تقرير مبسط عن الرحلة وشكر خاص للعضو يافعي جداوي

السلام عليكم ورحمة الله وبركاته

تو  راجع  وتقرير مبسط عن الرحلة وقبل كل شي  اشكر الاخ / يافعي جداوي شكرا جزيلا وما قصر صراحه  ومتواصل معه طوال الرحلة .

والشكر ايضا لجميع الاعضاء الذين افادونا بتقاريرهم عن هالبلد .. 

الرحلة كانت على الخطوط الاماراتية 13/8 والوصول لمطار بانكوك 7 مساء .

واجراءات الفيزا سهله في المطار وكنت مجهز الصور وحجز فندق وعبيت الاوراق  ودفعت 1200 بات لن مافيه زحمة مثل العادي وحصلت شخص قبل مكان الفيزا يعرض على اوراق وان يخلصني بمقابل مادي  500 بات وسحبت عليه .

الرحلة كانت في البداية بانكوك يومين وهو اليوم الاول يوم الوصول والراحة  واليوم الثاني اكتشاف منطقة العرب وسكنت بفندق سومرست ليك بوينت وهو فندق وفيه نظام شقق وحلو ولكن عيبه بعيد عن المنطقة العربية وتحتاج تاكسي

والمنطقة العربية حلوة واللي محليها اخواننا الخليجين الله يحفظهم مسوين جو وعالم وزحمة  .

والصرف وشرائح النت كله من المنطقة العربية وجربت بعض المطاعم لكن الافضل من وجهة نظري ابو دبه

وجربت محل مساج في بانكوك  وحلو لكن ما يوصل للفايف ستار وحصلته في التريب افاديزر  واسمه siladon sap

لكن تعامل بعض السائقين في بانكوك غير جيد بالذات القريبين من المنطقة العربية تعامل سيئ يعرضون خدمات والخ وبعدها اعتمدت على برنامج قراب وصراحه افضل شي  سواء بانكوك او بتايا او بوكيت  ..وبانكوك كما قالوا الاخوة لتسوق لكن جميلة كم يوم لن كل  شى متوفر وجوه حلو  مع الخليجين .

واليوم الثالث التوجه الى المطار والرحلة الى بوكيت وتم حجز التذاكر مبكرا وعلى طيران اير اسياء والطيران جيد والتذاكر من برنامج الخطوط نفسها وسهل الحجز فيها .واسعارهم حلووه 

وصراحه ما فيه تاخير يذكر وكانت الرحلة 4:30 تقريبا العصر  ..وعند الوصول لبوكيت حصلت اسمي مكتوب بلوحه والسواق جاهز وكان عن طريق الست خديجه وهي صاحبة متكب مقابل مطعم القاهرة واعطاني رقمها الاخ العزيز يافعي وما قصر  ومكلمها قبل الوصول بليلة.. وفان مجهز وشغل ترتيب وسعره اظن 700 بات للباتونغ .. والفنادق صارت معنا شوي لخبطت لن نحجز من البوكنق والفيزا ما فيها شي وبعض الفنادق تكنسل بعد يوم . واللي سكنتهم فندق سليب وذ مي 3 ايام  والثاني ذا كي  3 ايام.. وصراحه موقعهم رائع وقريب من كل شي وكلها خطوات للمول وللمطاعم وللبنقلا روود والافضل فيهم هو ذا كي لكن سعره اغلى شوي 

الرحلات البحرية الاغلب صباحي وثاني يوم في بوكيت طلعت رحلة جيمس بوند وكانت ممتعة وعلى القارب السريع واغلب اللي معانا خليجين والشخص الواحد 1500 بات من مكتب خديجة وتستحق التجربة  والباص يوصلك حدود الساعة 8 صباحا  للفندق والعودة بحدود 5 العصر واربع محطات تقريبا في البرنامج بالاضافة الى وجبة الغدا في جزيرة فيها مسلمين  . 

والرحلات البحرية الثانية للاسف ما استطعت لن تحتاج مجهود ونوم مبكر .

وفيه مطل طلعت له مع تاكسي اسمه كارون فيو بوينت مكان تصوير وتامل  وفيه كمية هائلة من الطبيعة ومطل على الشاطى

وحجزنا احد الايام على فنتازيا وحلوة وتستحق التجربة عروض عن الفيله وعروض اخرى لكن صراحه  شغل ترتيب العروض. وايضا كان الحجز بدون وجبة عشاء لثلاث اشخاص 4800 بات والزين فيها ان وقتها مساء وكمان شامل المواصلات من والى الفندق .

المطاعم في بوكيت مو ذاك الزود وجربت بعض المطاعم منها دبي وباب الحارة لبناني اظن وهندي بعد لكن الاسعار مرتفعة وبدون جودة والحمدلله على النعمة . عكس مطاعم بانكوك وبتايا .وفيه مطعم حلو بعد نهاية شارع البنقلا يسار مقابل البحر اسمها روما  ايطالي شغل بيتزا وصراحه حلو وجيته اكثر من مرة ويقفل الساعة 12 ليلا ..

نجي للمساج جربت واحد وادمنت عليه وعندهم بكجات وتبدا الاسعار اظن من 700 بات  الخ  وحتى فيه بخار وسونا صراحه شغل عدل هالسبا واسمه De flora spa  

وقريب من مطعم القاهرة على نفس الشارع .. .. 

جزيرة  بوكيت حلوة وممتعة وجامعة للفعاليات والاجواء الحلوة والطبيعة والحياة الليلية وكل ما هو ممتع وكل شخص عايش جوهه وشايف اللي يناسبه . والناس اذواق .

وايه صح  فيه محل ايسكريم خورافي وموجود في المول واسمه swensens  ومره خطير .

 بعد قضاء ست ليالي في بوكيت وارى بانها من اجمال ايام الرحلة تم التوجه الى بتايا .