بانكوك القاسيه في يومين

مضطر اجلس فيها يومين عشاني جديد فيها
ولا المره ثانيه يوم واحد وبعدها على المطار
حجزت ليله فندق جريس من مكتب ابو سامي
الي في بتايا عشان اريح مخي ووصل الى الغرفه
سيدا فرق 200 بات كنت اعرف تاكسي مرتاحله مره
ومتفق معه يوصلني بانكوك تفاجئت جاني واحد ثاني
وسيارته كامري عاديه رفضت اركب معه وجلسوا يحاولون
يقنعوني ويقلولي والله عادي حتى يقول التاكسي
ممنوع دخن فيه قلت مو مشكله تركتهم واتجهت الى
مكتب ابو سامي بس هم تداركو الموقف وجابولي تاكسي
وصلت قريس ( وما ادراك ما جريس )لقيته زحمه والناس
صافه سرا عند الاستقبال المشكله عوائل ومعهم اطفال
مع ان فيه احسن منه بكثيييير وحوله و يتضمرون من سوء
المعامله طبعا بس وقت الشيكاوت يصير فيه مشاكل
الشباب الهاي كلاس والي سافرو لدول متفتحه من قبل
تراك بتتقزز من المناظر ،نزلت اغراضي
ودفعت تأمين 1000 بات ثم اتجهت للسفتي بوكس
ودفعت 1000 بات تأمين ميزته حلوه زي البنوك العالميه
تدخل للغرفه وهم ينسقون بحيث ما يكون في احد جنبك
وتخلص امورك بنفسك مو مثل بتايا كل خلق الله يشوفون
وش عندك بعدها جلست ادور مطعم كل ما أسئل شخص
عن احسن مطعم يقول الشارع مليان مطاعم ، كلها فاشله
اكل منه شوي جربت ثلاث مطاعم في وقت واحد مسوي ذكي
اشوف الي فيه زحمه اقول هذا زين احاول البقاء على قيد
الحياه جلست نصف نهار وليله وصبح حالتي حاله اكل خبز وجبن
الين سئلت ولد صغير مره خليجي قلته وش احسن مطعم
قالي الغواص وصفه لي والوصف صعب علي قالي امش
انا اوديك خل قريس يمينك ومطعم شورما الحاج محمود ياسرك
اول لفه يمين اتركها الثانيه خش يمين تجيك بقاله رامز مقابله
ثم يسار ثم يمين فيه جنب رامز فندق حلوه مره اسمه ستي
بلازا نانا عيبه السفتي بوكس في الغرفه ويسمح بأدخال
الضيوف لاكن بسعر رمزي ، فيه سوق ماركات واسعاره معقوله
اسمه سيام ستي ركبت المترو سهل (بس ضغط في الازرار
وحط هلل يطلعلك كرت ههه امزح معكم )ما ادري هو انا صح ولا غلط
محطه سيام رقم 25 من نانا ولقيت زر مكتوب عليه 25 ظغط عليه
بعهدها على الشاشه طلع رقم مبلغ 250 بات حطيت المبلغ حديد طبعا
وطلعلي كرت ركبت المترو ثلاث محطه زلت فيه بوابه تحط الكرت بعدها ينسحب
توصل اسواق سيام ستي جميله وراقيه وماركات واسعار مره زينه
جيت برجع اثاري سيام عباره نقطه تحويل قطارات ركبت قطار غلط
على ان ثالث محطه انزل الا وصلت منطقه غريبه فيها ملاعب كوره
والمشكله ان مافي زحمه مو مثل اول والتايلديين مستغربين من وجودي
عرفت اني جبت العيد سألت الامن وقالولي ارجع سيام رجعت سيام
وعرفت اركب قطار نانا بعدها جيت للبوابه الي تسحب الكرت الكرت مالقيته
رحت للأمن ودفعت 250 بات ثم نزلت لاشارع الا مو هو شارع العرب
لقيتلي دباب قلتله جريس ركبيت معه انا صحيح في نانا لاكن جهه
ثانيه بعيده عن قريس دخلني حواري الله لا يوريك
جيت بحاسبه الا الفلوس الفكه مو موجوده امهات 100 وخمسين وعشرينات
هنا عرفت اني تعرضت للسرقه لا كن الحمد الله المبلغ مو كبير يمكن خمسين
ريال سعودي انا الفلوس الفكه احطه في جيب مو منتبهله كثير اهتمامي
في الجيب الي فيه 500 او 1000 بات رجعت للفندق بالسلامه
ثم طلب تاكسي من الفندق جابولي سياره عاديه مو تاكسي
بس ما عندي اي مشكله معي مصروف جيبي بس والباقي في السفتي
الي تسوق بنت صغيره وتواجه للي بياخذها كا مرافقه وعلى دريم وورد
مضطر لانه اقرب شي والفعاليات بتقفل ،قصيتلها تذكره ودخلتها معي
،مكان يصلح للي معه اطفال وللكبار في لعبه وحده مدري وش اسمها ترفعك
فوق وتفتر فيك لونها اصفر والترفليك فرصه تلتقط صور حلوه، نرجع لموظوع
قريس لقيت عوائل كيف ما ادري واطفال لاكن واعين تقدر تقول ابتدائي
اول متوسط وعادي من عند اللفت يمرون من بائعات الهوى بلبسهم الفاضح
وليتهم على سنع شيء مقزز جدا وغير الي عند المواقف
لاكن فيه الي بمكان السهرات مع الدرج القبو فيه مع المطرب
لاكن الجو حار وفيه من غير مطرب والتكييف بارد كلهم فعليا من
الساعه وحده في الليل بس تراهم اغلا من بتايا