نصائح قبل تستأجر دباب في تايلند

مشكوووووور والله يعطيف الف عافيه

<< هههه داخل غلط بالموضوع وبدايه تبشر بخير أجل !! :9303f68a42:
ياشباب كل مافي الموضوع انه حبيت اسجل بعض النصائح اللي اكتسبتها من زميلي الخبرة مرررره في تايلند رومانس ههههه وأحطها بين يدينكم لأنه ممكن مايخدمكم الحظ وتسافرون معه بس أقلها نكون نشرنا بعض من معرفته وخبرته في صفحات هذا المنتدى الرائع والجميل << هذه مدحه بس مهيب نصب زي الاولى هههه
:61acbf8b15:

نرجع لأهم نقطه وهي تضخم السوق وارتفاع الاسعار وأثارها على تقلب امزجه سواقين التكاسي هههه <<< هذا نظام رومانس بالسفر ترا مايعرف يسولف من جد ... طيب الحين لنا ساعه ولا كتبنا شي مفيد بالموضوع داري بس انا أنتظر الصور يحملن هههه طيب ضروري اكتب شي لين يحملن ماني قايل كلام قليل أدب لأنه بيرجع علي هههه. صحيح الموضوع شبابي وحق العزاب يعني بالله العوائل لا يدخلون << والله وجاء اللي اليوم اللي نرد لهم الطردات هههه لأنه مو معقول عوائل وراكبين دبابات هههه

نرجع للموضوع بس شباب

:3b4d2c926c:

ونبدا بالجد الحين :

أول شي فيه نقطه وهي من وين تستأجر الدباب أصلا ومتطلبات الايجار :

يستأجر الدباب من المكاتب المنتشرة بكل شوارع مدن تايلند ولا يطلبون عليك الى صورة الجواز وتأمين غالباً يكون 1000 بات يسترد بعد انتهاء المدة مع قيمه الايجار كاملة مقدماً وتسجيل اسم الفندق وتسليمك خوذتين للرأس مع الدباب .

المكاتب وصورة منها

واذا كنت ممن يعشق نوع معين من الدبابات تقدر تشيك عليها وهي واقفه قدام المحلات ويكون عليها لوحه FOR RENT وحتى لو كنت برضو تدور شي جديد زي رومانس هههه .

لحظة تسجيل العقد تقدر تكاسره بالسعر والدباب الصغيرة يتراوح سعرها من 150 بات الى 250 بات على حسب موديله ونظافته والجديد دائما أزين لك بس أغلى لاكن يكون مريح من ناحية البريك والاعطال وحتى السرقة مايصير السويتش الخاص بالمفتاح تهرول ( كثر استخدامه ) فايكون أكثر امان .

الدباب الكبيرة مثل هارلي وشلته من 250 بات الى 800 بات على حسب حجمه وطمع صاحبه

احرص على تفاصيل العقد خاصه اذا كنت فتره طويله تاريخ البداية والنهاية مع انهم حبيبين بس سبحان الله دائما حظنا شين ونطيح بأردى الناس ههههه

بالنسبة للأخوان وهم كثار هنا ههههه سام 9 والقانون وجيرمن والبارق مايحبون يستعرضون مواهبهم ويخافون من العين بس فيه مجال أربع كفرات سواقه أريح ويفكك من التكاسي والاسعار والله مدري عنها لاكن يوجد مكتب وانت طالع من منطقتنا في باتايا ورايح على شاطئ جومتن تلاقيه على اليمين أو ماتفرق من عند الجسر القريب ولاكن كلش ولا منطقة العرب والمستعربين هناك والاسعار اللي تكوي .

وهذي صورة لســـام قدام فندق مارينا ينسباي صايده لكم ههههه

وهذا اللي أقصده

نقطتين مهمات وتحميك من المخالفه وهي 400 بات + 100 اجور سحب الدباب

الخوذة + المواقف الخاصه بالدبابات

الخوذة لازم تكون لا بسها وخاصه بالليل ولا ممكن تقابل تفتيش فجأة وكثيرة في بوكت ولا يصيدونك وانت راكب ولا حتى اللي معك راكب يكون مالبها لأنه تلزم عليكم الاثنين السواق والراكب ويصكونك بذيك المخالفه اللي تخليك تعشى فلافل ذاك اليوم وتعدل الميزانيه ههههه

وهذا لوني المفضل ههههه

لاكن لا تحمسون في الخوذة مثل هذا ههههه على قد ماتقدر تاخذ شي خفيف وعادي لأنها ممكن تنسرق مثل ماصار معي من مواقف الفندق واشتريت وحده بدالها بسعر 120 بات من المحلات اللي برا لأنه سلمك ثنتين راعي المكتب ترجع الدباب له مع خوذتين هههه

وهذا اللي أقول لكم متحمس بالخوذه هههه

والحين نجي لموضوع المواقف :

[mark=FFFF66] نقطه صغيرة[/mark] ( فيه فرق بين مواقف السيارات ومواقف الدبابات وهو التخطيط الارضي واللي مقابل الرصيف لأنه الخاص بالدبابات يكون بشكل متقطع وصغير وعلى حجم الدباب واللي للسيارة يكون مربع كبير بحجم السيارة وممنوع توقف مكانه أنت ياراعي الدباب ولا تطلع ماتلاقي دبابك ويصير لك نفس ماصار لي وأجيب لكم التفاصيل

