Singapore / April 2011

السلام عليييكم

شحالكم ^_^

اليوم حابه اعرض لكم تقرير مبسط عن رحلتي لسانغفوره في شهر 4 ..

نبدا بالجوو ..

جوو سانغفورة قريب لجوو الخلييييج .. يعني حااار بشكل عام بس الحلوو في جوهم ان نزول المطر يكون غير متوقع يعني مره وحده ينزل مطر والجو مايكون مغيم واايد ^^

السكن

نحن سكنا في شقق فندقيه اسمها Fareast plaza

Fareast Plaza Singapore

تقيمي لهالشقق 6/10 .. لان بصراحه الشقق تفرق يعني مول كل الشقق زينه + مو كل الشقق فيهاا شطاف في الحمامات

بس موقع الشقق ممتاز يقع في اهم شارع في سانغفوره وتحت هالشقق في مول صغير وكذلك هالشارع فيه وايد مولات ومطاعم

الاكل ..

بصراحه نحن واجهنا مشكله شوي مع الاكل .. لان مو كل الاكل عندهم حلال ولازم الواحد يبحث ويتحرى اذا الاكل حلال ولالا من خلال البحث عن شعار كلمة حلال على واجهة المحلات او المنيو مالهم

برجر كنغ .. ماكدونلدز .. كنتاكي .. بيزا هت >> من المطاعم الحلال هنااك

ستاربكس >> مب حلال

والحلوو في سانغفورة انكم تقدرون تحصلون انواع من الاكل مثل الهندي والماليزي والفاست فوود

معلومه مهمه : .. كل مطاعم النوودلز مب حلال في سانغفورة

الاماكن السياحيه

نبداها بسانتوسا

Home – Sentosa

سنتوساا عباره عن مدينه فيها عروض مثل عروض الدلافين وفيها حديقة الفراشات ومتحف الحشرات و الاكواريوم وفيها شعار سانغفورة الكبير و عرض Song of the sea

وجهتنا الثانيه

اليونيفيرسال استيدو

عباارة عن مدينة ملاهي كبيره مثل والت ديزني .. وتتكون من عدة اقسام مثل مدغشقر .. شريك واقسام اخرى وفيها متاجر تقدرون تشترون منها تذكرات والعاب وملابس واشياء كثير حلوه مش موجوده عنا في الخليج

وبعد حديقة الطيوور

اللي تعتبر من اكبر الحداايق في العالم تضم انواع غريبه وعجيبه من الطيوور

وحديقة الحيوانات

حديقة كبيره الواحد مايقدر يجوفها كامله في يوم واااحد .. وفيها عرووض واايد حلوه للحيوانات

شارع العرب

والحي الهندي

والحي الصيني

ولعشاااااااااااااااااااااااق الشوووبينغ

سانغفورة فيها وااااااااااااااااايد موووولات حلوووه وكبيره تضم الماركات والمحلات العالميه ومحلات مب موجوده الا عندهم

ومن هالمولات

فيفو مول

VivoCity – Singapore’s Largest Retail And Lifestyle Destination.

مارينا سكوير

Marina Square: Singapore Shopping Mall

ملاحظه : الماركات عندهم اغلى من الخليج والنيوكوليكشن من الماركاات ينزل عندهم قبل الخليج تقريبا ب 3 اسابيع او شهر

Singapore Flyer

Singapore Flyer | A Moving Experience At Every Turn

دولاب كبير مثل عين لندن .. من خلاله تقدرون اجوف سانغفورة كامله

والاحلى من هذا الكبسوله كبيره نوعا ما ولا تستغربون لو جفتوا ناس حاجزين كبسوله ومزينينها للاحتفال بعيدميلاد ولا عيدزواج ولا تخرج ^^

معلومااات عامه :-

الالتزااام بقانون النظااافه لان سانغفورة عندهاا قوانين صارمه بخصوص هذا الموضوع توصل لين السجن والغرامه .. ف اللي معاه اطفال يفضل انه ينتبه الهم عشان مايرمون شي …

الوقت .. عامل واايد مهم في سانغفورة لان شعبهم واااايد ملتزم بالوقت وكل شي عندهم الطابور

السوبرماركتات متوووفره في كل مكاان في سانغفورة واسم اشهر سوبرماركت عندهم 7/11

بخصوص شرايح التلفون هم عندهم كذا شركه بس البلاك بيري محتكر لشركه وحده اللي هي SingTell وتقدرون تستخدمون البلاك بيري لفترات بسيططه مثل تختارون الخدمه ل يوم او 3 او اسبوع

سانغفوورة بلاد اماااااااااان .. بس الامان اقل شوي في الحي الهندي والحي الصيني

جامعات سانغفورة تعتبر من اقوى جامعات العالم

والسموووووووحه منكم على هذا التقرير البسيط .. وانا حاظره لاي سؤال بخصوص سانغفورة .. ^^