومين وبعدها على النوم بعد يوم طويل :c84e7dfe68:

لي رجعة ان شاء الله