استفسار بخصوص توثيق زواج سعودي من اجنبية بدون موافقة

اولا حاب اشكر الجميع على ردهم وتفاعلهم مع مشكلتي الله لا يحرمني منكم يارب … المعاملة خرجت من وكالة الأحوال المدنية من الرياض بعد صبر فااااضي والسبب جدااا غبي ولا احد يساعدك في التلفون يقولك على الاقل نبذه عن السبب ولا شي تحت الإجراء وبس … السبب اني رفعت معاملة من احوال جدة سابقا بخصوص اضافة طفلة في كرت العائلة والورق حقي حق توثيق عقد النكاح كان في وزارة الداخلية من يوم ماشافو معاملة جاية بخصوص اضافة مولد وعندك معاملة ثانية توثيق عقد على طووووول يجمدون كل المعاملات ويهتمون في موضوع اضافة الطفل المذكور اسمه في المعاملة … جلست اكثر من ست شهور … سبحان من يوم اضافة الطفلة في كرت العائلة في نفس اليوم تحركت المعاملتين برقمين مختلف حقت الزوجة راحت لشرطة المنطقة وحثت الطفلة راحت لأحوال المنطقة …. قلت شكلها الموافقة … الخطاب الا مكتوب الرجاء تصحيح تاريخ الزواج بالعربي وليس بالميلادي لكي يشملك شروط توثيق عقد الزواج وأغير التاريخ من ميلادي لهجري وطشو الأسئلة الاستجوابية الروتينية بوحدة جديدة كأنها حصة علوم وهاتك كتابة الله يسعدلي العقيد هو بنفسة جالس يمليني الاجابات وراجع الورق بالتواريخ عشان ماترجع مرة ثانية …. رفعت الورق وجالس استنة … بعد ٣ شهور رجعت للشرطة طالبين تنازل من الكفيل القديم موضح فية التسوية المالية … جبت لهم خطاب مصدق من الغرفة ورفعتة مرة ثانية وللحين في الداخلية في الحقوق الخاصة …. علما بأن واحد لواء في الجوازات قلي مايحتاج تنازل لاستخراج إقامة زوجة مواطن صك المحكمة يكفي فقط بدون تنازل ولا يحزنون … والله شاهد على كل كلمة قلتها والله المستعان بس