وهذي مواقف الدبابات وانا موقف بالعرض ههههه واااصل بباتايا اللي يلزمه خدمه ولا شي

ولاحظو الخطوط اللي بين الدبابات وهذي هي المقصودة

ولو ماوقفت بالمكان هذا ولا بمكان الدباب راح تلاقيهم أخذو دبابك عيال الابالسه ولازم تراجعهم بمركز الشرطه وتحضر معك العقد وصورة جوازك والفلوس هههههه وياخذون عليك 400 بات غرامه و 100 بات حقت السحب واذا كان دباباك كبير 500 بات غرامه + 100 بات للسحب وبعدين يعطونك ايصال وتاخذه الى حوش الحجز اللي بقلع وادرين وهو فوق الجبل في باتايا وبرضو تخسر تاكسي في 100 بات حق المشوار والأنفس شينه …

هذا مركز الحجز وانا كنت أنتظر دوري طبعاً أول ماتدخل تروح وتعطي الكاونتر اللي بالوجه أوارقك وهي صورة الجواز والعقد وتأكد ان العقد حق الدباب مازال ساري بالمدة النظامية بعدين يشيك الشرطي من الجهاز هل الدباب عندهم ولا بمركز ثاني لأن كل منطقه ياخذون منها الدباب لها مركز حجز بعدين اذا موجود يقول Wait Mrrrrrr وانت تنتظر على الكراسي اللي قدامه ويبي يقعد ينادي له ساعه ولا راح يجيك الدور ههههه لأنه يبي ينادي برقم اللوحه وانت تنتظر اسمك ههههه وهذا اللي صار معي لأني رحت لهم وقالو ناديناك ولا جيت وأثاريهم ينادون برقم اللوحه وانا اتسمع اسمي ههههه المهم تاخذ أوراقك وتعطيهم الفلوس ويسلمونك ايصال تسديد الغرامه ويكتب لك عليها عنوان الحوش حقهم الله لا يعيدهم هههه .

على فكرة
اللي فوق روسهم اللوحه هذي لائحه المخالفات منها المواقف وعدم لبس الخوذة وكلها مسعره وشغلهم بكل أمانه مرتب .

وتطلع للحجز بعد كذا وكأنك داخل الكونجرس مافيه تصوير بس زحمه دبابات ياعالم

صورت وأثر اللي ناط بوجهي

Noooooooooooooo !!!

الله يلعنك هبلتني أحسب عندك سنع !!!

المهم هذا بخصوص المخالفات والحين نجي لنقطه البنزين وطريقه التعبئه هههه عاجبتني :

والمحطات حقات الدبابات منتشرات بكل لفه ههههه والعلبه على 30 بات ولا فيه فرق 91 ولا 95 هههه نفس السعر

بس كل ماعليك تاقف وتقوله 2 ولا 3 وتعطيه الفلوس وهو اللي يعبي لك

المحطااات ههههه

وكذا التعبئه ههههه بهذلت به لين زبط التصوير خليته يعبي لين صورته هههه

وبكذا خلصنا من النقطه هذي …

نجي الحين لنقطه لو حصل للدباب أي خلل لا سمح الله ولا قدرت ترفع غزاله ولا تسدحه عن الاشارة بسرعه هههههه

لاكن المقصود هنا اذا احتجت تسوي له اي تشييك مثل تعبي الكفرات هواء تشيك على الفرامل ولا النور وغالبا هواء الكفرات لأنه اذا فيه شي جامد رجعه لمكتب التأجير

وتلاقي البناشر غالبا بأطراف الشوارع الرئيسيه وأنت تخدم نفسك فيها وبعض الاحيان مايقصرون هم

واذا خلصت تحط هنا قسمت الله ولا تكلم معهم لأن هذي طريقتهم من 10 للعشرين على حسب الخدمه اللي قدموها لك وانت اللي تقدرها لأنه ماراح أحد يتكلم معاك بهذا الخصوص

أخر نقطه نقطه الامن :

الدباب بحلقك لين ترجعه لهم فضروري تحافظ عليه لأنه أي شي يحصل له تتحمل انت المسئولية وبكذا الحرص زين من ناحية الموقف والطيحات وأخيرا اذا وقفته فيه قفل احرص انك تستخدمه وخاصه اذا كنت تبي توقف مدة طويله وراح تغيب عن المنطقة اللي فيه وهو قفل صغير تربطه بالهوب حق الكفر والعادة ان القفل أكثر امان من مفتاح السويتش اللي ساعات من كثر الاستخدام يقبل أي مفتاح

وهذا القفل المقصود

ورقعها الفجر عاد ههههه دايخ وتوك صاحي من النوم وانت تقلب القفل هذا

:2fe0a1b787:

وأخيراً متعه الدباب هو ابحارك في المدينه بدون رقيب ولا حسيب ولا وجع الرأس ومشاكل التكاسي فترووح وين ماتبي وتمشي متى ماتبي وان حر روحك وفعلا تحتاج الراحه هذي لأنك بإجااااازة

شاطئ الجوميتن ولا أحلى من هذا الهدوء

هناك بأخر الشاطئ

تقرير بسيط قدمته لكم وأتمنى ينال على اعجابكم

الكابتن خالد

وأحلى الذكريات