تجربتي على الخطوط الفلبينيه مع الصور

السلام عليكم 

يطرح موضوع عن الخطوط الفلبينيه ورأيي في الخطوط 

طبعا رجعت قبل تقريبا اسبوعين وكنت متردد احجز على الخطوط الفلبينيه لنو مافيه معلومات كثيره عنها في المواضيع ..

وكنت دايم اسافر للفلبين على الخطوط السعوديه ب اسعار متفاوته ولكن تعتبر غاليه مقارنه ب اسعار الخطوط الأخرى ولكن انا افضل دايركت .. 

طبعن رحلتي كانت الساعه 3 ونص العصر الاقلاع حسب الي في الورقه ولكن اقلعنا الساعه 4 تقريبا مدة الرحلة 10 ساعات ونص 

الإيجابيات 

 الطائرة تعتبر جيده جدا  والتكييف بارد  زي الخطوط السعوديه بالظبط لا يوجد فرق في هاذي النقطتين 

الطاقم ودود ومتعاون جدا 

الاقلاع والوصول تقريبا في الوقت المحدد 

السلبيات من وجهة نظري 

المقاعد صغيره وضيقه قليل  الي نحيف او جسمه متوسط ما راح يحس بفرق ولكن الي وزنه زائد شويه (اهرب اخوي عامر اهرب) هههههههه

الاكل يارب لك الحمد اكل فلبينيين بس من الجوع مضطر انك تأكل لنو وجبه وحده فقط والوجبه الثانيه سندوتش قبل ماتهبط الطياره بساعه 

الحمامات زحمه مدري يمكن ع شان الطياره كانت مليانه 

وللأسف ماينضفون الحمامات  زي ما قرات في موضوع مختصر عن الخطوط الفلبينيه 

بشكل عام تستاهل اذا كانت اقل من 1500 لني اخذت التذكره رايح جاي ب 1200 مدري اسعارها كذا او ع حظي كان فيه تخفيض 

بحط لكم صور الوجبات طبعن في الرحله الوحده وجبه وحده رئيسيه فقط وزي ما قلت قبل الهبوط يعطونك سندوتش صغير ما يسوي شي ف نصيحتي الي يبغى يطلع الخطوط الفلبينيه يحط معاه اكل ف الشنطه لا تسوي زيي اقسم بالله يا اني جعت جوع هههههههه

اخليكم مع الصور