تــقرير مكتوب عن سفرتي لبتايا لأول مره ..

السلام عليكم

كيف الحال اخواني عساكم مرتاحين

انا اليوم واصل من 7 ساعات تقريبا بكتب لكم الاشياء اللي سويتها اول ماوصلت طبعا من الطيران لي المطاعم

طبعا قررو الشباب للسفر واحتارو بين مصر و الامارات واحتارو لمدة اسبوع الا ان وصل لي خبر حجز بعض الشباب لتايلند وقالو الربع { معاهم } واصبحنا 11 شاباً

تم الحجز تاريخ 16 / 7 / 2010 تم استخراج التذاكر والرحله تكون علي النحو التالي /

من 10 / 9 / 2010
إلى 1 / 10 / 2010

ترانزيت كويت , بحرين , بانكوك < والعكس 21 يوم اتفقنا وحجزنا مع الشباب علي طيران الخليج طيران لا بأس به قيادتهم من الكويت الي البحرين حدث ولا حرج في الذهاب
حيث ان الكابتن قضب بريك مو طبيعي مصع بطونا

الحمدلله ذهبنا دون تأخير ولا شي

وصلنا بمطار بانكوك ضبطنا امورنا وخلصنا والا تضيع شنطة واحد من الشباب تقدر بملغ 300 دينار كويتي من ملابس وعطور

والى الان لم يجدوها

المهم وصلنا لبانكوك ورحنا لبتايا والبعض من الشباب سكن في فندق مونلايت والبعض في بي ان

طبعا انا بي ان لان مونلايت يبون بغشيش عشان اسكن وانا قلت اولها بغشيش شلون تاليها

رحت لفندق بي ان فندق علي قولتهم { رخيص وكويس } كيشت 20 ليله طلعت الليل بـ 465 بات مع السيفتي تأمين 3000 بات و ريمونت الدي في دي والتلفزيون 1000 لكل واحد 500

اول شي نتكلم عن اللوبي اللوبي فيه 5 ارايك وطاولتين وطاولة بلياردو وطاوله للي حاب يستخدم الواير لس طبعا الواير لس بس باللوبي مو بالغرف

نجي للغرف الغرف ممتازه من حيث النظافه ولكن لان يطل علي ارض يملأها الشجر يأذيك النامس { القارص } طبعا انت روح الصيدليه واشتر قاتل النامس اللي يتركب ع الكهربا وريح بالك

وفي غرف كبيره جدا وحلوه بـ 500 تقريبا واللسويت غرفتين وحمام بـ 700 وشوي

ولا ننسا ان التلفزيون بلازما

والفندق ميزته اني لم ارا مثل سرعة الاصنصيل ماله سريع جدا

واول ماتوصل له بدل الفراش وانت اللي اشتر الفراش من بيق سي او مجمع مايك احسن لك لاتشتري منهم لان ياخذون مال اللي قبلك ويغسلونه ويبيعونه لك ويمكن مايغسلونه كلهم جذي طبعا هذول مو الفندق اللي يشتغلون فيه الكلين و السكيورتي

طبعا الفندق فيه مطبخ تطلب منه اللي تبي وانصحكم بكلوب ساندويش مو طبيعيه

وفي باركنق للسياكل السيارات

نجي الان لوصف موقع الفندق

تخلي الفي سي علي يسارك تظل ماشي يصير فندق بوتك علي يمينك تضل ماشي لين يوقف الشارع تقريا مسافة 400 متر تاخذ يمين تظل ماشي 100 متر تلقاه علي يسارك p.n minshon

مع الاسف اني ماصورته لاني انام فيه واطلع بس

وانصح الناس اللي يطولون فيه لانه سعره ممتاز بالنسبه له والسيفتي مفتوح لك 24 ساعه

وماله ويب سايت الفندق

وشكرا لكم

تقييمي لبتايا من 100 = 100