خرجت من الجوازات . ختم تايلند
2016-04-19
السلام عليكم
للتو خرجت من جوازات الرياض بعد تجديد جوازي عن طريق ابشر وصلتني رسالة بانتهاء الجواز وعلي الذهاب لاستلامه .
وعند الاستلام طلب مني الموظف الجواز القديم وفتش فيه حتى وجد ختم تايلند وفتح محضر وقعت عليه وقالي تعال بكرى ورح فوق عشان يحققون معك طبعا انا وش يصبرني لبكرى رحت فوق على طول وقلت لهم وقالو انزل وقلهم يرسلون الجواز لنا وبعد 3 ساعات من الانتظار واكمال الاوراق طلبو مني اعبي نموذج وصورتين شخصية وصورة الاحوال بعدها بدأ التحقيق من ضمن الاسئلة وش موديك هناك وكم جلست وهل تدري انها ممنوعة وهل بتعيدها مستقبلا
وكتبت اسمي ووقعت وقالي تعال بعد اسبوع
قلت وش ممكن يصير قال عقوبة مالية من 500 الى 1500ريال واحتمال منع من السفر من 3 الى 6 شهور وبعدها تبدأ اجرائات استخراج جواز جديد .
زبدة الموضوع اني ناوي اروح تايلند بس بعد اللي شفته شكلي بهون .
تحياتي
دقق العسكري ع الجواز وقال الاحد راجع قسم الفقدان??♂️
حي الصحافة;1287401 wrote: راسلني بخاص وبسنعك من الرياض
سلام عليكم يالغالي ابي عالخاص لاهنت
هههههههه الله يعينك يالخوي ، انشهد انكم طايحين بموظف وصصصصخ نذل واستقعاد .
انا طالع تايلند أكثر من خمس مرات ومجدد جوازي مرتين ، ولله الحمد الامور سهاله وماشيه زين ، بس مدري اذا كانو مشددين ومركزين الحين الله يستر .
بس فيه معقبين عند الجوازات يجدد لك الجواز وتعطيه ( 500 ريال ) ، وبعض الناس يجيب أذن من الداخلية ويسافر .
فأنت قبل لاتسافر جدد جوازك اطول فترة ممكنة ثمن اطلع ، ولا تجدد جوازك الا عن طريق معقب او شيل الفيزا من الجواز وانطله في الغساله وطلع بدل فاقد .:2fe0a1b787:
:6b08cdd459:
ناس جايبه الشقا لنفسها
ارض الله واسعه وفيه بلدان ومدن احلى وافضل.
بس مقيوله ( كل ممنوع مرغوب ) :6b08cdd459:
طيب سمعنا كثير عن المعقبين اللي يجددوا الجواز بدون مسائلة أو غرامة ويأخذوا حقهم
فيه احد مر عليهم وسأل عن الموضوع
الجواز يتلف وتروح عليك فلوس التجديد
اللي تسويه تدخل البنك وتحط اعادة اصدار جواز وبتجيك الغرامة + رسوم الجواز
طيب كيف صدر لك جواز ثاني ؟ :6b5bf50998:
انا رحت اجدد جوازي علماُ ان عندي فقط ختم واحد لتايلند واول مرة اروح لها لا ولا قعدت هناك الا اسبوع او 8 ايام
الغبن طحت بواحد نجس نقز الختم وطار يركض بكل نشاط للسجل يققيد الجواز حقي عشان ما افاصل معه وحولني لقسم المفقودات ، المهم تحقيق وتعهد وبعدها قال بنزلك غرامة بعد شوي 1500 ريال غير رسوم الجواز ،، قلت ليش وجوازي الي جددت عن طريق ابشر وعندكم الحين قالت اتلفناه خلاص تروح تطلب جواز ثاني بداله يعني 150 مرتين واح راح للتالف وواحد للبديل غير الغرامة
الان احاول اجدد او اعيد اصدار عن طريق ابشر يرفض يقول حالة جوازك غير صالح لابد تراجع الجوازات ، وادخل ابي اسدد الرسوم يطلع عندي 150 ريال فقط ولا يطلع ان فيه غرامة
مدري وش الاجراء ووش حلها ارجع للجوازات واطلب جواز جديد ولا انتظر وهذا الي اتلف جواز الجديد بأي حق يتلف الجواز ؟؟؟ اتلاف وثيقة السفر الساري مفعولها يعتبر جناية اصلا ومخالفة للنظام ولا في احد من حقه يمنع من السفر او يتلف الجواز الا وزير الداخلية فقط او بحكم قاضي اذا في جناية او تكرار لمخالفة جسيمة مثل بيع الجواز او تضييع الجواز اكثر من مرتين
لكن روحة لتاليند تتلف جواز وتطبق غرامة بهالحجم لاول مخالفة ودولة مافي بينها وبين السعودية قطع علاقات مثل ايران مثلا بالعكس موجود بعثات كثير تروح لتايلند واندية ومنتخبات و في بعثة دبلوماسية موجودة هناك
لا الحمدلله
طيب عسى مانزل عليك منع لاسمح الله
للاسف جددت عن طريق ابشر
ورحت ابستلم الجواز وصادوه
اللي يقول مافيه تدقيق ماعنده سالفة
نصيحة ابعد عن الشر وغني له
وحسب علمي النظام الجديد بيصير كل شي عن طريق البريد يعني لاراح تنفعك معرفة ولا غيره