سبايدي كااااب

اسلام عليكم … كيف حالكم يا اهل الخير
اولا انا والله حابب اقول لكم اني استفدت كثير كثير كثير من القسم هذا والي قايمين عليه ولكم جزيل الشكر والعرفان ولولا الله ثم موقع المسافر كان انا الان ضايع في تايلند او تحت كبري هههه او مسجد وبصراحه مافي مكان في تايلند الا وله موضوع ما شاء الله كأننا احتليناهم وما خليت مكان في تايلند وزرته وبتعمق (حلوه تعمق دي ) واغلب تجاربكم وتصريحاتكم ونصايحكم كان صحيحه وارجع واقول لكم شكرا شكرا جزيلا لكم .
يعني حتى والله العظيم لما سافرت ما كان عندي اي خوف بالعكس رحت وانا متطمن وواثق من كلامكم لاني عارف وين رايح ووين جاي ومعايا كل المعلومات المفيده:6bc61aca8f:
لدرجه اني اقابل احيانا اخوانا الخليجين يكونو تايهين سوا في بتايا او بانكوك او فوكت اساعدهم بالمعلومات الي ما خذها من الموقع حسيت اني دليل سياحي ولي خبره مع انها اول سفره لتايلند واعطيهم اقتراحات ورحلات وخطط افضل لسياحاتهم … ههههههه (عايش الدور بالمره ) اقولكم بختصار كنت مسلح بالمعلومات وخرايط ههههههه يعني حافظ كل شي والي يشوفني هذيك الايام يقول مختم تايلند او مولود فيها .هههههههههههههههههه كل هذا الشي بفضلكم والله العظيم يعجز لساني عن شكركم جميعا . وانا سجلت مخصوص في الموقع علشان اشكركم . شكرا لكم جميعا
وانا مخطط ان شاء الله وبأذن الله ان سفرتي الجايه تكون مخصوص لتجاره والحمدلله انا خلصت امور هنا من فتح سجل ومن الامور اللخبطه علشان يكون وضعي في السليم . وسفرتي راح تكون على بداية السنه الجديه 2014 واغلبها راح تكون في بانكوك بحكم اغلب التجاره هناك الا اذا احد فادني في شي ثاني غير بانكوك (اتوقع شانق ماي ) فيها برضو تجاره . على العموم هما كم استفسار عندي وياليت احد يتكرم من اخوانا ويساعدني فيها . انا راح يكون معايا مبلغ كبير من المال وماني عارف كيف اتصرف هل افتح حساب هناك في اي بنك تايلندي او اخذهم معايا . وما اقدر احطهم بحسابي في البنك العربي لاني لمن اسحب هناك راح اخسر كثير من فرق العمله ومابين كل سحبه وسحبه برضو خساره وانا اشوف الفكره هذي سيئه لان الميلغ 300000 الف ريال وثاني شي بخصوص البضايع تعرفون ان الواحد راح يتنقل مابين المحلات واكيد راح تنوع في البضايع . السؤال هنا لمن اشتري البضاعه وتكون بحجم كبير فين احطهم او اتفق مع صاحب المعرض او ايش الحل لاني محتار في الموضوع هذا وصعب اني اشيل فيهم من مكان لا مكان يبغالي عشرين عامل وكمان الحمدلله عارف بخصوص الشحن والكونتينر ولكن كم السعر.واصل الان بالحجم الكبسر تقريبا لانو اوقات تختلف الاسعار وعلى حسب نوع شركة الشحن وسمعتها. انا قلت استشيركم وان شاء الله ما يجي منكم الا كل خير ومفيد .وسلامتكم يالغالين